د ترکیې ولسمشر عبدالله ګل نن وویلي، چې د سوریې له خوا د دوی پر یوه جنګي جیټ الوتکه پر حملې سترګې پټول امکان نه لري.
د سوریې حکومت پرون تایید کړه، چې د ترکیې یوه جنګي جټ الوتکه یې ویشتي او را غورځولې ده.
د ترکیې دولتی خبري اژانس ″اناتولیه″، نن د جمهور رییس عبدالله ګل په حواله ویلي دي، چې د سوریې له خوا د دې حملې په ځواب کې ټول لازم اقدامات به ترسره کړي.
خو دا نه ده څرګنده شوې، چې جمهور رییس عبدالله ګل دا خبرې چېرته کړې دي.
د ترکیې د ولسمشر په وینا، دې جنګي جټ الوتکې له سوریې سره د پولې پر امتداد په لنډ واټن کې د زیات سرعت تمرین کاوه او ښايي لاره ځينې ورکه شوې وه.
د پيښې په اړه تحقیقات پيل شوي دي، تر څو څرګنده شي، چې دا الوتکه د ترکیې په فضا کې راغورځول شوې ده او که د سوریې لوري ته ویشتل شوې ده.
د ترکیې د هوايي ځواکونو ″اف ۴ فانټوم″ جنګي جټ الوتکه د مدیترانې په ختیځو سواحلو د پرواز پر وخت ورکه شوه او وروسته یې د ویشتل کیدو رپوټ ورکړ شو.
د سوریې دولتي خبري اژانس ″ثنا″ دا رپوټ تایید کړی دی″ چې دمشق دا الوتکه ویشتې او راغورځولې یې ده.
د سوریې یوه پوځي چارواکي نن د دې هیواد دولتي خبري اژانس ″ثنا″ ته وویل، چې دوی دغه الوتکه په خپل قلمرو کې ویشتې ده:
″موږ ته خبر را ورسید، چې یوه پردۍ الوتکه له لویدیز څخه په ټيټ واټن او شدید سرعت زموږ د اوبو پر سر پر هوايي قلمرو را تیره شوه.″
د ثنا په حواله، د دواړو هیوادونو سمندري ځواکونه د دې الوتکې د لادرکه شویو پيلوټانو د موندلو هڅې کوي.
د ترکیې جمهور ریس ″عبدالله ګل″ نن وویل، چې انقره له دمشق سره په ټلفوني تماس کې ده او دواړه لوري د لټون په عملیاتو کې برخه لري.
د ترکیې صدراعظم رجب طیب اردغان د جمعې په شپه اعلان وکړ، چې د ټولو جزیاتو له څرګندیدلو سره سم به لازم اقدامات ترسره شي.
اردغان دا خبره له کابینې سره تر بیړنۍ غونډې وروسته وکړه. د ده دفتر هم ویلي دي، چې د ورکو شویو پيلوټانو د موندلو لپاره عملیات روان دي.
د ترکیې مطبوعاتو مخکې ویلي وو، چې د سوریې حکومت له دې امله معذرت غوښتی دی، خو صدراعظم رجب طیب اردوغان په دې اړه څه نه دي ویلي.
د ترکیې پوځ د دې جټ الوتکې د ماموریت په اړه دقیق معلومات نه دي خپاره کړي.
ویل کیږي، چې دا پيښه به د ترکیې او سوریې ترمنځ کړکیچن روابط لا خراب کړي.
د انقرې رژیم مخکې لا د سوریې د جمهور رییس بشار الاسد د واک څخه د لرې کیدو لپاره د نړیوالو د غوښتنې ملاتړ کړی دی.
ترکیې همدا راز له دمشق څخه خپل ډپلوماټان وایستل او ویې ویل؛ چې د دوی د مامورینو ژوند له خطر سره مخامخ وو.
ترکیې د هغو مهاجرینو لپاره کمپونه جوړ کړی دی، چې په سوریه کې د وروستیو ناکراریو له ویرې دې هیواد ته ور تښتیدلي دي.
ویل کیږي، چې په سوریه کې د ناکراریو له امله تر اوسه پورې لږترلږه ۳۲ زره کسان ترکیې ته ور تښتیدلي دی او هلته د مهاجرینو په کمپونو کې پراته دي.
