د روسیې جمهور ریس ولادیمیر پوتین به نن د کریمیا د وضعیت په اړه د خپل هیواد د پارلمان دواړو خونو ته وینا وکړي.
د روسیې د پارلمان د استازو جرګې یا دوما [Duma] لومړي مرستیال ایوان ملنیکوف پرون وویل چې؛ جمهور رییس پوتین به د مسکو په وخت په درو بجو وینا کوي.
جمهور رییس پوتین پرون هغه فرمان لاسلیک کړ چې؛ له اوکراینه د کریمیا جلاکېدل او د کریمیا د خپلواکۍ اعلان په رسمیت پیژني.
کریمیا د خپلواکۍ تر اعلان وروسته د روسیې فدراسیون ته د ور ګډيدو رسمي غوښتنه وکړه.
د کریمیا د وضعیت په اړه په عکس العمل کې واشنګټن او اروپايي اتحادیې پرون پر یوشمېر روسي چارواکو او په روسیه کې د وسلو جوړولو پر یو شمېر کمپنیو بندیزونه ولګول.
پر یو شمېر هغو اوکراینیانو هم بندیزونه لګیدلي چې؛ روسیې ته یې د خپل هېواد په سیاسي چارو کې د مداخلې لاره خلاصه کړې وه.
جمهور رییس بارک اوباما پرون په واشنګټن کې پر یو شمېر روسي چارواکو د بندیزونو د اعلان پر وخت وویل:
"نن زه د روسیې او هغو کسانو پر ضد چې په اوکرایین کې د روان وضعیت مسوولیت لري؛ د اقداماتو یوه لړۍ اعلانوم او دا اقدامات زیاتېدونکي دي. زه د خپل هغه فرمان له مخې چې دوې اونۍ مخکې لاسلیک شوی؛ پر یوهغو کسانو چې د اوکرایین د خاورې بشپړتیا یې تر پښو لاندې کړې بندیز لګوم. موږ غواړو دا ورته واضح کړو چې؛ د هغوی اعمال عاقبت لري."
جمور رییس اوباما د روسیې له خوا د نورو تحریک امیزه حرکتونو په صورت کې د دې بندیزونو د پراختیا خبرداری هم ورکړ.
متحدو ایالاتو پرون د روسیې د صدراعظم پر مرستیال؛ د روسیې د پارلمان د مشرانو جرګې پر رییس او د جمهور رییس پوتین پر دوو نږدې سلاکارانو بندیز ولګاوه.
په هغو اوکراینیانو کې چې د امریکا د بندیزونو په لست کې راغلي د اوکرایین له واکه پرزول شوی ولسمشر ویکټور یانوکوویچ او د کریمیا دوه سیاستوال چې د روسیې پلوي یې کوله شامل دي.
د سپینې ماڼۍ ویاند جې کارني دا امکان نه دی رد کړی چې؛ د روسیې ولسمشر ولادیمیر پوتین د بندیزونو په لست کې شامل شي او یا دا چې امریکا د اوکرایین له نوي حکومت سره پوځي مرستې وکړي.
خو ټينګار یې وکړ چې، امریکا لا هم پر ډيپلوماسۍ اتکا کوي:
"په دې کې شک نشته چې موږ به د وضعیت د لا خرابولو پر ځای د کړکیچ د کرارۍ لپاره د اقتصادي او ډيپلوماټیکو اقداماتو ملاتړ ته دوام ورکوو."
د اروپا اتحادیې پرون پر ۲۱ تنو چې دیارلس یې روسان او اته تنه یې د کریمیا دي، د سفر بندیز ولګاوه او د هغوی پانګې یې کنګل کړې.
اروپايي اتحادیې پرون وویل، د جمعې په ورځ به د اوکرایین له نوي حکومت سره د ازاد تجارت او د ګډ شراکت ستراتیژیکه موافقه لاسلیک کړي.
د جاپان حکومت هم نن په اوکرایین کې د مداخلې په خاطر پر روسیې بندیزونه وضع کړل.
د جاپان حکومت نن وویل چې؛ له روسیې سره د ویزې د ازادۍ، د پانګونې او د فضايي او پوځي همکاریو د پراختیا لپاره ټولې مذاکرې ځنډوي.
اروپايي اتحادیې او امریکا ټینګار کړی چې؛ په کریمیا کې د یک شنبې د ورځې نظر پوښتنه چې پر اساس یې دې ټاپو وزمې له اوکرایینه خپلواکي اعلان کړه؛ غیر قانوني وه او د اوکرایین پر اساسي قانون یې تیری کړی دی.
