د جون لومړۍ نیټه؛ چې د ماشوم له نړېوالې ورځې سره برابره ده او هر کال په افغانستان کې د مختلفو دولتي او غیر دولتي ادارو له خوا لمانځل کېږي.
افغانان وایي؛ سره له دې چې دا ورځ لمانځل کېږي؛ خو په هېواد کې په لسګونو زره داسې ماشومان شته چې د ناامنیو، اقتصادي ستونزو او ټولنیزو ناخوالو له امله له خپلو حقونو بې برخې دي.
دوی یا شاقه کارونه کوي یا په مخدرو موادو روږدي کېږي او یا ترې په نورو غیر قانوني او اخلاقي کارونو کې کار اخیستل کېږي.
د افغانستان د بشر د حقونو سازمانونه د بې سرپرسته، ماشومانو پر وضعیت اندیښنه ښيي او وایي دولت او بهرنی موسسې باید د دې ماشومانو ژوند، روزنې، روغتیا او کارکولو ته عملي پروګرامونه ترتیب کړي.
