د لاسرسۍ وړ لېنکونه

تازه خبر
سه شنبه ۲۹ کب ۱۴۰۲ کابل ۰۱:۴۶

د هلمند په سنګين كې بيا ملكي كسان وژل شوي


د هلمند ولايت په سنګين ولسوالۍ كې د يوې كورنۍ شپږ تنه ښځې او ماشومان هغه مهال ووژل شو، چې بهرنيو ځواكونو په سيمه كې د وسلوالو په ضد عمليات كول.

د هلمند ولايت د مطبوعاتي دفتر نه په يوه راليږل شوي خبرپاڼه كې راغلي دي، چې د وسلوالو مخاليفينو او دولتي ځواكونو ترمنځ نښته كې اوه تنه وسلوال طالبان او پنځه ولسي وګړي وژل شوي دي، خو د سنګين وسلوالۍ خلك وايي، په سيمه كې يي امنيت ډير خراب دى او د تېرې ورځې په دغه عملياتو كې شپږ تنه ملكي كسان وژل شوي دي.

په سنګين ولسوالۍ كې د دولتي او ايساف ځواكونو له لوري د ځينو عملياتو پر مهال د دولت اوه تنه وسلوال مخاليفين او پنځه تنه ولسي وګړي وژل شوي دي، دغه مالومات د ولايت د مطبوعاتي دفتر څخه رسنيو ته په يوه راليږل شوي خبرپاڼه كې وركول شوي دي.

په خبرپاڼه كې ويل شوي دي، چې د ګډو ځواكونو او وسلوالو مخاليفينو ترمنځ په سنګين ولسوالۍ كې هغه مهال نښته رامنځته شوه چې وسلوالو طالبانو د دوي پر يوه ګزمه وسلوال بريد وكړ.

په خبر پاڼه كې راغلې ، چې په دې نښته كې د دولت اوه تنه وسلوال مخاليفين هم وژل شوي دي، خو تر څنګ يي د يوې كورنۍ پنځه تنه غړي چې درې ښځېي او دوه ماشومان دي وژل شوي دي، كه څه هم په خبر پاڼه كې د پنځه تنه ملكي كسانو د وژل كېدو خبر وركول شوی دی.

خود سنګين ولسوالۍ يو تن اوسيدونكي د ټیليفون پر كرښۀ ازادۍ راډيو ته وويل، تيره ورځ غرمه وه چې د طالبانو او ګډو ځواكونو ترمنځ نښته رامنځته شوه، وروسته په كلي كې بمبارد وشو او شپږتنه د يوې كورنۍ د ښځو او ماشومانو په ګډون ووژل شو او دوه نور يي ټپيان شو،هغه وويل ټوله كورنۍ ميراث شوه او هيڅ څوك په كې ژوندي پاتمې نه شو.

سنګين ولسوالۍ د هلمند ولايت په شمال كې خورا ناارامه ولسوالۍ ده، په دې ولسوالۍ كې د سلګونو او بهرنيو ځواكونو په ګډون لا هم امنيت نه دى ټینګ شوي.

كله چې سنګين ولسوالۍ د بریتانوي سرتېرو په ځاى افغان او امريكايي سمندري ځواكونو ته وسپارل شوه د خلكو هيلي پيداشوې چې ګواكې امنيت په ټینګ شي خو د دې وروستيو نا اراميو نه داسې جوتيږئ چې، د وسلوالو ځالې په سنګين ولسوالۍ كې ډيرې دي.

وسلوالو طالبانو تر اوسه په سنګين ولسوالۍ كې د خپل لوري د مرګ ژوبلې په اړه څه نه دي ويلي، خو د طالبانو وياند قاري يوسف احمدي وايي، چې د نهرسراج په ولسوالۍ كې يي دوه صرف موټرونه له منځه وړي او په كې پنځه عسكر يي وژلي دي، چې په هلمند كې دولتي مسئولين دغه خبره نه مني.
XS
SM
MD
LG