د امریکا متحده ایالاتو د ایران پر حکومت او سپاه انقلاب باندې د نویو بندیزونو لګولو بحثونه ګرم کړي او غواړي د هستوي پروګرام د بندولو په کار کې د ایران عام ولس ته زیان ونه رسیږي.
د امریکا د متحده ایالاتو د بهرنیو چارو وزیرې هیلري کلینټن د قطر له صدراعظم شیخ حماد بند جاسم الثاني سره په ګډ خبري کنفرانس کې وویل، مونږ د فشارونو او بندیزونو په اړه له خپلو متحدانو او هم فکرو هیوادونو سره خبرې پیل کړي دي.
کلنټن وویل، هدف مو دادی چې د ایران په حکومت په خاص ډول د سپاه انقلاب په عناصرو فشار واچوو ، خو د ایران عام خلک باید زیانمن نشي کوم چی همدا اوس زیات ځوریږي.
د امریکا متحده ایالات په ایران تور لګوي چې د ملکي پروګرام په پلمه په پټه هستوي وسلې تولیدوي.
امریکا د ایران په وړاندې د خبرو او په عین حال کې د بندیزونو لګولو پالیسي پر مخ وړي تر څو تهران د هستوي پروګرام پریښودو ته اړ باسي.
چارواکي وایي، د سپینې ماڼۍ په بندیزونو کې په نورو قیوداتو برسېره په ایرانیو چارواکو، سپاه انقلاب او د رژیم له مشرتابه سره په نږدي ارګانونو باندې د سفر بندیزونه هم لګول کیږي.
د ۲۰۰۷ میلادي کال د اکتوبر میاشت کې د ایران سپاه انقلاب ډله چې د کورنیو شخړو او بحرانونو په مقابل کې د رژیم دفاع او ساتنه کوي، د ډله ایزې وژنې وسلو په زیرمه کولو تورنه کړې وه.
هغه مهال ددی ډلې په خاص ځواک قدس باندې هم بندیزونه لګول شوي وو.
د امریکا د بهرنیو چارو وزیرې دغه رازد ایران د حکومت د مخالفینوپه وړاندې د تهران د رژیم د ناوړه چلند په اړه خواشیني څرګنده کړه او ویي ویل، د ایران له سوله اېزو مظاهره کوونکو سره پیوستون اعلانوي.
د ایران حکومت، مخالف مشران له بهرنیو دښمنانو سره په تړاو تورن کړي او خبرداری یی ورکړي چي نور به د حکومت ضد شخړې و نه زغمي.
د امریکا د متحده ایالاتو د بهرنیو چارو وزیرې هیلري کلینټن د قطر له صدراعظم شیخ حماد بند جاسم الثاني سره په ګډ خبري کنفرانس کې وویل، مونږ د فشارونو او بندیزونو په اړه له خپلو متحدانو او هم فکرو هیوادونو سره خبرې پیل کړي دي.
کلنټن وویل، هدف مو دادی چې د ایران په حکومت په خاص ډول د سپاه انقلاب په عناصرو فشار واچوو ، خو د ایران عام خلک باید زیانمن نشي کوم چی همدا اوس زیات ځوریږي.
د امریکا متحده ایالات په ایران تور لګوي چې د ملکي پروګرام په پلمه په پټه هستوي وسلې تولیدوي.
امریکا د ایران په وړاندې د خبرو او په عین حال کې د بندیزونو لګولو پالیسي پر مخ وړي تر څو تهران د هستوي پروګرام پریښودو ته اړ باسي.
چارواکي وایي، د سپینې ماڼۍ په بندیزونو کې په نورو قیوداتو برسېره په ایرانیو چارواکو، سپاه انقلاب او د رژیم له مشرتابه سره په نږدي ارګانونو باندې د سفر بندیزونه هم لګول کیږي.
د ۲۰۰۷ میلادي کال د اکتوبر میاشت کې د ایران سپاه انقلاب ډله چې د کورنیو شخړو او بحرانونو په مقابل کې د رژیم دفاع او ساتنه کوي، د ډله ایزې وژنې وسلو په زیرمه کولو تورنه کړې وه.
هغه مهال ددی ډلې په خاص ځواک قدس باندې هم بندیزونه لګول شوي وو.
د امریکا د بهرنیو چارو وزیرې دغه رازد ایران د حکومت د مخالفینوپه وړاندې د تهران د رژیم د ناوړه چلند په اړه خواشیني څرګنده کړه او ویي ویل، د ایران له سوله اېزو مظاهره کوونکو سره پیوستون اعلانوي.
د ایران حکومت، مخالف مشران له بهرنیو دښمنانو سره په تړاو تورن کړي او خبرداری یی ورکړي چي نور به د حکومت ضد شخړې و نه زغمي.