ټاکل شوې ده د سپتمبر مياشتې په دوهمه او درېيمه نېټه په کابل کې پر افغانستان يو سيمه يېز اقتصادي کنفرانس جوړ شي.
د راپورونو له مخې د هندوستان د بهرنيو چارو وزيره په دغه غونډه کې برخه نه اخلي.
له همدې کبله داسې ګونګسې راپورته شوې چې ګواکې هندوستان د پاکستان او افغانستان ترمنځ د اړيکو پر سر دا پرېکړه کړې ده.
په دې اړه چې ايا هندوستان په سيمه کې د ثبات او سولې لپاره د پاکستان او افغانستان ترمنځ د ښو اړيکو پلوي کوي، ملالۍ بشير په کابل کې د هندوستان له سفير امر سنها سره مرکه کړې او په سر کې يې ځيني پوښتلي چې د هندوستان د بهرنيو چارو وزیره سشما سواراج ولې په ريکا غونډه کې برخه نه اخلي؟
