چارواکي په اسلام اباد کې د اسیا د زړه په کنفرانس کې د افغان ولسمشر د ګډون خبر ورکړی.
دا په داسې حال کې ده چې د پاکستان پوځي او حکومتي چارواکو د شنبې ورځې په ماښام په یوه غونډه کې پریکړه وکړه چې په اسلام اباد کې د اسیا د زړه په سیمه ییز کنفرانس کې به له افغانستان سره ډیالوګ بیا پیلوي.
د راپور له مخې که څه هم په غونډه کې د پوځ لوی درستیز جنرال راحیل شریف حاضر نه و، خو پریکړه وشوه چې پاکستاني مقامات به له ولسمشر اشرف غني سره، د سولې د خبرو په ګډون د لانجمنو مسایلو په اړه خبرې وکړي.
ایا د افغانستان او پاکستان په اړیکو کې له دومره کړکیچ وروسته د یوه ناڅاپي ډراماتیک بدلون تمه کیدای شي؟
احمدتکل په دې اړه د ولسي جرګې له غړې شکریې بارکزۍ سره مرکه کړې او په پیل کې یې ترې پوښتلي چې د اسلام اباد په غونډه کې د ولسمشر اشرف غني د ګډون اهمیت په څه کې دی:
