د انتخاباتي کمپاینونو په جریان کې د جمهوري ریاست یوه کاندید اشرف غني احمدزي په کابل کې د زرګونو خلکو یوې غونډې ته وینا وکړه.
هغه له خلکو سره ژمنه وکړه، چې د کابل ښاریانو ځیني ستونزې به هواروي او دا ښار به منظموي.
دا چې د انتخاباتي کمپاینونو پروسه پای ته نږدې شوې د جمهوري ریاست کاندیدانو انتخاباتي مبارزې زیاتې او ترډیره هڅې کوي چې د ډیر نفوذ والا ښارونو ته توجه زیاته کړي.
ډاکټراشرف غني احمدزی د سې شنبې په ورځ د کابل په غازي سټوډیوم کې زرګونو پلویانو ته خپله تګ لاره بیان کړه.
نوموړي له خلکو سره ژمنه وکړه، چې که ولسمشر شي نو د ښاریانو ستونزې به هواروي او د امنیت ټینګولو ته به یې خاصه پاملرنه وکړي. ښاغلي احمدزي وویل:
″دا افغانستان دا متحرک زړه کابل بدبختانه د ستونزو نمونه ګرځیدلې.موږ به ترور د کابل له فرهنګه لېرې کړو.
د ځمکو غضب، په ښوونځیو کې د ماشومانو تهدید او زورواکي باید د کابل له فرهنګه لیرې شي.
د کابل امنیت به روزانه د اردو د سر اعلی قوماندان په تعقیب کې وي.″
نوموړي وویل، چې د لانجو د حل لپاره به د کابل اوسیدونکو د ملکیتونو عرفي قوالي په شرعي قوالو بدلوي او غضب شوې ځمکې به په ښوونکو، دولتي مامورینو او معلولینو ویشي.
ښاغلي احمدزي وویل، چې د دې ښار په زرغونولو او د ترافیکو د نظام په سمولو به د ښاریانو په ژوند کې تغییر راولي.
د افغانستان د جمهوري ریاست لپاره د کاندیدانو مبارزې د دوه میاشتو راهیسې روانې دي، چې ټاکل شوي د رایې ورکولو له ورځې اته څلویښت ساعته مخکې پای ته ورسیږي.
په دې موده کې کاندیدانو په مرکز کابل او ولایتونو کې د پراخه غونډو په جوړولو خپل پروګرامونه تر خلکو ورسول او ټاکل شوې چې خلک د شنبې په ورځ په صندقونو کې رایې ورکړي.
په داسې حال کې چې خلک د تیرو دولس کلونو په لاس ته راوړنو ټینګارکوي له کاندیدانو غواړي چې واک ته په رسید د خلکو سره کړي ژمنې عملي کړي.
خلک له کاندیدانو غواړي چې داسې ژمنې ورسره وکړي چې د کامیابیدو په صورت کې یې عملي کړای شي.
هغه له خلکو سره ژمنه وکړه، چې د کابل ښاریانو ځیني ستونزې به هواروي او دا ښار به منظموي.
دا چې د انتخاباتي کمپاینونو پروسه پای ته نږدې شوې د جمهوري ریاست کاندیدانو انتخاباتي مبارزې زیاتې او ترډیره هڅې کوي چې د ډیر نفوذ والا ښارونو ته توجه زیاته کړي.
ډاکټراشرف غني احمدزی د سې شنبې په ورځ د کابل په غازي سټوډیوم کې زرګونو پلویانو ته خپله تګ لاره بیان کړه.
نوموړي له خلکو سره ژمنه وکړه، چې که ولسمشر شي نو د ښاریانو ستونزې به هواروي او د امنیت ټینګولو ته به یې خاصه پاملرنه وکړي. ښاغلي احمدزي وویل:
″دا افغانستان دا متحرک زړه کابل بدبختانه د ستونزو نمونه ګرځیدلې.موږ به ترور د کابل له فرهنګه لېرې کړو.
د ځمکو غضب، په ښوونځیو کې د ماشومانو تهدید او زورواکي باید د کابل له فرهنګه لیرې شي.
د کابل امنیت به روزانه د اردو د سر اعلی قوماندان په تعقیب کې وي.″
نوموړي وویل، چې د لانجو د حل لپاره به د کابل اوسیدونکو د ملکیتونو عرفي قوالي په شرعي قوالو بدلوي او غضب شوې ځمکې به په ښوونکو، دولتي مامورینو او معلولینو ویشي.
ښاغلي احمدزي وویل، چې د دې ښار په زرغونولو او د ترافیکو د نظام په سمولو به د ښاریانو په ژوند کې تغییر راولي.
د افغانستان د جمهوري ریاست لپاره د کاندیدانو مبارزې د دوه میاشتو راهیسې روانې دي، چې ټاکل شوي د رایې ورکولو له ورځې اته څلویښت ساعته مخکې پای ته ورسیږي.
په دې موده کې کاندیدانو په مرکز کابل او ولایتونو کې د پراخه غونډو په جوړولو خپل پروګرامونه تر خلکو ورسول او ټاکل شوې چې خلک د شنبې په ورځ په صندقونو کې رایې ورکړي.
په داسې حال کې چې خلک د تیرو دولس کلونو په لاس ته راوړنو ټینګارکوي له کاندیدانو غواړي چې واک ته په رسید د خلکو سره کړي ژمنې عملي کړي.
خلک له کاندیدانو غواړي چې داسې ژمنې ورسره وکړي چې د کامیابیدو په صورت کې یې عملي کړای شي.