د عراق امنيتي ځواکونه وايي، شيعه مليشه د عراق په شمال ختيځ کې د سنيانو يوه مسجد ته ننوتل او لږ تر لږه ۳۰ کسان يي په ډزو ووژل.

امنيتي ځواکونو خبري رسنيو ته ويلي، د ديالا ولايت بقوبا ښار روغتون ته د ديرشو کسانو مړي رسيدلي دي.

عيني شاهدانو ويلي، د مړيو شمير تر دي زيات دي.

د عراق د شيعه ګانو ستر مذهبي مشر آيت الله علي السيستاني يوځل بيا نن په کربلا کې د جمعې په لمانځه کې پرعراقيانو غږ وکړ چې د اسلامي دولت د وسله والو پرضد دې وجنګيږي.

ده دغه راز وويل، په بغداد کې ټول اړخونه سلا شوي چې په هېواد کې به يو مناسب حکومت جوړوي.

له بلې خوا، د عراق حکومتې ځواکونو او کردي پشمرګه مليشو د اسلامي دولت له وسله والو څخه د دوو ښارګوټو د بيرته نيولو عمليات پيل کړي دي.

د عراق امنيتي ځواکونو لويديځو خبري رسنيو ته ويلي، عراقي عسکر د هوايي ځواک په ملاتړد ايران پولې او د کردانو خومختاري سېمې ته نږدې د سعديه ښارګوټې پرلور پرمخ تللي دي.

سرچينو ويلي، کردي ځواکونو د امريکا د هوايي ځواک په ملاتړ د بغداد د شمال ختيځ په ۱۱۵ کېلوميترۍ جلاولا سيمه کې يوه ناحيه هم له وسله والو څخه نيولي ده.

د امريکا د متحده ايالاتو دفاع وزير چيک هيګل وايي، د عراق اسلامي دولت وسله والو د امريکا ګټو ته نږدي خطر پيدا کړي او بايد وځپل شي.

عراق وايي، د کرکوک سیمې د خام تیلو صادرات يې د جیهان بندر له لارې ترکیې ته پيل کړي.

عراقي چارواکو نن چهارشنبې د (مارچ۱۸مه) ویلي،" د کرستان له خودمختاره حکومت سره یې له هوکړې وروسته د کرکوک سیمې د خام تیلو صادرات چې په ورځینې ډول به ۲۵۰ زره بیله وي، ترکیې ته پیل کړي دي".

عراق دا پریکړه وروسته له هغه وکړه چې د ایران له خوا د هرمز تنګي تړل کیدو سره د نړۍ په بازارونو کې د تیلو بیې په بې سارې کچه لوړې شوي دي.

د عراق په شمال کې د تیلو دولتي شرکت "نورث اویل" اعلان کړی چې د کرکوک د تیلو لیږد هغه پاین لاین ته چې د کردستان له سیمې تیریږي بیا پیل شوی دی.

دغه پاین لاین د مدیترانې په ساحل کې د ترکیې جیهان بندر سره وصلیږي او د عراق د تیلو د صادراتو لپاره یوه له مهمو لارو څخه ده.

له دې مخکې عراق د هرمز تنګي له لارې په ورځیني ډول ۳،۵میلیونه بیل تیل صادرول.

د ایران د بهرنیو چارو وزیر عباس عراقچي وايي، له امریکا او اسراییلو سره په اوربند باور نه لري.

هغه چې نن سهار چهارشنبې له الجریز تلویزیونې شبکې سره خبرې کولې وویل،"موږ له امریکا او اسراییلو سره په اوربند باور نه لرو، موږ د جګړې په پایته رسیدو باور لرو، هغه هم داسې پای چې په ټولو جبهوو کې وي".

له دې وړاندې د ایران د پارلمان مشر محمد باقر قالیباف ویلي وو،" له اوربند سره مخالف یو، خو جګړه باید داسې پایته ورسیږي چې ورسره په ایران او سیمه کې هر ډول تهدید له منځه لاړ شي".

عراقچي د ایران د ملي امنیت د عالي شورا منشي علي لاریجاني وژنې ته په غبرګون کې وویل،"د ایران د اسلامي جمهوریت جورښت په کافي اندازه کلک دی او د " یو کس شتون او نه شتون" پر اغیز کولی نشي".

ایراني رسنیو پرون سه شنبې تایید کړه چې علي لاریجاني د اسرایلو په بریدونو کې وژل شوی دی.

بل پلو، اسراییلي رسینو خبر ورکړی چې نن سهار د ایران په توغندیزو بریدونو کې دوه کسان وژل شوي دي.

نژدې درې اونۍ کیږي امریکا او اسراییلو پر ایران بریدونه پیل کړي دي.

