د لاسرسۍ وړ لېنکونه

تازه خبر
جمعه ۱۰ وری ۱۴۰۳ کابل ۰۷:۰۲

د غزل نامتو سندرغاړى جګجیت سنګهـ ومړ


د هند نامتو غزل ویونکې جګجیت سنګهـ
د هند نامتو غزل ویونکې جګجیت سنګهـ
د هند نامتو غزل ویونکې جګجیت سنګ، چې په افغانستان کې یي هم د خپل هنر زیات مینه وال درلودل نن دوشنبې سهار د دماغي سکتې له کبله له نړۍ سترګې پټې کړې.

په کابل کې د هند سفیر ګوتم موکوپاتیا ازادۍ راډیو ته په خپلو خبرو کې د نوموړي پر مړینې ژوره خواشینې څرګنده کړه او د ده مینه والو ته یې خپل تسلیت وړاندې کړ:

(زه د ده کورنۍ او په تیره بیا په افغانستان کې د ده د هنر مینه والو ته خپل تسلیت وړاندې کووم.

دې د جنوبي اسیا او د غزل اواز و، که څه هم دې اوس ژوندې نه دى، خو غږ به یي د تل لپاره له موږ سره وي.)

جګجیت سنګهـ تیره اوونۍ په داسې حال کې، چې د پاکستان له نامتو غزل ویونکي غلام علي سره یی په ګډه د کنسرت تیارې نیوه د دماغي سکتې له کبله د ممبۍ ښار د لیلا وتي په روغتون کې بستر کړای شو. خو نن دوشنبې د ٧٠ کلونو په عمر له دې نړۍ وکوچېد.

جګجیت سنګهـ د خپل هنري سفر په ترڅ کې په کابل کې هم کنسرتونه وړاندې کړي و او دلته یی د هنر مینه وال خورا زیات وو.

دا راپور په ږغ کې هم اوریدلای شﺉ

دلته يي ویډیو هم کتلای شﺉ

XS
SM
MD
LG