په داسې حال کې چې شاوخوا دوه میلیونه حاجیانو په سعودي عربستان کې د حج مناسک پیل کړي د MERS میرس په نامه د یوه خطرناک ویروس خوریدو اندیښنې رامنځ ته کړې دي.
د میرس ناروغۍ له کبله په نړۍ کې د شپېتو مړو کسانو یو پنځوس تنه په سعودي عربستان کې مړه شوي او داسې اندیښنې هم شته چې ښايي ځینې حاجیان دا ویروس خپلو هېوادونو ته انتقال کړي.
میرس د SARS سارس په پرتله چې لس کاله پخوا یي په اسیا کې څو سوه کسان ووژل ډیر خطرناک بلل شوی خو د سرایت امکانات یي نسبتا کم دی.