د لبنان پوځ وايي، د دې هېواد په جنوب کې د اسراییلو په بریدونو کې یو لبناني عسکر وژل شوی دی.

پوځ د سه شنبې په ورځ د (مارچ۱۷مه) په یوې اعلامیې کې وویل،" د اسراییلو په بریدونو کې یو عسکر وژل شوی او څلور نور ټپیان دي".

بل پلو، د اسراییلو پوځ په یو بیان کې ویلي،"اسراییل د لبنان پوځ له هغه ادعا چې د دوی په بریدونو کې لبناني عسکرو ته مرګژوبله اوښتې خبر دی او په دې اړه يې څیړنې پیل کړي دي، اسراییلي پوځ د (حزب الله پر وړاندې جګړه کوي) نه د لبنان د وسله ځواک او ملکیانو پر وړاندې".

د ایران له ملاتړه برخمنده حزب الله ډله له هغه مهاله چې امریکا او اسراییلو پر ایران بریدونه پیل کړي، پر اسراییلو راکټي حملې کوي.

د ایران د جګړې له پیل راهیسې د اسراییلو په بریدونو کې درې لبناني عسکر وژل شوي دي.

د امریکا ولسمشر ډونالډ ټرمپ وايي،"د ناټو هغوو غړو هېوادونو ته اړتیا نه لري چې د ایران ضد جګړه کې ورسره برخه نه اخلي".

هغه د سه شنبې په ورځ پر ټروټ سوشل پاڼې لیکي،"واشنګټن د ناټوو یو شمیر غړو هېوادونو څخه خبر ترلاسه کړی چې نه غواړي د ایران ضد جګړه له امریکا سره برخه واخلي، په داسې حال کې چې همدا هېوادونه په ایران کې زموږ له ټولو اقداماتو سره موافق وو او نه يې غوښتل چې دغه هېواد اټومي وسله ولري".

د هغه په ټکو،"زه تعجب نه کوم، ځکه موږ هر کال په میلیاردونو ډالره ناټو ته ورکول، خو په مقابل کې يې دوی د اړتیا په وخت کې د امریکا لپاره هیڅ نه کوي".

د بریټانیا، جرمني، فرانسې او ناټو غړو یو شمیر هېوادونو په ګډون د امریکا هغې غوښتنې ته د رد ځواب ورکړی چې ویل يې د هرمز تنګي د پرانستلو لپاره دې جنګي بیړۍ منځني ختیځ ته واستوي.

په ایران کې ځینو کورنیو رسنیو راپور ورکړی چې د سې شنبې په سهار (۲۶ حوت) د تهران په شمال کې د پرله‌پسې چاودنو غږونه اورېدل شوي دي.

الجزیرې چاینل هم نن سهار راپور ورکړی چې د تهران په شمال کې، د سعدآباد ماڼیو کمپلېکس ته نژدې، څو لویې چاودنې اورېدل شوې دي.

د اسرائیل پوځ د تهران په وخت د سهار له پیل سره سم په خپل ټیلیګرام کې اعلان وکړ چې

«په ټول تهران کې یې پر حکومتي بنسټونو د بریدونو پراخې څپې پیل کړې دي.»

د دغو راپورونو خپلواک تأیید ستونزمن دی، ځکه چې په ایران کې انټرنیټ پرې شوی او د معلوماتو ترلاسه کول محدود شوي دي.

اسرائیل وايي د سپاه پاسداران د بسیج مشر غلامرضا سلیماني وژل شوی دی.

د اسرائیل پوځ وایي چې د سپاه پاسداران د بسیج سازمان مشر غلامرضا سلیماني یې په تهران کې په برید کې ویشتی او وژلی دی.

په ورته وخت کې څو اسرائيلي چارواکو رویټرز خبري اژانس ته ویلي چې د ایران د ملي امنیت د عالي شورا منشي، علي لاریجاني، هم ویشتل شوی دی. خو د ایران رسنیو تر اوسه دا خبرونه نه دي تایید کړي.

بریدجنرال غلامرضا سلیماني د ۱۳۹۸ لمریز کال له دوبي راهیسې د علي خامنه‌يي په حکم د بسیج سازمان د مشر په توګه ټاکل شوی و.

د علي لاریجاني د برخلیک په اړه ضد او نقیض راپورونه

په همدې وخت کې اسرائیلي رسنیو د سې شنبې د ورځې شاوخوا غرمه مهال راپور ورکړ چې علي لاریجاني هم په نخښه شوی، خو لا روښانه نه ده چې وژل شوی که ټپي شوی.