د روسیې د پارلمان د استازو جرګې یا دوما [Duma] لومړي مرستیال ایوان ملنیکوف پرون وویل چې؛ جمهور رییس پوتین به د مسکو په وخت په درو بجو وینا کوي.
جمهور رییس پوتین پرون هغه فرمان لاسلیک کړ چې؛ له اوکراینه د کریمیا جلاکېدل او د کریمیا د خپلواکۍ اعلان په رسمیت پیژني.
کریمیا د خپلواکۍ تر اعلان وروسته د روسیې فدراسیون ته د ور ګډيدو رسمي غوښتنه وکړه.
د کریمیا د وضعیت په اړه په عکس العمل کې واشنګټن او اروپايي اتحادیې پرون پر یوشمېر روسي چارواکو او په روسیه کې د وسلو جوړولو پر یو شمېر کمپنیو بندیزونه ولګول.
پر یو شمېر هغو اوکراینیانو هم بندیزونه لګیدلي چې؛ روسیې ته یې د خپل هېواد په سیاسي چارو کې د مداخلې لاره خلاصه کړې وه.
جمهور رییس بارک اوباما پرون په واشنګټن کې پر یو شمېر روسي چارواکو د بندیزونو د اعلان پر وخت وویل:
"نن زه د روسیې او هغو کسانو پر ضد چې په اوکرایین کې د روان وضعیت مسوولیت لري؛ د اقداماتو یوه لړۍ اعلانوم او دا اقدامات زیاتېدونکي دي. زه د خپل هغه فرمان له مخې چې دوې اونۍ مخکې لاسلیک شوی؛ پر یوهغو کسانو چې د اوکرایین د خاورې بشپړتیا یې تر پښو لاندې کړې بندیز لګوم. موږ غواړو دا ورته واضح کړو چې؛ د هغوی اعمال عاقبت لري."
جمور رییس اوباما د روسیې له خوا د نورو تحریک امیزه حرکتونو په صورت کې د دې بندیزونو د پراختیا خبرداری هم ورکړ.
متحدو ایالاتو پرون د روسیې د صدراعظم پر مرستیال؛ د روسیې د پارلمان د مشرانو جرګې پر رییس او د جمهور رییس پوتین پر دوو نږدې سلاکارانو بندیز ولګاوه.
په هغو اوکراینیانو کې چې د امریکا د بندیزونو په لست کې راغلي د اوکرایین له واکه پرزول شوی ولسمشر ویکټور یانوکوویچ او د کریمیا دوه سیاستوال چې د روسیې پلوي یې کوله شامل دي.
د سپینې ماڼۍ ویاند جې کارني دا امکان نه دی رد کړی چې؛ د روسیې ولسمشر ولادیمیر پوتین د بندیزونو په لست کې شامل شي او یا دا چې امریکا د اوکرایین له نوي حکومت سره پوځي مرستې وکړي.
خو ټينګار یې وکړ چې، امریکا لا هم پر ډيپلوماسۍ اتکا کوي:
"په دې کې شک نشته چې موږ به د وضعیت د لا خرابولو پر ځای د کړکیچ د کرارۍ لپاره د اقتصادي او ډيپلوماټیکو اقداماتو ملاتړ ته دوام ورکوو."
د اروپا اتحادیې پرون پر ۲۱ تنو چې دیارلس یې روسان او اته تنه یې د کریمیا دي، د سفر بندیز ولګاوه او د هغوی پانګې یې کنګل کړې.
اروپايي اتحادیې پرون وویل، د جمعې په ورځ به د اوکرایین له نوي حکومت سره د ازاد تجارت او د ګډ شراکت ستراتیژیکه موافقه لاسلیک کړي.
د جاپان حکومت هم نن په اوکرایین کې د مداخلې په خاطر پر روسیې بندیزونه وضع کړل.
د جاپان حکومت نن وویل چې؛ له روسیې سره د ویزې د ازادۍ، د پانګونې او د فضايي او پوځي همکاریو د پراختیا لپاره ټولې مذاکرې ځنډوي.
اروپايي اتحادیې او امریکا ټینګار کړی چې؛ په کریمیا کې د یک شنبې د ورځې نظر پوښتنه چې پر اساس یې دې ټاپو وزمې له اوکرایینه خپلواکي اعلان کړه؛ غیر قانوني وه او د اوکرایین پر اساسي قانون یې تیری کړی دی.