په ایران کې ګڼشمیر مطبعې ددغه هیواد د اسلامي رژیم د نسکورولو په هڅه تورنې شوي دي.
دا موضوع د دې څرګندوی ده، چې د ایران حکومت د تبیلغاتي جګړې په وړاندې، چې چارواکي وايي، د اسلامي جمهوریت په وړاندې روانه ده، مقابله کوي.
په یو شمیر مطبعو باندې دا تور د امنیتي ستراتیژیکو څیړنو د یوه مرکز له خوا چې ویل کیږي، په خواجه ناصر پوهنتون کې د حکومت پلوه بسیج ځواک له خوا يې مشري کیږي، لګول شوی دی.
د ایران د حکومت د مخالفې ویب پاڼې (راه سبز) په وینا، دغه ډله چې دا لست يې خپور کړی د حکومت له امنیتي کړیو سره ارتباط لري.
په دغه راپور کې چې د مطبعو او لیکوالانو نومونه يې خپاره کړي، هغه ډول الفاظ کارول شوي چې د ایران د سخت دریځو چارواکو له خوا استعمالیږي.
د دغې ډلې په وینا دغه ۶۴ مخیزه راپور د تبلیغاتو له لارې د ایران د نظام د نسکورولو د هڅې شواهد دی.
دغه راز په راپور کې ویل شوي، چې دا یو خبرداری دې، د هغو سیاسي کړیو لپاره چې پر تبلیغاتي جګړې عقیده لري.
د (نۍ) په نامه د ایران یوه معتبره مطبعه تورنه شوې، چې د اسلامي نظام د رانسکورولو هڅې تنظیموي.
دغې مطبعې د ټولنیزو مسلو، فلسفې، اقتصاد، سیاسي چارو او مذهبې موضوعاتو په اړه کتابونه چاپ کړي دي.
د امریکا د ملي امنیت د پخواني سلاکار زبګنیف برژینسکي د کتاب (انتخاب: د نړی مشري او یا په نړې کې نفوذ) فارسي ژباړه په دغه راپور کې د بیلګې په توګه یاده شوې او ویل شوي، چې د ا د ایران د رژیم د بې ثباته کولو لپاره چاپ شوی دی.
د نورو مطبعو نومونه چې په دې لست کې خپاره شوي عبارت دي له نشر چشمه، عطايي، کاویر او ققنوش.
په دې لست کې د ایران د یو شمیر لیکوالانو نومونه هم خپاره شوي دي.
په کاناډا کې میشت د ایران یو مشهور فیلسوف رامین جهان بګلو وايي، د ایران حکومت هڅه کوي، چې په دغه هېواد کې د مطبوعات رنګه به ده کړي.
"هغوی غواړي، داسې یوه دسیسه جوړه کړي، چې زما په نظر په ایران کې موجوده نه ده ځکه چې دغه مطبعې د دې تر څنګ، چې د حکومت د مخالفانو مقالې چاپوي د مذهبي کتابونو په شمول نور مواد هم چاپوي."
جهان اوګلو چې د امنیتي دلایلو له امله په ۲۰۰۶ کال کې په ایران کې زنداني شوی و، وايي، دا فشارونه ښايي د ټولنیزو علومو پر ضد د حکومت د اقداماتو برخه وي.
د ایران ستر مذهبي مشر علی خامنيي ویلي، اجتماعي علومو خلک بې لاره کړي او دا کار د خلکو په عقایدو باندې نا سمه اغیزه کوي.
یو بل ایرانی لیکوال ابراهیم نوابي، چې نوم يې په خپور شوي لست کې راغلي په ټوقې سره وویل، چې ایراني مقاماتو د هغه رتبه ټیټه کړې او د دې پر ځای چې هغه د محارب په نوم یاد کړي، پر ده يې د رژیم د پرزولو تور لګولی دی.
هغه پر ځان لګول شوي تور رد کړ او ویې ویل:
"زه او زما په شان نور کسان د وضیعت اصلاح غواړو، د رژیم په پرزولو پسې له خامنيي او احمدي نژاد نه زیات څوک دي؟
که کومه ورځ په ایران کې دا نظام نسکوریږي نو زیاتره مسوولیت به يې د خامنيي او احمدي نژاد پر غاړه وي. موږ نه د دې توان لرو او نه يې هم اراده لرو."
نوابي وايي، توقع نه لري، چې په لیکوالانو او مطبعو باندې دغه تازه تورونه به اوسنی بد وضیعت نور پسې بد کړي.