رویټرز اژانس هم د څلورو اسرائيلي چارواکو له قوله دا خبر تایید کړی دی.

خو د ایران تسنیم خبري اژانس، چې سپاه پاسداران ته نژدې بلل کېږي، د دغو راپورونو په غبرګون کې ویلي چې علي لاریجاني به په څو دقیقو کې یو پیغام خپور کړي.

د متحدو ایالاتو ولسمشر وايی هرمز تنګی کې ماین ایښودل د ایران د حکومت لپاره ځان وژنه ده.

دونالد ټرمپ زیاتوي چې ایران سره جګړه په وروستیو ورځو کې په "ټول زور" سره دوام لري او تراوسه په دغه هیواد کې څه دپاسه ۷ زره ځایونه په نښه شوي دي.

ټرمپ ټینګار وکړ چې اکثریت دغه اهداف پوځي او اقتصادي وو.

د متحدو ایالاتو ولسمشر وویل ددوشنبې په ورځ په ایران کې د توغندیو او ډرونونو د تولید درې ځایونه هم په نښه شول.

ټرمپ د دوشنبې د ورځې خبرې غونډه کې ګواښ وکړ چې که سپاه پاسداران په هرمز تنګې ماینونه کیږدي دا به یې د ځان وژنې په څیروي.

هغه وویل چې دامریکا پوځ د ایران ټولې دیرش کشتۍ چې ماینونه یې ایښودل له مینځه یوړلې او په وینا یې ټولې اوس د سمندر په تل کې دې.

د اوسکار تر ټولو زیاتې جایزې One Battle After Another یا یو په بل پسې جګړه فلم وګټلې.

د اکاډمي یا اوسکار جایزو ۹۸ دور بېګا په لاس انجلس کې وشو.

یو په بل پسې جګړه د غوره فلم، ډایرکټر، اقتباسي سکرین پلې، ملاتړي رول، ایډيټنګ او د ښه کسټنګ یا لوبغاړو ګمارنې په کټګوریو کې غوره جایزې وګټلې.

تر څنګ یې د غوره نارینه فلمي ستوري جایزه مایکل بي جورډن د سینرز فلم لپاره وګټله.

د غوره فلمي نجلۍ جایزه هم جیسي بکلي ته د همنیټ فلم لپاره ورکړل شوه.

د دوبۍ نړیوال هوايي ډګر نن سهار د ډرون بریدونو هدف ګرځېدلی چې له امله یې ټول پروازونه ځنډېدلي.

د دوبۍ چارواکو ویلي چې په دغه برید کې چاته زیان نه دی اوښتی او اور وژونکي توانېدلي د ډرون برید له کبله رامنځته شوی اور کنټرول کړي.

دا د دوبۍ په نړیوال هوايي ډګر د ایران دریم وار ډرون برید وو.

ایران د امریکا او اسراییلو د بریدونو په ځواب په خلیج په تېره اماراتو کې بېلابېلې سیمې د ډرون او توغندیزو بریدونو هدف ګرځولي.

د راپورو په اساس د جګړې له پیله ایران څه باندې ۱۲۰۰ ډرون بریدونه او لسګونه توغندي د متحده عرب اماراتو په لور ویشتي دي.

د ایران د بهرنیو چارو وزیر عباس عراقچي وايي، ایران له متحده ایالاتو سره خبرو ته لېوالتیا نه لري. عراقچي له سي بي اس ټلویزیون سره په مرکه چې د یکشنبې په ورځ د مارچ په ۱۵ خپره شوه وویل: " موږ کافي باثباته او قوي یو. موږ یوازې د خپلو خلکو دفاع کوو." نوموړي په دې څرګندونو سره د امریکا د ولسمشر ډونالډ ټرمپ هغه دریځ رد کړ چې ګواکې تهران غواړي د جګړې د پای ته رسولو لپاره یوه هوکړه وکړي. د فرانسپرس خبري آژانس د راپورله مخې عراقچي زیاته کړه: "موږ هېڅ دلیل نه وینو چې ولې باید له امریکایانو سره خبرې وکړو، ځکه موږ له هغوی سره په خبرو بوخت وو چې پریکړه یې وکړي چې پرموږ برید وکړي."

ولسمشرټرمپ له ان بي سي نیوز سره په مرکه کې وویل چې ایران غواړي یوه هوکړه وکړي، خو زه نه غواړم ځکه چې شرایط یې تر اوسه کافي ښه نه دي. ټرمپ همدارنګه خبرداری ورکړ چې امریکایي ځواکونه به د هرمز تنګي په شمال کې د ایران پرسواحلو بریدونه زیات کړي تر څو د تېلو د لېږد د بیا پیل لپاره لاره هواره شي.