د لاسرسۍ وړ لېنکونه

تازه خبر
جمعه ۴ کب ۱۴۰۲ کابل ۰۵:۲۸

نړۍ

شعیه ګان په عراق کې د کربلا د پېښې مراسم پرځای کوي

زرهاوو شیعه ګان د عراق په کربلا ښار کې د اربعین د مراسمو لپاره را غونډ شوي دي.

شیعه ګان دا مراسم د کربلا د تاریخي پیښې د څلویښتمې د لمانځلو لپاره ترسره کوي.

د ورځې تازه خبرونه دلته ولولئ

د یوه خصوصي شرکت فضايي وسیله د سپوږمۍ پر سطحه راښکته شوې

د انټیوټیف ماشینز په نامه خصوصي شرکت چې دغه فضايي وسیله یې جوړه او تنظیم کړې، وايي چې د دوی دا وسیله د سپوږمۍ پر سطحه په ناستې بریالۍ شوه.
د انټیوټیف ماشینز په نامه خصوصي شرکت چې دغه فضايي وسیله یې جوړه او تنظیم کړې، وايي چې د دوی دا وسیله د سپوږمۍ پر سطحه په ناستې بریالۍ شوه.

د یوه خصوصي شرکت فضايي وسیله پرون پنجشنبه د سپوږمۍ پر سطحه راښکته شوه چې دا په تېرو ۵۰ کلونو کې د امریکا د متحدو ایالتونو د یوه خصوصي شرکت بله مهمه تجربه ګڼل کېږي.

له دې وسیلې سره تماس ډېر کمزوری و، خو بلاخره د الوتنې کنټرولوونکي وتوانېدل چې بېرته سم تماس ورسره ټینګ کړي.

د انټیوټیف ماشینز په نامه خصوصي شرکت چې دغه فضايي وسیله یې جوړه او تنظیم کړې، وايي چې د دوی دا وسیله د سپوږمۍ پر سطحه په ناستې بریالۍ شوه.

دغه شرکت نور تفصیلات نه دي ورکړي چې دغه وسیله د سپوږمۍ پر کومه برخه کېناسته او ایا د سپوږمۍ لوېدیځ قطب ته څېرمه پر ټاکل شوي هدف کېناسته که‌نه.

دغې وسیلې خپل دغه سفر چې درې لکه او ۸۴زره کیلومتره و، د فبروري پر ۱۵مه پیل کړی و.

د امریکا د فضايي تحقیقاتو اداره توانېدلې وه، په ۱۹۷۲م کال کې د اپولو ۱۷ ماموریت په مرسته د سپوږمۍ پر فضا خپله وسیله کېنوي چې ستورمزلي هم په کې وو.

سټولټنبرګ: د ناټو متحدانو کییف ته د پرمختللو وسلو د ورکولو لپاره دریځونه د پام وړ بدل کړي

د ناټو سرمنشي ینس سټولټنبرګ
د ناټو سرمنشي ینس سټولټنبرګ

د ناټو سرمنشي ینس سټولټنبرګ وايي چې د ناټو متحدان ژمن دي څو ډاډ ترلاسه کړي چې اوکراین د روسي ځوکونو د تهاجم پر وړاندې بریا ترلاسه کوي.

سټولټنبرګ له ازادي راډیو سره په مرکه کې وویل، د ناټو متحدانو کییف ته د پرمختللو وسلو د ورکولو لپاره خپل دریځونه د پام وړ بدل کړي دي.

د ناټو سرمنشي پر اوکراین د روسیې د غیرموجه یرغل د دوو کلونو د پوره کېدو په مناسبت ویلي: "له اوکراین سره پیوستون نه یوازې سم کار دی، بلکې زموږ د امنیت په ګټه هم دی."

هغه ویلي چې تمه لري چې د ناټو متحدان د اوکراین د امن د تضمین لپاره لا نور اقدامات وکړي.

روسیې پر اوکراین خپل غیرموجه یرغل د ۲۰۲۲م کال د فبروري میاشتې پر ۲۴مه پیل کړ چې سبا یې دوه کاله پوره کېږي.

