د افغانستان د څيړنې او ارزونې ادارې د كابل نړېوال كنفرانس په اړه په خپل يو نوى خپور شوى راپور كې د دغه كنفرانس د موادو د څرنګوالي په اړه اندېښنه ښكاره كړې ويلي يې دي چې په دغه كنفرانس كې ژمنې د واقيعتونو له مخې نه دي شوي، د دغې ادارې د مسوولينو په وينا په اعلاميه كې ځينې مهم ټكي له پامه غورځول شوې دي.
د افغانستان د څيړنې او ارزونې د ادارې مشرې ډاكټر پاولا كانتور د پنجشنبې په ورځ په كابل كې يوې خبري غونډې ته وويل، چې پكار وه د امنيت د ټينګښت په خاطر په پوځي برخه كې د يو پراختيايي او اصلاحاتي پروګرام او د سولې او ثبات د بيا ټينګيولو، د سولې او عدالت د اړتيا، د يو با كيفيته ژوند لپاره د افغانانو د غوښتنو او دغه شان د اوږد مهالو لومړيتوبونو، مشاركتونو او ستونزو په اړه هم په دغه اعلاميه كې يادونه شوې واى:
"په داسې حال كې چې د دولت لوړهمت د پام اوستاينې وړ دى، د خلكو سره د دولت د ژمنو په برخه كې يو شمېرستونزې هم موجودې دى، نو ځكه د هر عمل روڼوالي او كيفيت ته بايد جدي پاملرنه وشي.
د لومړيتوبونو پيژندنه او ترتيب، د ستونزو هوارول او د دې تشخيصول چې د جوړښتونو اصلاحات، د كليو پراختيا او اقتصادي فرصتونو برابرول اوږد مهالې ژمې دي."
د افغانستان د څيړنې او ارزونې ادارې افغان دولت او نړېوالو ملاتړو ته يې وړانديز كړى چې د مهمو اصلاحاتو په برخه كې د سياسي ارادې د ښكاره كولو، ژمنو ته لومړيتوب وركول او ورڅخه څارنه او دغه شان د پوځي او پراختيايي پروګرامونو د بيلولو برخې ته پام واړوي.
د افغانستان د څيړنې او ارزونې اداره وايي، افغان دولت ته پكار ده چې له خلكو سره هغه ژمنې وكړي چې تر سره كول يې په وس كې ويني.
خو د افغان ولسمشر يو وياند احمد ضيا سيامك وايي، چې د نړېوالې ټولنې په همكارئ سره به د كابل په نړېوال كنفرانس كې كړې ژمنې هرو مروعملي شي:
"افغان دولت ټول پروګرامونو اعيار كړي دي، كله چې د نړېوالې ټولنې مرسته افغانستان ته وركړل شي او افغان دولت هم په دې برخه كې خپلې ټولې هڅې وكړې موږ به د كابل كنفرانس پريكړې عملي كړو.
د هيله منتيا خبره دا ده چې د كابل د نړېوال كنفرانس له پريكړو څخه نړېوالې ټولنې خپل ملاتړ څرګند كړى دى."
د كابل نړېوال كنفرانس د شا او خوا اويا هېوادونو او نړېوالو سازمانونو د استازو په ګډون د چنګاښ د مياشتې په ۲۹ مه نېټه جوړ شو چې مهم ټكي په كې تر ۲۰۱۴ زيږديز كاله پورې افغان امنيتي ارګانونو ته د افغانستان د امنيت ساتنې د پروګرام سپارل او د افغان دولت له لارې د نړېوالې ټولنې په سلو كې پنځوس د مرستو مصرفول دي.
د افغانستان د څيړنې او ارزونې د ادارې مشرې ډاكټر پاولا كانتور د پنجشنبې په ورځ په كابل كې يوې خبري غونډې ته وويل، چې پكار وه د امنيت د ټينګښت په خاطر په پوځي برخه كې د يو پراختيايي او اصلاحاتي پروګرام او د سولې او ثبات د بيا ټينګيولو، د سولې او عدالت د اړتيا، د يو با كيفيته ژوند لپاره د افغانانو د غوښتنو او دغه شان د اوږد مهالو لومړيتوبونو، مشاركتونو او ستونزو په اړه هم په دغه اعلاميه كې يادونه شوې واى:
"په داسې حال كې چې د دولت لوړهمت د پام اوستاينې وړ دى، د خلكو سره د دولت د ژمنو په برخه كې يو شمېرستونزې هم موجودې دى، نو ځكه د هر عمل روڼوالي او كيفيت ته بايد جدي پاملرنه وشي.
د لومړيتوبونو پيژندنه او ترتيب، د ستونزو هوارول او د دې تشخيصول چې د جوړښتونو اصلاحات، د كليو پراختيا او اقتصادي فرصتونو برابرول اوږد مهالې ژمې دي."
د افغانستان د څيړنې او ارزونې ادارې افغان دولت او نړېوالو ملاتړو ته يې وړانديز كړى چې د مهمو اصلاحاتو په برخه كې د سياسي ارادې د ښكاره كولو، ژمنو ته لومړيتوب وركول او ورڅخه څارنه او دغه شان د پوځي او پراختيايي پروګرامونو د بيلولو برخې ته پام واړوي.
د افغانستان د څيړنې او ارزونې اداره وايي، افغان دولت ته پكار ده چې له خلكو سره هغه ژمنې وكړي چې تر سره كول يې په وس كې ويني.
خو د افغان ولسمشر يو وياند احمد ضيا سيامك وايي، چې د نړېوالې ټولنې په همكارئ سره به د كابل په نړېوال كنفرانس كې كړې ژمنې هرو مروعملي شي:
"افغان دولت ټول پروګرامونو اعيار كړي دي، كله چې د نړېوالې ټولنې مرسته افغانستان ته وركړل شي او افغان دولت هم په دې برخه كې خپلې ټولې هڅې وكړې موږ به د كابل كنفرانس پريكړې عملي كړو.
د هيله منتيا خبره دا ده چې د كابل د نړېوال كنفرانس له پريكړو څخه نړېوالې ټولنې خپل ملاتړ څرګند كړى دى."
د كابل نړېوال كنفرانس د شا او خوا اويا هېوادونو او نړېوالو سازمانونو د استازو په ګډون د چنګاښ د مياشتې په ۲۹ مه نېټه جوړ شو چې مهم ټكي په كې تر ۲۰۱۴ زيږديز كاله پورې افغان امنيتي ارګانونو ته د افغانستان د امنيت ساتنې د پروګرام سپارل او د افغان دولت له لارې د نړېوالې ټولنې په سلو كې پنځوس د مرستو مصرفول دي.