د بربتانيا د نړېوالې پراختيايي څانګې وزير ډوګلاس الګزاندر وويل، دواړه وزيران نن ځكه هلمند ته راغلي يوو، چې د مشترك په نوم د عملياتو د بريا جاج واخلو.
ډوګلاس وويل، د دې عملياتو په مخ كې افغان ځواكونه ول او زموږ له پاره ښه خبره هم دا وه، چې افغان ځواكونو خپله د دومره لوېو عملياتو مشري په غاړه واخیسته.
ډوګلاس وايي:
((لومړي باید ساحه وساتو او زمونږ له پاره تر ټولو ستره ننګونه هلته د خلکو لپاره د كار پيداكول، د ښوونځيو خلاصول او د كارو بار د زمينې د برابرولو چارې دي، چې بايد د افغان دولت او سيمه ايزي اداري له لوري پرمخ يوړل شي.
خو زه نن دا اعلانوم، چې د بریتانيا د هېواد د پراختيايي څانګې له لوري به ۲۸ميليونه پونډه د هلمند په ډيرو مهمو ولسواليو په خاص ډول په مارجه كې ولګول شي، چې خلکو ته د وړو قرضونو د وركړې تر څنګ د هغوي كرنه ښه كړو او د دايمي كار زمينې برابرې كړو.))
ډوګلاس ژمنه وكړه، چې هېواد يې د هلمند په ټولو هغو سیمو كې د بيارغونې د كارونو مرسته كوي، چې تازه له جنګ نه خلاصيږي او د دولت تر تسلط لاندې راځي.
د هلمند والي محمد ګلاب منګل هم د انګلستان له دواړو وزيرانو نه مننه وكړه او د دوي كارونه يې څه د بيارغونې او څه د امنيت په برخه كې وستايل.
هغه وويل، د هلمند د بيارغونې ترڅنګ د بریتانیې زرګونه سرتېري د هلمند د امنيت په خاطر دنده ترسره كوي او د مشترك په عملياتو كې د دوي د سرتېرو لاسته راوړنې د ستايلو وړدي.
د برتانيا د دفاع وزير باب انسورت هم په دې خبري ناسته كې وويل، د دوی سرتېري د مشتر ك په عملياتو كې ښه لاسته راوړنې لري او هېواد يي په ټول هلمند كې هغه سيمي ودانوي، چې د طالبانو له لاسه وځي او امنيت په كې ټینګيږي.
خو د هلمند خلک په ډيرو برخو كې د بریتانيا د هېواد له مرستو راضي نه دي،دوی وايي د بریتانيا د وزيرانو ژمنې ډيرې شوي دي، خو عملي كارونه يي نه ترسترګو كيږي.
د لښكرګاه يو تن اوسيدونكي سيد جان وايي، د بریتانيا د بيارغونې كارونه كم دي او په امنيت كې د دوی سرتېري پاتې راغلي دي، دى وايي، چېرې چې بریتانوي سرتېري دي هلته امنيت نشته.
د هلمند يو شمېر اوسيدونكي بيا د دا ډول لوړ پوړو كسانو راتګ هلمند ته بې اثره نه بولي دوي وايي، كه چېرې په ریښتني ډول كار وشي هلمند هم اباديږي او هم يي د امنيت سيمي زياتيږي.
په هرحال په دې وروستيو كې هلمند ته د نړېوالې ټولنې ترڅنګ ډيرلوړ پوړي افغان مسئولينو هم مخه كړې ده ،چې اداري سيستم ورغوي او د خلکو زړونه بيرته په لاس راوړي.
د بریتانيا د نړېوالې پراختيا څانګې وزيري ډوګلاس الګزانډر ويلي دي، دوي به په مارجه كې نږدې ۲۰۰۰ولسي وګړو ته د كار زمينه برابره كړي او ديرش زره بزګرو ته به د منظم ابياري د سيسټم ترڅنګ د ښو حاصلاتو او كرهڼو په برخه كې مرسته وكړي.
ډوګلاس وايي:
((د دوي هېواد به په هلمند كې ديرش زره كورنيو ته د وړو قرضونو د وركړې پروسه پيل كړي او له مرسته شوو ۲۸ميليونه پونډو څخه به د اوبو د منظم سيسټم، د ظرفيت ارتقا او نور ګڼو ملكي برخو كې كار واخلي.))
د هلمند د والي په دې خبري غونډه كې د بریتانيا له هېواد نه مننه وكړه، چې د امنيت په ټینګښت او بيارغونه كې يي خپل وس نه دی سپمولی.
د بریتانيا د دفاع وزير باب انسورټ ويلي دي، چې څومره افغان دولت امنيت پراخه كوي هومره د دوي مرسته او انكشافي كارونه پراختيا مومي.
