ښاغلي رحمت الله نبیل، دا خبره د ملي امنییت د عمومي رییس په دندې باندې له ټاکل کیدو وروسته له نیویارک ټایمز ورځپاڼې سره په خپلې لومړنۍ مرکې کړې ده.
ددې مرکې پر بنسټ د ورځپاڼې راپور جان اقا الکوزي پښتو کړی دی :
۴۲ کلن رحمت الله نبیل چې په کابل کې د خلکو په منځ کې زیات اشنا کس نه دی، وایي، د کار لومړیتوب به یې دا وي چې افغانان د خپلو امنیتي چارو د مسولیتونو اخیستو جوګه شي او تر ټولو مهم کار به یي دا وي چې وسله والو مخالفانو ته وښیي حکومت یې د ماتولو لپاره پوره ژمن دی.
ښاغلی نبیل وایي، کله چې وسله وال درک کړي د ماتولو لپاره یې حکومت جدي او قاطع دی، نو د هغوی په روحیاتو، جرات او تحرک به اغیز وکړي او دا ډېره مهمه مسله ده.
نیویارک ټایمز لیکي: د ملی امنیت د عمومي ریاست حساسي څوکۍ لپاره د ښاغلي نبیل انتخاب، د توقع په خلاف و او په لومړي سر کې دی، دغې څوکۍ ته کاندید هم نه و. دی په داسې حال کې د ملی امنیت په دندې ټاکل شوی چې د جمهور رییس حامد کرزي له حکومت سره د هیواد په داخل او بهر کې ملاتړ کم شوی او دغه راز د جمهور رییس کرزي اړیکې له واشنګټن سره هم چندانې ښې نه دي.
ورځپاڼه لیکي: ښاغلی نبیل د ملي امنیت په چارو کي زیاته تجربه نه لري. ده، شپږ کاله د جمهوری ریاست د امنیتي ګارد د مشر په توګه کار کړی دی. ده د جمهورییس کرزي د امنیت او حفاظت دنده درلوده او جمهور رییس ته د پوره اعتماد وړ شخص دی.
نیویارک ټایمز ورځپاڼه لیکي: ښاغلي نبیل د ساختماني چارود انجینیرۍ په څانګې کې زده کړې کړي او نهه کاله یې د ملګرو ملتونو د مهاجرو عالی کمشنرۍ سره کار کړی.
ده، په ۲۰۰۴ میلادي کال کي، په ارګ کې د شاوخوا سلو تنو روزل شویوامنیتي مامورینو مشري په غاړه واخیسته او وروسته یې ددې کسانو شمېر نور هم زیات کړ.
نیویارک ټایمز لیکي :ښاغلی رحمت الله نبیل مني چي د استخباراتو تجربه نه لري خو وایي، یوه مسلکي امنیتي چارواکي ورته ویلي و، که د شپږو میاشتو لپاره د جمهور رییس امنیت سم وساتي نو دی به ډېر بریالی وي.
ورځپاڼه زیاتوي، د نبیل دوستان او پخواني همکاران وایي ، دی ډېر ښه امر یا مدیر دی او هیڅ ډول ژبني او قومي تعصب نه لري.
ورځپاڼې د هارود پوهنتون د استاد او د ملګرو ملتونوپه موسسې کې د نبیل د پخواني همکار ، نیګیل پونت خبره هم راخیستې چې وایي، تر کومه چی زه افغانان پیژنم ، نبیل ډېر تکړه سړی دی. دی پوره صادق او حوصله من افغان دی او خپلو اړو وطنوالو ته یي ډېر ښه خدمت کړی دی.
نیویارک ټایمز لیکي: ښاغلي نبیل ته دداسي یوې ادارې مشري ور په غاړه شوې چې د کورني امنیت ساتنې، له تروریزم سره د جګړې، تنظیم شویو جرمونو سره د مقابلې ، د هیواد په دا خل او بهرکي د استخبارتي معلوماتو د راټولولو او زرګونو کارکوونکو د تنظیمولو چارې باید پر مخ بوزي.
بله دا چی په ملی امنیت کي د کا جي بي له خوا پخواني روزل شوي کمونستان او پخواني مجاهدین هم کارکوي او په دي سربېره د پخواني رییس امرالله صالح ملاتړي هم په کې دي.
نیویارک ټایمز لیکي: د کار په لومړۍ اوونۍ کې ښاغلي رحمت الله نبیل په کابل کی د شاوخوا څلویښتو هیوادونود بهرنیو چارو د وزیرانو د کنفرنس امنیتي چاري ډېرې ښې تنظیم کړې.
