لسمه برخه - خلکو ته نه پاملرنه او ناامني

د هلمند ځينې اوسېدونکي وايي ولس ته د ولايتي چارواکو نه پاملرنه د هر کال په تېرېدو امن او سوله خرابوي

مېرمن شېرين عبادي چې په اصل کې ايرانۍ ده څوکاله مخکې يې د سولې په برخه کې د نوبل نړيواله جايزه او له جايزې سره جوخت يومليون او درې لکه ډالره، ترلاسه کړل، هغې په خپله يوه مرکه کې د ناروې هېواد ستاينه کړې او ويلي يې دي:

په دې هېواد کې واکمنه ډيموکراسي مې ډېر خوښه شوه، هلته شاهي کورنۍ ډېر د ستاينې وړ چلند لري، زه د ايران تر انقلاب مخکې د ژوند تجربه لرم، خو ما نه دى ليدلى چې د شاهي کورنۍ يو غړى دې دومره ساده چلند ولري، د ناروې د پاچا زوى يا لور به د خلکو په وړاندې حاضرېدل.مخامخ به يې ورسره کتل.

دا لړۍ له صالح محمد صالح څخه اورئ،دا برخه يې په کيڼ اړخ کې د (ږغ) له برخې واورئ