مکرون د اوکراین په اړه د ځینو اروپايي مشرانو د غونډې کوربه‌توب کوي

د فرانسې ولسمشر امانویل مکرون
د فرانسې ولسمشر امانویل مکرون

د فرانسې ولسمشر امانویل مکرون به راروانه دوشنبه د اوکراین په باب، د ځینو اروپايي مشرانو او حکومتي استازو د یوې غونډې کوربه وي.

الیزه ماڼۍ پرون پنجشنبه ناوخته ویلي چې پر اوکراین د روسیې د غیرموجه یرغل د دوو کلونو پوره کېدو په مناسبت به دغه کاري غونډه یو فرصت وي چې د اوکراین د ملاتړ لپاره د شریکانو ترمنځ همکاري پیاوړې شي.

روسیې د ۲۰۲۲م کال د فبروري میاشتې پر ۲۴مه پر اوکراین خپل غیرموجه یرغل پیل کړ چې لا هم دوام لري او سبا شنبه یې دوه کاله پوره کېږي.

زیلینسکي ​​​​​​​د امریکا له کانګرسه د ۶۰ میلیارد ډالرو د مرستې بسته غوښتې

د اوکراین ولسمشر ولودمیر زیلینسکي
د اوکراین ولسمشر ولودمیر زیلینسکي

د اوکراین ولسمشر ولودمیر زیلینسکي د امریکا د متحدو ایالتونو له کانګرس غوښتنه وکړه چې د کییف لپاره د ۶۰ میلیارد ډالرو په ارزښت د مرستو بسته تصویب کړي.

زلینسکي ویلي، دا مالي مرسته به له اوکراین سره د روسي ځواکونو د یرغل په وړاندې په دفاع کې مرسته وکړي.

ده په وینا، دا به د روسیې د بریا د عواقبو په نسبت یو کم بیه بدیل وي.

د اوکراین ولسمشر د امریکا له فاکس نیوز تلوېزیون سره په هغه مرکه کې چې پرون خپره شوه خبرداری ورکړ، که د روسیې ولسمشر ولادمیر پوتین اوکراین تسخیر کړي، د ختیځې اروپا پر لوري به نور هم مخکې لاړ شي.

هغه ویلي، که کانګرس غواړي چې ډېر عملي سوچ وکړي، هغه بیه چې اوس ترې غوښتل کېږي تر دې کمه ده چې روسیه د ناټو د غړو هېوادونو پر لوري مخکې لاړه شي.

ولودمیر زیلینسکي پر اوکراین د روسیې د غیرموجه یرغل د دوو کلونو پوره کېدو په مناسبت دغه څرګندونې کړې دي.

پر اوکراین د دې یرغل سبا د فبروري میاشتې پر ۲۴مه دوه کاله پوره کېږي.

پر اوکراین د روسیې بریدونه؛ لږ تر لږه ۳ کسان وژل شوي او ۸ ټپیان دي

پر اودیسه د روسي ځواکونو د بریدونو له کبله یوه ودانۍ لګېدلې چې لوګي ترې پورته کېږي. ژغورونکې ډلې د اور د مړ کولو پر مهال لیدل کېږي.
پر اودیسه د روسي ځواکونو د بریدونو له کبله یوه ودانۍ لګېدلې چې لوګي ترې پورته کېږي. ژغورونکې ډلې د اور د مړ کولو پر مهال لیدل کېږي.

روسیې نن سهار پر اوکراین د بې پېلوټه الوتکو تازه حملې کړي چې لږ تر لږه ۳ کسان یې وژلي او ۸ نور ټپیان کړي دي.

د اوکراین پوځ او محلي چارواکو نن جمعه ویلي چې د اواکراین هوايي مدافع پر اودیسه، میکولایف، پولتاوا، دنیپروپیټروفسک او خارکیف سیمو د ۳۱ ویشتل شویو الوتکو له ډلې ۲۳ یې نسکورې کړې دي.

