د ٢٠١٥م کال د نړيوال جام سياليو په لړ کې نن د هند او متحده عرب امارتو ترمنځ مسابقه وشوه.
لوبه چې د اسټراليا په پرت ښار کې وشوه، اماراتو پيل کړه، لا يې ٣٤م اوور نه و پوره کړى، چې په ١٠٢منډو يې ټول لوبغاړي وسوځېدل او هند ته يې د ١٠٣ منډو هدف ورکړ.
هند وتوانېد دغه ورکړل شوى هدف په يو کم ١٩ اوورونو کې د يوه لوبغاړي په سوځېدو سره پوره کړي.
د هند تکړه لوبغاړى اشوين د دې مسابقې غوره لوبغاړى وبلل شو.
ټاکل شوې د انګلنډ او سريلانکا ترمنځ راتلونکې نيمه شپه مسابقه وشي.