په داسې حال كې چې په پام كې ده ، كابل ترراتلونكو دوو اونيو پورې د يوه نړېوال كنفرانس كوربه وي، افغان حكومت د دغه كنفرانس لپاره د بشپړو تيارېوخبر وركوي.
د افغانستان د جمهوري رياست وياند وحيد عمر د سې شنبې په ورځ په كابل كې خبري غونډې ته وويل، چې د كابل كنفرانس د تياريو بهير په خپله د ولسمشر له خوا څارل كيږي.
د ښاغلي عمر په وينا راتلونكې اونۍ به د هرسكټورمسولين د دې كنفرانس لپاره خپلې طرحې او تيارى له رسنيو سره شريكې كړي.
د وحيد عمر په وينا، د ولسمشر كرزي په مشرى يوه كمېټه جوړه شوې چې د هر سكټور له كار څخه په بېله توګه څارنه كوي:
"له تېرې يوې اونۍ راهيسې يوه كمېټه جوړه شوې ده، دغه كمېټه د كابل كنفرانس د جوړېدو لپاره د تيارېو د كمېټې په نامه جوړه شوې، چې مشري يي د ولسمشر كرزي له خوا كيږي او د كابل كنفرانس لپاره تيارى مو له پخوانيو پېښو څخه غوره دي."
د وزيرانو د شورا د وروستۍ مصوبې پربنسټ د كابل په كنفرانس كې به د غوره حكومت دارى، د امنيت ټينګښت په هېواد كې د نړېوالې ټولنې د مرستو په بهيركې بدلون د زېرمو پياوړتيا او بېلابېل نورمسايل وڅيړل شي.
كابل كنفرانس ته د افغان حكومت يوه طرحه دا ده چې افغان ځواكونه دې تر راتلونكو درېو كلونو پورې د كليدې سيمو امنيت پرغاړه واخلي او په راتلونكو پنځو كلونو كې به د ټول هېواد امنيتي چارو ته اوږه وركوي.
خو يو شمېرافغان كارپوهان په امنيتي نظام كې اوسنيو نيمګړتيا ته په اشارې سره وايي، چې په لنډه موده كې افغان سرتېرو ته د امنيت د سپارلو لړۍ ناممكنه ده.
تمه كيږي، چې كابل كنفرانس د روانې سرطان مياشتې په ۲۹ نېټه د لسګونو هېوادونو د استازو په ګډون په كابل كې جوړ شي.
افغان حكومت وايي، چې په پام كې ده له شپېتو څخه د ډيرو هېوادونو استازي په كې ګډون وكړي.
زياتره عام خلك هم دغه كنفرانس ته په دې تمه دي چې په دې حساس پړاو كې به د افغانستان د بيارغونې او امنيت لپاره ګټورې پريكړې وكړي.
خبرياله : ماريا صديقي
د افغانستان د جمهوري رياست وياند وحيد عمر د سې شنبې په ورځ په كابل كې خبري غونډې ته وويل، چې د كابل كنفرانس د تياريو بهير په خپله د ولسمشر له خوا څارل كيږي.
د ښاغلي عمر په وينا راتلونكې اونۍ به د هرسكټورمسولين د دې كنفرانس لپاره خپلې طرحې او تيارى له رسنيو سره شريكې كړي.
د وحيد عمر په وينا، د ولسمشر كرزي په مشرى يوه كمېټه جوړه شوې چې د هر سكټور له كار څخه په بېله توګه څارنه كوي:
"له تېرې يوې اونۍ راهيسې يوه كمېټه جوړه شوې ده، دغه كمېټه د كابل كنفرانس د جوړېدو لپاره د تيارېو د كمېټې په نامه جوړه شوې، چې مشري يي د ولسمشر كرزي له خوا كيږي او د كابل كنفرانس لپاره تيارى مو له پخوانيو پېښو څخه غوره دي."
د وزيرانو د شورا د وروستۍ مصوبې پربنسټ د كابل په كنفرانس كې به د غوره حكومت دارى، د امنيت ټينګښت په هېواد كې د نړېوالې ټولنې د مرستو په بهيركې بدلون د زېرمو پياوړتيا او بېلابېل نورمسايل وڅيړل شي.
كابل كنفرانس ته د افغان حكومت يوه طرحه دا ده چې افغان ځواكونه دې تر راتلونكو درېو كلونو پورې د كليدې سيمو امنيت پرغاړه واخلي او په راتلونكو پنځو كلونو كې به د ټول هېواد امنيتي چارو ته اوږه وركوي.
خو يو شمېرافغان كارپوهان په امنيتي نظام كې اوسنيو نيمګړتيا ته په اشارې سره وايي، چې په لنډه موده كې افغان سرتېرو ته د امنيت د سپارلو لړۍ ناممكنه ده.
تمه كيږي، چې كابل كنفرانس د روانې سرطان مياشتې په ۲۹ نېټه د لسګونو هېوادونو د استازو په ګډون په كابل كې جوړ شي.
افغان حكومت وايي، چې په پام كې ده له شپېتو څخه د ډيرو هېوادونو استازي په كې ګډون وكړي.
زياتره عام خلك هم دغه كنفرانس ته په دې تمه دي چې په دې حساس پړاو كې به د افغانستان د بيارغونې او امنيت لپاره ګټورې پريكړې وكړي.
خبرياله : ماريا صديقي