د اوکراین د پوځ په وینا، په اودیسه کې د روسیې د یوې بې پېلوټه الوتکې ټوټې پر یوه ودانۍ لګېدلي او په یوه ساحلي سیمه کې یې ۳ کسان مړه کړي دي.

د دنیپروپټروفسک محلي والي سرهی لیساک په ټلګرام کې لیکلي، په دنیپرو کې یوه بې پېلوټه الوتکه پر یوه دنګه ودانۍ لګېدلې او ۸ کسان یې ټپیان کړي دي.

سپینه ماڼۍ: په منځني ختیځ کې د اوربند د ټينګښت لپاره هڅې مثبت لور ته روانې دي

غزه کې د روانې جګړې یو انځور
غزه کې د روانې جګړې یو انځور

سپینه ماڼۍ وايي، په منځني ختیځ کې د اوربند د ټينګښت لپاره هڅې مثبت لور ته روانې دي.

د سپينې ماڼۍ ویاند جان کربي رسنیو ته ویلي چې د منځني ختیځ لپاره د امریکا استازي برېټ مکګورک پرون له اسراییلي مشرانو او د یرغمل نیول شویو کسانو له کورنیو سره خبرې کړي.

یوه بل ډیپلومات هم ویلي چې په غزه کې د جګړې دواړه خواوې وقفه غواړي.

تمه ده دا اوونۍ په پاریس کې امریکا متحده ایالتونه، مصر او قطر په غزه کې د اوربند په تړاو رسمي خبرې پيل کړي.

اخوا د امریکا او اروپايي ټولنې له خوا ترهګر ګڼل شوې ډلې حماس یوه جګپوړي چارواکي موسی ابو مرزوق، عربي ژبي تلوېزیون الغد سره په مرکه کې ویلي، راتلونکې ورځې به په مذاکرو کې پرمختګونه وشي.

د هغه په خبره په غزه تړانګه کې د اسراییلي د پوځي عملیاتو پای ته رسېدل او د دې سیمې شمال ته د بې ځایه شویو بیا ستنېدل یې اساسې برخې دي.

جرمني کې یوه زده‌ کوونکي څلور نور زده کوونکي په چړې ژوبل کړي

د جرمني ووپرتال کې پولیس د پېښې ځای ته رسېدلي دي.
د جرمني ووپرتال کې پولیس د پېښې ځای ته رسېدلي دي.

د جرمني په لوېدیځ ښار ووپرتال کې یوه ۱۷ کلن زده کوونکي د چړې په ذریعه څلور زده کوونکي ژوبل کړي دي.

د دغه ښار د کورنیو چارو وزارت څانګې پرون پنجشنبه ویلي چې مشکوک حمله کوونکی نیول شوی دی.

چارواکو ویلي چې تر اوسه د دې حملې د انګېزې په باب معلومات نه لري.

د جرمني چارواکي وايي، فکر کوي چې په دې پېښه کې همدا یو کس دخیل و.

د حماس یو چارواکی: د یرغمل شویو د خلاصون لپاره یوه نوې موافقه ممکنه ده

په اسراییل کې د حماس له لوري د برمته شویو د خلاصون لپاره د ترسره شوي لاریون یوه څنډه
په اسراییل کې د حماس له لوري د برمته شویو د خلاصون لپاره د ترسره شوي لاریون یوه څنډه

د حماس ډلې یو جګپوړی چارواکی موسی ابو مرزوق وايي، د ده به باور د یرغمل شویو د خلاصون لپاره یوه نوې موافقه ممکنه ده.

نوموړي له عربي ژبي تلوېزیون الغد سره په هغه مرکه چې پرون خپره شوه ویلي، په نږدې راتلونکي کې به په مذاکرو کې هم یو لوی پرمختګ وشي.

مرزوق ویلي، په غزې تړانګه کې د اسراییل د پوځي عملیاتو ختمېدل او د غزې شمال ته د بېځایه شویو ستنېدل به د دې موافقې له عمده شرطونو وي.

اسراییل په دې باب څه نه دي ویلي.

