د سياسي او حقوقي چارو کارپوهان وايي؛ د کابينې په معرفي کې ځنډ د قانون له مخې جواز نه لري.
د افغانستان ولسمشر پرون وويل چې ولسي جرګې ته د نوې کابينې معرفي ښايي له دوو تر څلورو اوونيو پورې وخت ونيسي.
اشرف غني وويل چې تر دې وروسته به د وزارتونو معينان د سرپرستانو په توګه وزارتونه رهبري کوي.
د لوړې په مراسمو کې ښاغلي غني ويلي وو چې کابينه به په يوه نيمه مياشت کې معرفي شي. د حکومت دوې مياشتې پوره شوې؛ خو کابينه لا هم نه ده معرفي شوې.
صالح محمد صالح د مرکې په پيل کې د سياسي او حقوقي چارو له کارپوه "اجمل هوډمن" نه پوښتنه کړې چې د کابينې په معرفۍ کې د ځنډ اصلي علت څه دى؟