دا موضوع د دې څرګندوی ده، چې د ایران حکومت د تبیلغاتي جګړې په وړاندې، چې چارواکي وايي، د اسلامي جمهوریت په وړاندې روانه ده، مقابله کوي.
په یو شمیر مطبعو باندې دا تور د امنیتي ستراتیژیکو څیړنو د یوه مرکز له خوا چې ویل کیږي، په خواجه ناصر پوهنتون کې د حکومت پلوه بسیج ځواک له خوا يې مشري کیږي، لګول شوی دی.
د ایران د حکومت د مخالفې ویب پاڼې (راه سبز) په وینا، دغه ډله چې دا لست يې خپور کړی د حکومت له امنیتي کړیو سره ارتباط لري.
په دغه راپور کې چې د مطبعو او لیکوالانو نومونه يې خپاره کړي، هغه ډول الفاظ کارول شوي چې د ایران د سخت دریځو چارواکو له خوا استعمالیږي.
د دغې ډلې په وینا دغه ۶۴ مخیزه راپور د تبلیغاتو له لارې د ایران د نظام د نسکورولو د هڅې شواهد دی.
دغه راز په راپور کې ویل شوي، چې دا یو خبرداری دې، د هغو سیاسي کړیو لپاره چې پر تبلیغاتي جګړې عقیده لري.
د (نۍ) په نامه د ایران یوه معتبره مطبعه تورنه شوې، چې د اسلامي نظام د رانسکورولو هڅې تنظیموي.
دغې مطبعې د ټولنیزو مسلو، فلسفې، اقتصاد، سیاسي چارو او مذهبې موضوعاتو په اړه کتابونه چاپ کړي دي.
د امریکا د ملي امنیت د پخواني سلاکار زبګنیف برژینسکي د کتاب (انتخاب: د نړی مشري او یا په نړې کې نفوذ) فارسي ژباړه په دغه راپور کې د بیلګې په توګه یاده شوې او ویل شوي، چې د ا د ایران د رژیم د بې ثباته کولو لپاره چاپ شوی دی.
د نورو مطبعو نومونه چې په دې لست کې خپاره شوي عبارت دي له نشر چشمه، عطايي، کاویر او ققنوش.
په دې لست کې د ایران د یو شمیر لیکوالانو نومونه هم خپاره شوي دي.
په کاناډا کې میشت د ایران یو مشهور فیلسوف رامین جهان بګلو وايي، د ایران حکومت هڅه کوي، چې په دغه هېواد کې د مطبوعات رنګه به ده کړي.
"هغوی غواړي، داسې یوه دسیسه جوړه کړي، چې زما په نظر په ایران کې موجوده نه ده ځکه چې دغه مطبعې د دې تر څنګ، چې د حکومت د مخالفانو مقالې چاپوي د مذهبي کتابونو په شمول نور مواد هم چاپوي."
جهان اوګلو چې د امنیتي دلایلو له امله په ۲۰۰۶ کال کې په ایران کې زنداني شوی و، وايي، دا فشارونه ښايي د ټولنیزو علومو پر ضد د حکومت د اقداماتو برخه وي.
د ایران ستر مذهبي مشر علی خامنيي ویلي، اجتماعي علومو خلک بې لاره کړي او دا کار د خلکو په عقایدو باندې نا سمه اغیزه کوي.
یو بل ایرانی لیکوال ابراهیم نوابي، چې نوم يې په خپور شوي لست کې راغلي په ټوقې سره وویل، چې ایراني مقاماتو د هغه رتبه ټیټه کړې او د دې پر ځای چې هغه د محارب په نوم یاد کړي، پر ده يې د رژیم د پرزولو تور لګولی دی.
هغه پر ځان لګول شوي تور رد کړ او ویې ویل:
"زه او زما په شان نور کسان د وضیعت اصلاح غواړو، د رژیم په پرزولو پسې له خامنيي او احمدي نژاد نه زیات څوک دي؟
که کومه ورځ په ایران کې دا نظام نسکوریږي نو زیاتره مسوولیت به يې د خامنيي او احمدي نژاد پر غاړه وي. موږ نه د دې توان لرو او نه يې هم اراده لرو."
نوابي وايي، توقع نه لري، چې په لیکوالانو او مطبعو باندې دغه تازه تورونه به اوسنی بد وضیعت نور پسې بد کړي.