هغه د مارجي عمليات ښه وارزول او د دې عملياتو مشري يي د افغان ځواكونو له پاره يوه ستره بريا وبلله.
ډوګلاس وويل، د دې عملياتو په مخ كې افغان ځواكونه ول او زموږ له پاره ښه خبره هم دا وه، چې افغان ځواكونو خپله د دومره لوېو عملياتو مشري په غاړه واخیسته.
ډوګلاس وايي:
((لومړي باید ساحه وساتو او زمونږ له پاره تر ټولو ستره ننګونه هلته د خلکو لپاره د كار پيداكول، د ښوونځيو خلاصول او د كارو بار د زمينې د برابرولو چارې دي، چې بايد د افغان دولت او سيمه ايزي اداري له لوري پرمخ يوړل شي.
خو زه نن دا اعلانوم، چې د بریتانيا د هېواد د پراختيايي څانګې له لوري به ۲۸ميليونه پونډه د هلمند په ډيرو مهمو ولسواليو په خاص ډول په مارجه كې ولګول شي، چې خلکو ته د وړو قرضونو د وركړې تر څنګ د هغوي كرنه ښه كړو او د دايمي كار زمينې برابرې كړو.))
ډوګلاس ژمنه وكړه، چې هېواد يې د هلمند په ټولو هغو سیمو كې د بيارغونې د كارونو مرسته كوي، چې تازه له جنګ نه خلاصيږي او د دولت تر تسلط لاندې راځي.
د هلمند والي محمد ګلاب منګل هم د انګلستان له دواړو وزيرانو نه مننه وكړه او د دوي كارونه يې څه د بيارغونې او څه د امنيت په برخه كې وستايل.
هغه وويل، د هلمند د بيارغونې ترڅنګ د بریتانیې زرګونه سرتېري د هلمند د امنيت په خاطر دنده ترسره كوي او د مشترك په عملياتو كې د دوي د سرتېرو لاسته راوړنې د ستايلو وړدي.
د برتانيا د دفاع وزير باب انسورت هم په دې خبري ناسته كې وويل، د دوی سرتېري د مشتر ك په عملياتو كې ښه لاسته راوړنې لري او هېواد يي په ټول هلمند كې هغه سيمي ودانوي، چې د طالبانو له لاسه وځي او امنيت په كې ټینګيږي.
خو د هلمند خلک په ډيرو برخو كې د بریتانيا د هېواد له مرستو راضي نه دي،دوی وايي د بریتانيا د وزيرانو ژمنې ډيرې شوي دي، خو عملي كارونه يي نه ترسترګو كيږي.
د لښكرګاه يو تن اوسيدونكي سيد جان وايي، د بریتانيا د بيارغونې كارونه كم دي او په امنيت كې د دوی سرتېري پاتې راغلي دي، دى وايي، چېرې چې بریتانوي سرتېري دي هلته امنيت نشته.
د هلمند يو شمېر اوسيدونكي بيا د دا ډول لوړ پوړو كسانو راتګ هلمند ته بې اثره نه بولي دوي وايي، كه چېرې په ریښتني ډول كار وشي هلمند هم اباديږي او هم يي د امنيت سيمي زياتيږي.
په هرحال په دې وروستيو كې هلمند ته د نړېوالې ټولنې ترڅنګ ډيرلوړ پوړي افغان مسئولينو هم مخه كړې ده ،چې اداري سيستم ورغوي او د خلکو زړونه بيرته په لاس راوړي.
د بریتانيا د نړېوالې پراختيا څانګې وزيري ډوګلاس الګزانډر ويلي دي، دوي به په مارجه كې نږدې ۲۰۰۰ولسي وګړو ته د كار زمينه برابره كړي او ديرش زره بزګرو ته به د منظم ابياري د سيسټم ترڅنګ د ښو حاصلاتو او كرهڼو په برخه كې مرسته وكړي.
ډوګلاس وايي:
((د دوي هېواد به په هلمند كې ديرش زره كورنيو ته د وړو قرضونو د وركړې پروسه پيل كړي او له مرسته شوو ۲۸ميليونه پونډو څخه به د اوبو د منظم سيسټم، د ظرفيت ارتقا او نور ګڼو ملكي برخو كې كار واخلي.))
د هلمند د والي په دې خبري غونډه كې د بریتانيا له هېواد نه مننه وكړه، چې د امنيت په ټینګښت او بيارغونه كې يي خپل وس نه دی سپمولی.
د بریتانيا د دفاع وزير باب انسورټ ويلي دي، چې څومره افغان دولت امنيت پراخه كوي هومره د دوي مرسته او انكشافي كارونه پراختيا مومي.
هغه د مارجي عمليات ښه وارزول او د دې عملياتو مشري يي د افغان ځواكونو له پاره يوه ستره بريا وبلله.