چاودنه نن سهار د کابل کندهار پر لويه لاره د غزني د مرکز اړوند په سپنده سيمه کې د مسافرو په يو درې سوه درې ډوله موټر شوې ده چې پکې تر اوسه پورې د ښځو او ماشومانو په ګډون پېنځه تنه مړه او دولس نور ژوبل شوي دي.
چارواکي وايي، له مساپرو يو ډک موټر له کابل څخه کندهار ته روان وو چې د سپندې په شهباز خان سيمه کې د سړک له غاړې سره يو ځای پر ځای شوي ماين پرې چاودېدلی دی.
د غزني د والي ويآند فضل محمد سباوون وايي چې په پېښه کې مړه شوي او ټپيان شوي کسان د بېلابېلو ولايتونو اوسېدونکي دي چې لا اوس هم د غزني په ملکي روغتون کې پراته دي.
دی وايي تر اوسه لا نه ده مالومه چې ماين به چا ځای پر ځای پر کړی وو:
"چاودنه په (سې سدو سې) موټر شوې ده. پېنځه نفره پکې مړه او دولس نور ټپيآن شوي دي. مړي او ټپيآن اوس هم د غزني په روغتون کې پراته دي."
د غزني د ملکي روغتون رييس باز محمد همت بيا وايي چې په وژلو شويو پېنځو کسانو کې درې يې د يوې کورنۍ غړي دي.
دي وايي، په مړو کې دوې ښځې او يو د کندهار پوهنتون استاد هم شامل دی:
"مړه شوي پېنځه کسه دي په دغوکې درې د يوې کورنۍ غړي دي. لور، مور او خاوند. او دوه تنه بيآ د کندهار اوسېدونکي دي چې يو پکې د کندهار پوهنتون استاد دی. ټول ټپيان دولس تنه وو، چې اته پکې بستر شوي او پاتې نور يې ډېر نه وو زخمي شوي."
همت د کندهار پوهنتون د وژل شوي استاد نوم عبدالحميد ښيي.
تر اوسه پورې د پېښې مسوليت کومې ډلې نه دی منلی. خو په سيمه کې وسله وال طالبان وخت نا وخته د بهرنيو او کورنيو سرتېرو د وژلو په موخه د سړک پر غاړو ماينونه ځای پر ځای کوي.
څه موده وړاندې هم په غزني کې له مسافرو ډک يو درې سوه درې موټر د سړک د غاړې پر ماين ختلی وو چې پکې ګڼ شمېر عام وګړي مړه او ټپيان شوي وو.
چارواکي وايي، له مساپرو يو ډک موټر له کابل څخه کندهار ته روان وو چې د سپندې په شهباز خان سيمه کې د سړک له غاړې سره يو ځای پر ځای شوي ماين پرې چاودېدلی دی.
د غزني د والي ويآند فضل محمد سباوون وايي چې په پېښه کې مړه شوي او ټپيان شوي کسان د بېلابېلو ولايتونو اوسېدونکي دي چې لا اوس هم د غزني په ملکي روغتون کې پراته دي.
دی وايي تر اوسه لا نه ده مالومه چې ماين به چا ځای پر ځای پر کړی وو:
"چاودنه په (سې سدو سې) موټر شوې ده. پېنځه نفره پکې مړه او دولس نور ټپيآن شوي دي. مړي او ټپيآن اوس هم د غزني په روغتون کې پراته دي."
د غزني د ملکي روغتون رييس باز محمد همت بيا وايي چې په وژلو شويو پېنځو کسانو کې درې يې د يوې کورنۍ غړي دي.
دي وايي، په مړو کې دوې ښځې او يو د کندهار پوهنتون استاد هم شامل دی:
"مړه شوي پېنځه کسه دي په دغوکې درې د يوې کورنۍ غړي دي. لور، مور او خاوند. او دوه تنه بيآ د کندهار اوسېدونکي دي چې يو پکې د کندهار پوهنتون استاد دی. ټول ټپيان دولس تنه وو، چې اته پکې بستر شوي او پاتې نور يې ډېر نه وو زخمي شوي."
همت د کندهار پوهنتون د وژل شوي استاد نوم عبدالحميد ښيي.
تر اوسه پورې د پېښې مسوليت کومې ډلې نه دی منلی. خو په سيمه کې وسله وال طالبان وخت نا وخته د بهرنيو او کورنيو سرتېرو د وژلو په موخه د سړک پر غاړو ماينونه ځای پر ځای کوي.
څه موده وړاندې هم په غزني کې له مسافرو ډک يو درې سوه درې موټر د سړک د غاړې پر ماين ختلی وو چې پکې ګڼ شمېر عام وګړي مړه او ټپيان شوي وو.