نیویارک ټایمز:
نیویارک ټایمز ورځپاڼې په پکتیکا ولایت کې د ناټو د وروستي هوايي برید په اړه یو راپور خپور کړی چې په کې راغلي:
په دې حمله کې د وژل شوو وسله والو شمېر اتیاو ته لوړ شوی دی.
ورځپاڼه وايي، افغان چارواکي اندیښمن دي چې ښايي له پاکستان سره په دغه سرحدي سیمه کې به د افغان دولت د وسله والو مخالفانو نور کمپونه او پټن ځایونه هم موجود وي.
دغه عملیات د افغان او ناټو ځواکونو له خوا په ګډه ترسره شوي او د ورځپاڼې په وینا په دغه سیمه کې د وسله والو د اډو د څرنګوالي په باب یو لړ پوښتنې راپورته کیږي.
سنډې ټایمز:
سنډې ټایمز ورځپاڼې بیا په دې وروستیو کې د کابل پر انټرکانټننټل هوټل د شوي برید په اړه یو راپور کې ویلي، چې هغو اتو ځان وژونکو سره چې پر هوټل يې حمله وکړه یوه پولیس والا مرسته کړې ده.
سنډې ټایمز د هغه چا په حواله چې دا برید يې پلان کړې وو لیکلي چې د دغې حملې د ترسره کولو لپاره له دوي سره له داخل څخه همکاري شوې ده.
د کابل پر انټرکانټننټل هوټل باندې حمله کې ځان وژونکو د سپکو وسلو او لاسي بمونو څخه کار واخیست او له ۷ ساعته جګړې وروسته دا پیښه د ۲۰ تنو په وژل کیدو سره تمامه شوه.
سنډې ټایمز وايي:
په داسې حال کې نړېوال ځواکونه افغان قواو ته د امنیتي چارو په سپارلو بوخت دي دا حملې د غټو او دولتي تاسیساتو د ساتنې لپاره د افغان ځواکونو توانمندي څرګندوي .
واشنګټن پوسټ:
واشنګټن پوسټ ورځپاڼې تر دې عنوان لاندې چې افغانستان یوه پرمختللي اقتصاد ته اړتیا لري یو مطلب خپور کړی چې په کې راغلي:
امریکايي او ناټو ځواکونه به ډیر ژر له افغانستان څخه ووځي او اوس خلک پوښتنه کوي، چې ایا افغان ځواکونه به د دې جوګه وي چې د خپل هېواد امنیت وساتي که څنګه؟
د ورځپاڼې په وینا په یعن حال کې ورته پوښتنه دا ده، چې کله به افغانستان د یوه پرمختللي اقتصاد لرونکی خاوند وي.
د مقالې لیکونکي وايي:
د یوه با اعتباره اقتصاد د نه لرولو په صورت کې به ډیر کم امکان وي چې افغانان د نورو له مرستې پرته په خپله د خپل امنیتي چارو لګښت پرغاړه واخلي.
لږه هیله موجوده ده، چې افغان حکومت به له کافي مشروعیت برخمن شي او همدا شان ډیر کم چانس شته چې د وسله والو د ماتولو لپاره فرصتونه برابر شي.