د افغانستان تاريخي وياړونو ته د درناوي او نوې نسل ته يې د ورپيژندنې په هدف د كابل په اماني ليسه كې د تاريخي عكسونو يو نندارتون پرانيستل شو.
په دغه نندارتون كې چې په لسګونه عكسونه نندارې ته وړاندې شوي دي د احمدشاه بابا د د واكمنۍ له دوران څخه د سردار محمد داوود خان تر جمهوريته پورې د افغانستان د خلكو او سياستوالو د ژوند، كار او فعاليت د بيلابيلو څنډو ښكارندويي كوي.
د افغانستان د پوهنې وزير ډاكټر غلام فاروق وردګ، چې د دغه نندارتون د پرانيستې په غونډه كې يې ګډون كړى و وويل، د ښوونځيو زده كوونكي كولى شي چې له دغه نندارتون څخه د يوې معتبرې ښوونيزې سرچينې په توګه استفاده وكړي:
د پوهنې وزیر ډاکټر غلام فاروق وردک
"موږ دوه اساسي هدفونه تعقيبوو، لومړى د هيواد د زرينو تاريخي اثارو رغول او دوهم د پوهنې د كيفيت په برخه كې د يو مهم ګام وچتول، د نورو مضمونونو لپاره درسي مواد شته خو د تاريخ لپاره نشته، يوه مهم هدف چې په جدي ډول يې تعقيبوو هغه دا چې د خپلو زده كوونكو لپاره تاريخ د ليدلو وړ وګرځوو او دا هغه مهال كيداى شي چې تاريخ انځوريز كړو."
ټاكل شوې ده، چې د دغه نندارتون عكسونه د كابل او ولايتونو په نورو ښوونځيو كې هم نندارې ته وړاندې شي.
د كابل د اماني ليسې يوه زده كوونكى اسد الله وايي، چې دغه عكسونه د افغانستان د تاريخ په اړه دوى په ډير څه پوهولى شي.
د افغانستان د پوهنې وزارت چارواكي وايي، چې د (تور او سپين) په نوم د دغو عكسونو نه جوړ يو كتاب يې هم چاپ كړى دى، چې په لومړي پړاو كې به يې د ښوونځيو په كتابتونونو وويشي.
ټاكل شوې چې د عكسونو دغه نندارتون په لنډو ورځو كې د كابل په عايشه درانې او رحمان بابا ليسو كې هم نندارې ته جوړ شي.
په دغه نندارتون كې چې په لسګونه عكسونه نندارې ته وړاندې شوي دي د احمدشاه بابا د د واكمنۍ له دوران څخه د سردار محمد داوود خان تر جمهوريته پورې د افغانستان د خلكو او سياستوالو د ژوند، كار او فعاليت د بيلابيلو څنډو ښكارندويي كوي.
د افغانستان د پوهنې وزير ډاكټر غلام فاروق وردګ، چې د دغه نندارتون د پرانيستې په غونډه كې يې ګډون كړى و وويل، د ښوونځيو زده كوونكي كولى شي چې له دغه نندارتون څخه د يوې معتبرې ښوونيزې سرچينې په توګه استفاده وكړي:
"موږ دوه اساسي هدفونه تعقيبوو، لومړى د هيواد د زرينو تاريخي اثارو رغول او دوهم د پوهنې د كيفيت په برخه كې د يو مهم ګام وچتول، د نورو مضمونونو لپاره درسي مواد شته خو د تاريخ لپاره نشته، يوه مهم هدف چې په جدي ډول يې تعقيبوو هغه دا چې د خپلو زده كوونكو لپاره تاريخ د ليدلو وړ وګرځوو او دا هغه مهال كيداى شي چې تاريخ انځوريز كړو."
ټاكل شوې ده، چې د دغه نندارتون عكسونه د كابل او ولايتونو په نورو ښوونځيو كې هم نندارې ته وړاندې شي.
د كابل د اماني ليسې يوه زده كوونكى اسد الله وايي، چې دغه عكسونه د افغانستان د تاريخ په اړه دوى په ډير څه پوهولى شي.
د افغانستان د پوهنې وزارت چارواكي وايي، چې د (تور او سپين) په نوم د دغو عكسونو نه جوړ يو كتاب يې هم چاپ كړى دى، چې په لومړي پړاو كې به يې د ښوونځيو په كتابتونونو وويشي.
ټاكل شوې چې د عكسونو دغه نندارتون په لنډو ورځو كې د كابل په عايشه درانې او رحمان بابا ليسو كې هم نندارې ته جوړ شي.