د لاسرسۍ وړ لېنکونه

تازه خبر
سه شنبه ۱ چنګاښ ۱۴۰۰ کابل ۰۲:۴۱

په ننګرهار كې ولايتي ادارې ته د سره رود د خلکو خبردارى


د سره رود ولسوالۍ يوه قومي مشر او جهادي قوماندان حاجي عبدالظاهر قدير

د ننګرهار ولايت د سره رود د ولسوالۍ سيمه ايزو مشرانو د دوشنبې په ورځ په يوه غونډه کې خبردارى ورکړ، چې که په راتلونکو ٢٤ ساعتونو کې هغه دوه تنه بنديان ايتلافي ځواکونو ورخوشې نه کړي، چې د سره رود په ولسوالۍ د وړمه ورځې ملکي عملياتو کې يې نيولى؛ نو به د ناوړه عواقبو مسووليت د چارواکو او ايتلافي ځواکونو په غاړه وړي.

په ننګرهار کې د سره رود ولسوالۍ يوه قومي مشر او جهادي قوماندان حاجي عبدالظاهر قدير د دوشنبې په ورځ ماسپښين وويل:

"د سره رود د وړمې ورځې په عملياتو کې بې ګناه خلک وژل شوي او ٢ تنه بې ګناه نيول شوي، ده وويل: دا بې ګناه کسان بايد ژر خوشې او که نه شي؛ نو نتيجه به يې ښه راونه وځي."

د سره رود دوو تنو سيمه ايزو مشرانو هم ورته غوښتنه کوله دوى ويل:

"هغه جاسوسان چې دغه غلط راپورټ يې ورکړى بايد ولس ته وسپارل شي، چې مجازات شي نو د نورو لپار ه به د عبرت درس شي.

د ننګرهار ولايت د سره رود ولسوالۍ سيمه ايز مشران په دې عقيده دي چې په دغه عملياتو کې ١٠ تنه بې ګناه وژل شوي؛ خو ايتلافي ځواکونه ټينګار کوي چې عمليات په وسله والو طالبانو ترسره شوي دي.

د ننګرهار ولايتي ادارې او ايتلافي ځواکونو د دغه نوي خبردارى په اړه تر اوسه څه نه دي ويلي.
XS
SM
MD
LG