د ملګرو ملتونو سرمنشي بانکي مون د سوريې له حکومت څخه وغوښتل چې د ملګرو ملتونو د وسلو متخصصانو ته چې په دمشق کې دي- اجازه ورکړي، څو د کيمياوي وسلو د وروستي بريد ادعاوې وڅېړي.
د سوريې د دولت مخالفان وايي د چهارشنبې په ورځ د کيمياوي وسلو په بريد کې له ٥٠٠ تر زرو پورې کسان وژل شوي دي.
د سوريې حکومت د کيمياوي وسلو د کارونې ادعاوې نه مني.
د ملګرو ملتونو يوه وياند پرون وويل چې بانکي مون د سوريې له حکومت څخه غوښتي چې د ملګرو ملتونو پلټونکو ته اجازه ورکړي، څو هغه ساحه وګوري چې ادعا کېږي د کيمياوي وسلو حمله په کې شوې ده.
ملګرو ملتونو دغه راز د دې ادارې د بېوسلې کولو د چارو عالي استازې مېرمن انجيلا کېن ته سپارښتنه وکړه، چې دمشق ته سفر وکړي.
په همدې حال کې د امريکا د بهرنيو چارو وزارت وياندې جين ساکي پرون په واشنګټن کې وويل د امريکا حکومت له هرې ممکنه لارې هڅه کوي په سوريه کې د کيمياوي وسلو د کارونې په اړه حقايق ځان ته معلوم کړي:
”دا مهال موږ نه شو کولاى د کيمياوي وسلو د کارولو په اړه په قطعي ډول حکم وکړو. له کله چې وړمه ورځ دغه پېښې وشوې موږ د ورځې پر هره دقيقه باندې تمرکز کړى، موږ تر خپله وسه له هرې ممکنه لارې هڅه کوو حقايق ځان ته معلوم کړو“
د ملګرو ملتونو امنيت شورا د چهارشنبې په ورځ په بېطرفانه او بېړنۍ توګه په سوريه کې د کيمياوي وسلو د بريد په اړه د څېړنې ملاتړ وکړ، خو ويې نه ويل چې دغه کار دې د ملګرو ملتونو د هغو متخصصانو له خوا وشي، چې دا مهال په سوريه کې دي.
د سوريې د ولسمشر اسد مخالفانو ويلي چې دمشق ته نژدې د چهارشنبې په ورځ دغه بريد له پنځوسوو نيولې تر زرو زيات کسان وژلي دي. د سوريې حکومت د کيمياوي وسلې کارول رد کړي دي.
په همدې حال کې اسوشېټېډ پرېس اژانس راپور ورکړى، چې د سوريې دولتي ځواکونو پرون د دمشق په ختيځ کې خپل بريدونه نور هم شديد کړل، د ياغيانو ترکنټرول لاندې سيمې يې بمباري کړې، چې د اپوزيسيون په وينا په دې ځاى کې د رژيم له خوا وړمه ورځ د کيمياوي وسلو په بريد کې شا و خوا زر کسان ووژل شول.
امريکا، بريتانيا او فرانسې غوښتنه کړې چې د ملګرو ملتونو هغو متخصصانو ته چې دا مهال په سوريه کې دي بايد اجازه ورکړل شي، څو دغه سآحه له نژدې وګوري.
د سوريې د دولت مخالفان وايي د چهارشنبې په ورځ د کيمياوي وسلو په بريد کې له ٥٠٠ تر زرو پورې کسان وژل شوي دي.
د سوريې حکومت د کيمياوي وسلو د کارونې ادعاوې نه مني.
د ملګرو ملتونو يوه وياند پرون وويل چې بانکي مون د سوريې له حکومت څخه غوښتي چې د ملګرو ملتونو پلټونکو ته اجازه ورکړي، څو هغه ساحه وګوري چې ادعا کېږي د کيمياوي وسلو حمله په کې شوې ده.
ملګرو ملتونو دغه راز د دې ادارې د بېوسلې کولو د چارو عالي استازې مېرمن انجيلا کېن ته سپارښتنه وکړه، چې دمشق ته سفر وکړي.
په همدې حال کې د امريکا د بهرنيو چارو وزارت وياندې جين ساکي پرون په واشنګټن کې وويل د امريکا حکومت له هرې ممکنه لارې هڅه کوي په سوريه کې د کيمياوي وسلو د کارونې په اړه حقايق ځان ته معلوم کړي:
”دا مهال موږ نه شو کولاى د کيمياوي وسلو د کارولو په اړه په قطعي ډول حکم وکړو. له کله چې وړمه ورځ دغه پېښې وشوې موږ د ورځې پر هره دقيقه باندې تمرکز کړى، موږ تر خپله وسه له هرې ممکنه لارې هڅه کوو حقايق ځان ته معلوم کړو“
د ملګرو ملتونو امنيت شورا د چهارشنبې په ورځ په بېطرفانه او بېړنۍ توګه په سوريه کې د کيمياوي وسلو د بريد په اړه د څېړنې ملاتړ وکړ، خو ويې نه ويل چې دغه کار دې د ملګرو ملتونو د هغو متخصصانو له خوا وشي، چې دا مهال په سوريه کې دي.
د سوريې د ولسمشر اسد مخالفانو ويلي چې دمشق ته نژدې د چهارشنبې په ورځ دغه بريد له پنځوسوو نيولې تر زرو زيات کسان وژلي دي. د سوريې حکومت د کيمياوي وسلې کارول رد کړي دي.
په همدې حال کې اسوشېټېډ پرېس اژانس راپور ورکړى، چې د سوريې دولتي ځواکونو پرون د دمشق په ختيځ کې خپل بريدونه نور هم شديد کړل، د ياغيانو ترکنټرول لاندې سيمې يې بمباري کړې، چې د اپوزيسيون په وينا په دې ځاى کې د رژيم له خوا وړمه ورځ د کيمياوي وسلو په بريد کې شا و خوا زر کسان ووژل شول.
امريکا، بريتانيا او فرانسې غوښتنه کړې چې د ملګرو ملتونو هغو متخصصانو ته چې دا مهال په سوريه کې دي بايد اجازه ورکړل شي، څو دغه سآحه له نژدې وګوري.