د عاشورا مراسم سږکال په کابل کې په ځینو جوماتونو کې د انتخاباتي مسایلو تر سیوري لاندې راغلي وو.
په دې مراسمو کې چې د کابل ښار په بېلابېلو جوماتونو او تکیه خانو کې جوړ شوي وو، د ځینو دولتي چارواکو ترڅنګ یو شمېر احتمالي کاندیدانو هم ګډون کړی وو.
که څه هم د عاشورا لمانځنه یوه مذهبي مساله ده خو د تیرو کلونو په شان سږکال هم له دې ورځې څخه د سیاسي مقصدونو لپاره استفاده وشوه.
د عاشورا په څو هغو مراسمو کې چې په سلګونو خلکو په کې ګډون کړی وو، د جمهوري ریاست د راتلونکو انتخاباتو ځینو احتمالي کاندیدانو هم پکې برخه اخیستې وه.
د کابل په لویدیځ کې د امام زمان په نوم یوه جومات کې د عاشورا مراسمو ته ځینو ویناوالو په خپلو خبرو کې د راتلونکو انتخاباتو په شفافیت ټینګار وکړ.
د جمهوري ریاست د احتمالي کاندید ډاکټرعبدالله عبدالله مرستیال حاجي محمد محقق د پنجشنبې په ورځ په دې اړه وویل:
"هیله مند یم لکه څنګه چې ولسمشر څو ځله ژمنه کړې او د انتخاباتو خپلواک کمیسیون ته یې هم سپارښتنه کړې څو په انتخاباتو کې بې طرفه پاته شي، خپله بې طرفي وساتي او د افغانستان مسلمان ملت ټوله د یوې ستري ملي پروسې له لارې افغانستان ثبات ته و رسوي."
پخوا تردې هم ځینو سیاسي شخصیتونو په مذهبي مناسبتونو کې د دیني مسایلو تر څنګ، سیاسي مسایل هم مطرح کړي دي.
په یو شپیتم هجري کال د محرم الحرام په لسمه نیټه د یزید ځواکونو د عراق په کربلا دښته کې د حضرت محمد ص لمسی او ملګري یې په شهادت ورسول.
د کابل ښار په لویدیځ کې د خاتم النبیین په نامه جومات کې هم په همدې ورځ د یو شمیرعام خلکو تر څنګ، حکومتي چارواکو او ځینو احتمالي کاندیدانو برخه اخیستې وه.
عبدالرحیم وردګ او ګل آغا شیر زوی هغه احتمالي کاندیدان دي چې د خاتم النبیین په جومات کې یې د عاشورا په مراسمو کې ګډون کړی وو.
جمهور رییس حامد کرزي هم د حضرت امام محمد باقر په جومات کې د عاشورا په مراسمو کې ګډون وکړ.
یو تن جهادي مشر شیخ محمد اصف محسني په دې غونډه کې د عاشورا د اهمیت تر څنګ د یوه مشروع حکومت د رامنځ ته کیدو پر اړتیا ټینګار و کړ.
"د خرافاتو یو موج زموږ په منځ کې شته. موږ ېوې فداکاري او لایقې ډلې ته اړتیا لرو، څو زموږ ځوانان د هغوی لاره تعقیب کړي او سل فیصده ملي او منتخب حکومت رامنځ ته کړي."
د جمهوري ریاست او ولایتي شوراګانو انتخابات په دې وروستیو کې په یوې تودې مسالې تبدیل شوې.
خو ځينې خلک ټینګار کوي چې د عاشورا په شان له مذهبي مراسمو څخه باید د سیاسي مقصد لپاره کار وانه خیستل شي.
په دې مراسمو کې چې د کابل ښار په بېلابېلو جوماتونو او تکیه خانو کې جوړ شوي وو، د ځینو دولتي چارواکو ترڅنګ یو شمېر احتمالي کاندیدانو هم ګډون کړی وو.
که څه هم د عاشورا لمانځنه یوه مذهبي مساله ده خو د تیرو کلونو په شان سږکال هم له دې ورځې څخه د سیاسي مقصدونو لپاره استفاده وشوه.
د عاشورا په څو هغو مراسمو کې چې په سلګونو خلکو په کې ګډون کړی وو، د جمهوري ریاست د راتلونکو انتخاباتو ځینو احتمالي کاندیدانو هم پکې برخه اخیستې وه.
د کابل په لویدیځ کې د امام زمان په نوم یوه جومات کې د عاشورا مراسمو ته ځینو ویناوالو په خپلو خبرو کې د راتلونکو انتخاباتو په شفافیت ټینګار وکړ.
د جمهوري ریاست د احتمالي کاندید ډاکټرعبدالله عبدالله مرستیال حاجي محمد محقق د پنجشنبې په ورځ په دې اړه وویل:
"هیله مند یم لکه څنګه چې ولسمشر څو ځله ژمنه کړې او د انتخاباتو خپلواک کمیسیون ته یې هم سپارښتنه کړې څو په انتخاباتو کې بې طرفه پاته شي، خپله بې طرفي وساتي او د افغانستان مسلمان ملت ټوله د یوې ستري ملي پروسې له لارې افغانستان ثبات ته و رسوي."
پخوا تردې هم ځینو سیاسي شخصیتونو په مذهبي مناسبتونو کې د دیني مسایلو تر څنګ، سیاسي مسایل هم مطرح کړي دي.
په یو شپیتم هجري کال د محرم الحرام په لسمه نیټه د یزید ځواکونو د عراق په کربلا دښته کې د حضرت محمد ص لمسی او ملګري یې په شهادت ورسول.
د کابل ښار په لویدیځ کې د خاتم النبیین په نامه جومات کې هم په همدې ورځ د یو شمیرعام خلکو تر څنګ، حکومتي چارواکو او ځینو احتمالي کاندیدانو برخه اخیستې وه.
عبدالرحیم وردګ او ګل آغا شیر زوی هغه احتمالي کاندیدان دي چې د خاتم النبیین په جومات کې یې د عاشورا په مراسمو کې ګډون کړی وو.
جمهور رییس حامد کرزي هم د حضرت امام محمد باقر په جومات کې د عاشورا په مراسمو کې ګډون وکړ.
یو تن جهادي مشر شیخ محمد اصف محسني په دې غونډه کې د عاشورا د اهمیت تر څنګ د یوه مشروع حکومت د رامنځ ته کیدو پر اړتیا ټینګار و کړ.
"د خرافاتو یو موج زموږ په منځ کې شته. موږ ېوې فداکاري او لایقې ډلې ته اړتیا لرو، څو زموږ ځوانان د هغوی لاره تعقیب کړي او سل فیصده ملي او منتخب حکومت رامنځ ته کړي."
د جمهوري ریاست او ولایتي شوراګانو انتخابات په دې وروستیو کې په یوې تودې مسالې تبدیل شوې.
خو ځينې خلک ټینګار کوي چې د عاشورا په شان له مذهبي مراسمو څخه باید د سیاسي مقصد لپاره کار وانه خیستل شي.