د سوریې حکومت پرون تایید کړه، چې د ترکیې یوه جنګي جټ الوتکه یې ویشتي او را غورځولې ده.
د ترکیې دولتی خبري اژانس ″اناتولیه″، نن د جمهور رییس عبدالله ګل په حواله ویلي دي، چې د سوریې له خوا د دې حملې په ځواب کې ټول لازم اقدامات به ترسره کړي.
خو دا نه ده څرګنده شوې، چې جمهور رییس عبدالله ګل دا خبرې چېرته کړې دي.
د ترکیې د ولسمشر په وینا، دې جنګي جټ الوتکې له سوریې سره د پولې پر امتداد په لنډ واټن کې د زیات سرعت تمرین کاوه او ښايي لاره ځينې ورکه شوې وه.
د پيښې په اړه تحقیقات پيل شوي دي، تر څو څرګنده شي، چې دا الوتکه د ترکیې په فضا کې راغورځول شوې ده او که د سوریې لوري ته ویشتل شوې ده.
د ترکیې د هوايي ځواکونو ″اف ۴ فانټوم″ جنګي جټ الوتکه د مدیترانې په ختیځو سواحلو د پرواز پر وخت ورکه شوه او وروسته یې د ویشتل کیدو رپوټ ورکړ شو.
د سوریې دولتي خبري اژانس ″ثنا″ دا رپوټ تایید کړی دی″ چې دمشق دا الوتکه ویشتې او راغورځولې یې ده.
د سوریې یوه پوځي چارواکي نن د دې هیواد دولتي خبري اژانس ″ثنا″ ته وویل، چې دوی دغه الوتکه په خپل قلمرو کې ویشتې ده:
″موږ ته خبر را ورسید، چې یوه پردۍ الوتکه له لویدیز څخه په ټيټ واټن او شدید سرعت زموږ د اوبو پر سر پر هوايي قلمرو را تیره شوه.″
د ثنا په حواله، د دواړو هیوادونو سمندري ځواکونه د دې الوتکې د لادرکه شویو پيلوټانو د موندلو هڅې کوي.
د ترکیې جمهور ریس ″عبدالله ګل″ نن وویل، چې انقره له دمشق سره په ټلفوني تماس کې ده او دواړه لوري د لټون په عملیاتو کې برخه لري.
د ترکیې صدراعظم رجب طیب اردغان د جمعې په شپه اعلان وکړ، چې د ټولو جزیاتو له څرګندیدلو سره سم به لازم اقدامات ترسره شي.
اردغان دا خبره له کابینې سره تر بیړنۍ غونډې وروسته وکړه. د ده دفتر هم ویلي دي، چې د ورکو شویو پيلوټانو د موندلو لپاره عملیات روان دي.
د ترکیې مطبوعاتو مخکې ویلي وو، چې د سوریې حکومت له دې امله معذرت غوښتی دی، خو صدراعظم رجب طیب اردوغان په دې اړه څه نه دي ویلي.
د ترکیې پوځ د دې جټ الوتکې د ماموریت په اړه دقیق معلومات نه دي خپاره کړي.
ویل کیږي، چې دا پيښه به د ترکیې او سوریې ترمنځ کړکیچن روابط لا خراب کړي.
د انقرې رژیم مخکې لا د سوریې د جمهور رییس بشار الاسد د واک څخه د لرې کیدو لپاره د نړیوالو د غوښتنې ملاتړ کړی دی.
ترکیې همدا راز له دمشق څخه خپل ډپلوماټان وایستل او ویې ویل؛ چې د دوی د مامورینو ژوند له خطر سره مخامخ وو.
ترکیې د هغو مهاجرینو لپاره کمپونه جوړ کړی دی، چې په سوریه کې د وروستیو ناکراریو له ویرې دې هیواد ته ور تښتیدلي دي.
ویل کیږي، چې په سوریه کې د ناکراریو له امله تر اوسه پورې لږترلږه ۳۲ زره کسان ترکیې ته ور تښتیدلي دی او هلته د مهاجرینو په کمپونو کې پراته دي.