د افغانستان د عامې روغتیا وزارت وایي، چې د جمهوري ریاست او ولایتي شوراګانو د انتخاباتو په ورځ به په هېواد کې روغتیايي مرکزونه پرانیستي وي.
د افغانستان د عامې روغتیا وزارت وایي، چې د رایې ورکولو په ورځ به ټول روغتیایي مرکزونه د سهار له اوو نیمو د ماذیګر ترڅلور نیمو بجو د خلکو په خدمت کې وي.
د عامې روغتیا وزیرې ثریا دلیل د سې شنبې په ورځ په یوه خبري کنفرانس کې وویل، چې که د انتخاباتو په ورځ کومه امنیتي پيښه هم کیږي نو دوی پوره چمتوالی ورته لري:
″د عامې روغتیا وزارت د انتخاباتو په ورځ ځان د روغتیايي خدماتو وړاندې کولو په برخه کې مکلف بولي.
د شنبې په ورځ به چې د جمهوري ریاست او ولایتي شوراګانو د انتخاباتو ورځ ده ټول روغتیایي مرکزونه په مرکز او ولایتونو کې د سهار له اوو نیمو د ماذیګر تر څلورنیمو پرانیستي وي.
که خدای مه کړه کومه ناڅاپي پيښه هم رامنځ ته کیږي موږ د درملو، ریزرف شویو بسترونو او امبولاسونو په برخه کې چمتو یو.″
نوموړې په داسې حال کې دا خبرې کوي، چې خلک اندیښمن دي چې هسې نه د انتخاباتو په ورځ وسلوال مخالفین داسې حملې وکړي چې خلکو په کې مرګ ژوبله ورسیږي.
ځیني چارواکي وايي، چې د انتخاباتو په رانږدې کېیدو سره وسلوالو مخالفینو حملې زیاتې کړي دي.
خو د کابل یو شمېر اوسیدونکي له وسله والو مخالفینو غواړي څو خلکو ته اجازه ورکړي چې د انتخاباتو په ورځ خپله رایه وکاروي.
سره له دې چې په افغانستان کې د جمهوري ریاست او ولایتي شوراګانو د انتخاباتو په وړاندې امنیتي ستونزو یو شمېرخلک اندیښمن کړي خو امنیتي ارګانونه تل ډاډ څرګندوي چې د دې انتخاباتو د امنیت ساتلو لپاره پوره چمتووالې لري.
د راتلونکې شبنې په ورځ به د افغانستان خلک د رایې ورکولو مرکزونو ته ولاړ شي ترڅو خپل جمهور رییس او د ولایتي شوراګانو غړي وټاکي.
راپور: جمیله ظریف
د افغانستان د عامې روغتیا وزارت وایي، چې د رایې ورکولو په ورځ به ټول روغتیایي مرکزونه د سهار له اوو نیمو د ماذیګر ترڅلور نیمو بجو د خلکو په خدمت کې وي.
د عامې روغتیا وزیرې ثریا دلیل د سې شنبې په ورځ په یوه خبري کنفرانس کې وویل، چې که د انتخاباتو په ورځ کومه امنیتي پيښه هم کیږي نو دوی پوره چمتوالی ورته لري:
″د عامې روغتیا وزارت د انتخاباتو په ورځ ځان د روغتیايي خدماتو وړاندې کولو په برخه کې مکلف بولي.
د شنبې په ورځ به چې د جمهوري ریاست او ولایتي شوراګانو د انتخاباتو ورځ ده ټول روغتیایي مرکزونه په مرکز او ولایتونو کې د سهار له اوو نیمو د ماذیګر تر څلورنیمو پرانیستي وي.
که خدای مه کړه کومه ناڅاپي پيښه هم رامنځ ته کیږي موږ د درملو، ریزرف شویو بسترونو او امبولاسونو په برخه کې چمتو یو.″
نوموړې په داسې حال کې دا خبرې کوي، چې خلک اندیښمن دي چې هسې نه د انتخاباتو په ورځ وسلوال مخالفین داسې حملې وکړي چې خلکو په کې مرګ ژوبله ورسیږي.
ځیني چارواکي وايي، چې د انتخاباتو په رانږدې کېیدو سره وسلوالو مخالفینو حملې زیاتې کړي دي.
خو د کابل یو شمېر اوسیدونکي له وسله والو مخالفینو غواړي څو خلکو ته اجازه ورکړي چې د انتخاباتو په ورځ خپله رایه وکاروي.
سره له دې چې په افغانستان کې د جمهوري ریاست او ولایتي شوراګانو د انتخاباتو په وړاندې امنیتي ستونزو یو شمېرخلک اندیښمن کړي خو امنیتي ارګانونه تل ډاډ څرګندوي چې د دې انتخاباتو د امنیت ساتلو لپاره پوره چمتووالې لري.
د راتلونکې شبنې په ورځ به د افغانستان خلک د رایې ورکولو مرکزونو ته ولاړ شي ترڅو خپل جمهور رییس او د ولایتي شوراګانو غړي وټاکي.
راپور: جمیله ظریف