د حماس ډلې دغه جګپوړي چارواکي له اسراییل څخه د تښتول شویو برمته وو د خلاصون لپاره د اسراییل له زندانونو د ۵۰۰ فلسطیني بندیانو د خوشې کېدو غوښتنه وکړه.

په غزه کې دغه جګړه وروسته له هغې پیل شوه چې لومړی حماس ډلې چې واشنګټن او اروپايي ټولنه یې یو تروریستي سازمان ګڼي د اکټوبر میاشتې پر اوومه پر اسراییل په حملې سره ۱۲۰۰ کسان ووژل او شاوخوا ۲۴۰ نور یرغمل کړل.

بلخوا اسراییل پرون پنجشنبه پر رفح ښار وروسته له هغې هوايي حملې وکړې چې لومړی یې د غزې دغه جنوبي ښر ته د حماس د افراطي وسله‌والو د موندنې لپاره دغه ښار ته د خپلو پوځیانو د لېږلو خبرداری ورکړ.

د غزې په رفح ښار کې ۱۴ لکه فلسطینیانو د غزې له نورو برخو د جګړو له ډاره پناه اخیستې ده.

په غزه کې د ملکیانو د مرګ‌ژوبلې زیاتېدو او بشري وضعیت د لا خرابۍ په اړه په نړیواله سطحه اندېښنې زیاتې شوې دي.

د حماس تر ولکې لاندې د غزې روغتیا وزارت وايي، تر اوسه ۲۹زره ۴۱۰ کسان وژل شوي چې ډېری یې ښځې او ماشومان دي، خو خپلواکو سرچینو دا شمېرې تایید کړي نه دي.

امریکا: ایران روسیې ته بالستیک توغندي لېږدولي

د ایران توغندي
د ایران توغندي

امریکا د تهران او مسکو ترمنځ پوځي همکارۍ ته په اندېښنې سربېره له ایران څخه روسیې ته د څو بالستیک توغندو د لېږد راپور ور کړی دی.

د رویټرز خبري اژانس د چهارشنبې په ورځ راپور ورکړی چې ایران د روان کال د جنورۍ راهیسې په څلورو بستو کې په سلهاوو توغندي روسيې ته انتقال کړي دي.

یوه ایراني چارواکي چې د نوم له ښودلو ډډه کوي، رویټرز ته ویلي، په راتلونکو اوونیو کې به څو نورې بستې هم روسیې ته وسپارل شي.

که څه هم تراوسه اوکرایني او لوېدیځو چارواکو د رویټرز راپور په ښکاره تایید کړی نه دی، خو امریکا په دې اړه خبرداری ورکړی دی.

د امریکا د بهرنیو چارو وزارت یوه ویاند ازادي راډیو سره په خبرو کې ویلي، که څه هم دوی کولی شي په دې اړه مستقیماً خپل نظر څرګند کړي، خو د هغه په خبره د ایران او روسیې پوځي همکاري هغه څه دي چې باید ټوله نړۍ اندېښمنه کړي.

سوات کې د واده په نیت له کوره تښتېدلي ماشومان نیول شوي

له ارشیفه د سوات یو تصویر
له ارشیفه د سوات یو تصویر

د خیبرپښتونخوا په سوات کې هغه ماشومان نیول شوي چې د واده په نیت له کوره تښتیدلي وو.

د سوات پولیسو نن د ازادي راډيو مشال څانګې ته ویلي، له یوه هوټله يې هغه اتلس کلن هلک او دیارلس کلنه نجلی نیولي چې له اسلام اباده د واده کولو لپاره له کوره تښیدلي وو.

د پولیسو په خبره، له دوی سره یوه لسه کلنه ماشومه هم ده چې له کوره په تېښته کې يې ورسره مرسته کړی ده.

پولیسو دا هم ویلي، د نجلۍ پلار په اسلام اباد کې د پولیسو په حوزه کې شکایت کړی چې د هغه لور د واده لپاره په زوره تښتول شوې ده.

د خیبرپښتونخوا په ګډون په پاکستان کې ورته نورې پېښې هم شوي، خو ډېر وخت رسنیزې شوې نه دي.

نور راوښيه

XS
SM
MD
LG