د سرپل ولایت په سانچارک ولسوالۍ کې سیلابونو له امله د مړو شوېو کسانو شمېر ۲۱ ته لوړ شوی دی او تر ۶۰ زیات کورونه یې ویجاړ کړي دي.
له سرپل څخه د ازادۍ راډیو د خبریال په حواله، په سانچارک ولسوالۍ کې د سیلابونو له امله سلګونه جریبه زراعتي ځمکه ویجاړه شوې ده.
د سانچارک ولسوالۍ د انکشافي شورا ریس حاجي ثمر الدین د پيښې له ځایه، ازادۍ راډيو ته وویل، چې تیره شپه، په ناڅاپي ډول سیلابونه راغلل او ګڼ شمېر کلي یې لاندې کړل:
"څلویښت یا پنځوس کورونه په یوه کلي کې د سیل ابو وړي دي.
مالي تاوان زیات دی. یویشت تنه مړه شوي دي. د خلکو ګڼ شمیر څاروي سیل وړي دي.
زموږ ولسوال، د امنیت مدیر، څارنوالۍ، د کلیو مدیر ټول د پيښې ځای ته تللي دی. مړي به نن تر غرمې وروسته خاورو ته وسپارل شي."
د سانچارک ولسوالۍ د انکشافي شورا یو بل مسول حاجي عبدالغفور نن ازادۍ راډيو ته وویل، چې تر اوسه د حکومت له خوا کومه مرسته نه ده شوې.
دی وايي، چې د سیمې خلک په خپله د وضعیت د کنټرول او له قربانیانو سره د مرستې لپاره را وتلي دي.
حاجي عبدالغفور وویل، چې د تلفاتو دقیق شمېر لا نه شي ویل کیدلای او خلکو تر اوسه یویشت مړي موندلي دي:
"نه ده معلومه چې څومره مړي به وموندل شي، خو د مړیو د را ایستلو هڅې روانې دي."
په سرپل کې له طبیعي پيښو سره د مبارزې ریس ازادۍ راډيو ته وویل، چې د والي په مشرۍ یو هیات سیمې ته تللی دی ترڅو وضعیت په خپلو سترګو وګوري.
دې چارواکې ویلي دي، چې د تیرې شپې سیلابونه ډير قوي وو نو ښايي تلفات زیات وي.
ده زیاته کړه، چې له مرسته کونکو ادارو سره په تماس کې شوي دي، تر څو ژر تر ژره د پيښې قربانیانو ته کمکونه را غونډ او ور واستول شي.
په سیمه کې خلکو ویلي دي، چې سملاسي د خوراکې موادو او د څښاک د پاکو اوبو لپاره سخته اړتیا ده .
د سانچارک په ده مرد، کلي کې سیل د واده په یوه کور باندې پيښ شوې دی او وراباڼي یې وړي دي.
د ازادۍ راډيو خبریال وايي، چې زوم هم زخمي شوی دی.
له سرپل څخه د ازادۍ راډیو د خبریال په حواله، په سانچارک ولسوالۍ کې د سیلابونو له امله سلګونه جریبه زراعتي ځمکه ویجاړه شوې ده.
د سانچارک ولسوالۍ د انکشافي شورا ریس حاجي ثمر الدین د پيښې له ځایه، ازادۍ راډيو ته وویل، چې تیره شپه، په ناڅاپي ډول سیلابونه راغلل او ګڼ شمېر کلي یې لاندې کړل:
"څلویښت یا پنځوس کورونه په یوه کلي کې د سیل ابو وړي دي.
مالي تاوان زیات دی. یویشت تنه مړه شوي دي. د خلکو ګڼ شمیر څاروي سیل وړي دي.
زموږ ولسوال، د امنیت مدیر، څارنوالۍ، د کلیو مدیر ټول د پيښې ځای ته تللي دی. مړي به نن تر غرمې وروسته خاورو ته وسپارل شي."
د سانچارک ولسوالۍ د انکشافي شورا یو بل مسول حاجي عبدالغفور نن ازادۍ راډيو ته وویل، چې تر اوسه د حکومت له خوا کومه مرسته نه ده شوې.
دی وايي، چې د سیمې خلک په خپله د وضعیت د کنټرول او له قربانیانو سره د مرستې لپاره را وتلي دي.
حاجي عبدالغفور وویل، چې د تلفاتو دقیق شمېر لا نه شي ویل کیدلای او خلکو تر اوسه یویشت مړي موندلي دي:
"نه ده معلومه چې څومره مړي به وموندل شي، خو د مړیو د را ایستلو هڅې روانې دي."
په سرپل کې له طبیعي پيښو سره د مبارزې ریس ازادۍ راډيو ته وویل، چې د والي په مشرۍ یو هیات سیمې ته تللی دی ترڅو وضعیت په خپلو سترګو وګوري.
دې چارواکې ویلي دي، چې د تیرې شپې سیلابونه ډير قوي وو نو ښايي تلفات زیات وي.
ده زیاته کړه، چې له مرسته کونکو ادارو سره په تماس کې شوي دي، تر څو ژر تر ژره د پيښې قربانیانو ته کمکونه را غونډ او ور واستول شي.
په سیمه کې خلکو ویلي دي، چې سملاسي د خوراکې موادو او د څښاک د پاکو اوبو لپاره سخته اړتیا ده .
د سانچارک په ده مرد، کلي کې سیل د واده په یوه کور باندې پيښ شوې دی او وراباڼي یې وړي دي.
د ازادۍ راډيو خبریال وايي، چې زوم هم زخمي شوی دی.