ددې مرکې پر بنسټ د ورځپاڼې راپور جان اقا الکوزي پښتو کړی دی :
۴۲ کلن رحمت الله نبیل چې په کابل کې د خلکو په منځ کې زیات اشنا کس نه دی، وایي، د کار لومړیتوب به یې دا وي چې افغانان د خپلو امنیتي چارو د مسولیتونو اخیستو جوګه شي او تر ټولو مهم کار به یي دا وي چې وسله والو مخالفانو ته وښیي حکومت یې د ماتولو لپاره پوره ژمن دی.
ښاغلی نبیل وایي، کله چې وسله وال درک کړي د ماتولو لپاره یې حکومت جدي او قاطع دی، نو د هغوی په روحیاتو، جرات او تحرک به اغیز وکړي او دا ډېره مهمه مسله ده.
نیویارک ټایمز لیکي: د ملی امنیت د عمومي ریاست حساسي څوکۍ لپاره د ښاغلي نبیل انتخاب، د توقع په خلاف و او په لومړي سر کې دی، دغې څوکۍ ته کاندید هم نه و. دی په داسې حال کې د ملی امنیت په دندې ټاکل شوی چې د جمهور رییس حامد کرزي له حکومت سره د هیواد په داخل او بهر کې ملاتړ کم شوی او دغه راز د جمهور رییس کرزي اړیکې له واشنګټن سره هم چندانې ښې نه دي.
ورځپاڼه لیکي: ښاغلی نبیل د ملي امنیت په چارو کي زیاته تجربه نه لري. ده، شپږ کاله د جمهوری ریاست د امنیتي ګارد د مشر په توګه کار کړی دی. ده د جمهورییس کرزي د امنیت او حفاظت دنده درلوده او جمهور رییس ته د پوره اعتماد وړ شخص دی.
نیویارک ټایمز ورځپاڼه لیکي: ښاغلي نبیل د ساختماني چارود انجینیرۍ په څانګې کې زده کړې کړي او نهه کاله یې د ملګرو ملتونو د مهاجرو عالی کمشنرۍ سره کار کړی.
ده، په ۲۰۰۴ میلادي کال کي، په ارګ کې د شاوخوا سلو تنو روزل شویوامنیتي مامورینو مشري په غاړه واخیسته او وروسته یې ددې کسانو شمېر نور هم زیات کړ.
نیویارک ټایمز لیکي :ښاغلی رحمت الله نبیل مني چي د استخباراتو تجربه نه لري خو وایي، یوه مسلکي امنیتي چارواکي ورته ویلي و، که د شپږو میاشتو لپاره د جمهور رییس امنیت سم وساتي نو دی به ډېر بریالی وي.
ورځپاڼه زیاتوي، د نبیل دوستان او پخواني همکاران وایي ، دی ډېر ښه امر یا مدیر دی او هیڅ ډول ژبني او قومي تعصب نه لري.
ورځپاڼې د هارود پوهنتون د استاد او د ملګرو ملتونوپه موسسې کې د نبیل د پخواني همکار ، نیګیل پونت خبره هم راخیستې چې وایي، تر کومه چی زه افغانان پیژنم ، نبیل ډېر تکړه سړی دی. دی پوره صادق او حوصله من افغان دی او خپلو اړو وطنوالو ته یي ډېر ښه خدمت کړی دی.
نیویارک ټایمز لیکي: ښاغلي نبیل ته دداسي یوې ادارې مشري ور په غاړه شوې چې د کورني امنیت ساتنې، له تروریزم سره د جګړې، تنظیم شویو جرمونو سره د مقابلې ، د هیواد په دا خل او بهرکي د استخبارتي معلوماتو د راټولولو او زرګونو کارکوونکو د تنظیمولو چارې باید پر مخ بوزي.
بله دا چی په ملی امنیت کي د کا جي بي له خوا پخواني روزل شوي کمونستان او پخواني مجاهدین هم کارکوي او په دي سربېره د پخواني رییس امرالله صالح ملاتړي هم په کې دي.
نیویارک ټایمز لیکي: د کار په لومړۍ اوونۍ کې ښاغلي رحمت الله نبیل په کابل کی د شاوخوا څلویښتو هیوادونود بهرنیو چارو د وزیرانو د کنفرنس امنیتي چاري ډېرې ښې تنظیم کړې.