د ټایمز د راپور له مخې د القاعده شبکې د مشر، اسامه بن لادن لور ایمان په دې وروستیو کې، په تهران کې د خپلې استوګنې له پټ ځایه هغه وخت په تېښته بریالۍ شوه، چې بهر ته د وتلو امکان په لاس ورغی.
دا له هغه ځایه سیده د سعودي عربستان سفارت ته ولاړه او اوس هلته اوسېږي څو له ایران څخه د وتلو اجازه ترلاسه کړي.
د ایران د بهرنیو چارو وزیر منوچهرمتکي د ایران له دولتي ټلویزیون سره په خبرو کې وویل، د سعودي سفارت څه وخت مخکې دوی ته خبر ورکړ، چې د بن لادن لور په تهران کې د سعودي په سفارت کې ده. متکي وویل، موږ نه یو خبر، چې نوموړې څنګه د سعودي سفارت او په لومړي ګام کې ایران ته ننوتې ده.
ده زیاته کړه، د دې مېرمنې هویت تر اوسه د ایران حکومت ته نه دی روښانه، خو د هویت له روښانولو وروسته به دې ته له ایران څخه د وتلو لازم اسناد ورکړل شي.
متکي په خپلو خبرو کې په ایران کې د القاعده شبکې د مشر د نورو خپلوانو د استوګنې یادونه ونه کړه. خو ټایمز ورځپاڼې مخکې راپور ورکړی و، چې په ایران کې د بن لادن د مېشتو خپلوانو په ډله کې د ده مېرمن او ماشومان، چې د ۲۰۰۱ کال د سپټمبر د ۱۱مې له برید مخکې لادرکه شوي وو، شامل دي.
د ورځپاڼې په وینا د القاعده شبکې د مشر نور خپلوان تېره میاشت په دې خبر شول، چې د بن لادن د مېرمنې، شپږو ماشومانو او یوولسو لمسیانو په ګډون د کورنۍ د غړو یوه ډله په تېرو اتو کلونو کې، له تهرانه بهر په داسې یوه ځای کې ساتل کېدل، چې شاوخوا یې کلک امنیت ټینګ شوی و.
ټایمز د اسامه بن لادن د ۲۹ کلن زوی عمر بن لادن په حواله لیکي، چې وايي، د نومبر ترمیاشتې، چې د ده خویندو او وروڼو ټلیفوني تماس نه و ورسره نیولی، دی لاهم نه و خبر، چې هغوی ژوندي دي.
عمربن لادن وايي، خویندو، وروڼو یې کیسه ورته وکړه، چې څنګه د سپټمبر د ۱۱مې له بریدونو مخکې د ایران د سرحد خواته ولاړل او له افغانستان څخه ووتل. دوی داسې یوه مرکز ته ولېږدول شول، چې لوړ دېواله ترې چارپېر و، او امنیتي مامورینو ورته وویل، چې باید د خپل امنیت په خاطر له دې ځایه ونه وځي.
عمر زیاتوي د ده د کورنۍ غړو په تهران کې عادي ژوند تېراوه، خپله یې خواړه پخول، ټلویزیون یې کوت او مطالعه یې کوله. خو ډېر لږ او هغه هم د اړتیاوړ موادو د اخیستو لپاره له دې مرکزه د وتلو اجازه ورکول کېده. عمر وايي، د ایران حکومت نه پوهېده، چې له دومره ډېرو خلکو سره چې هېچا نه منل، څه وکړي، او ځکه یوازې یې د دوی امنیت نیولی و. ده له دې کبله د ایراني چارواکو مننه وکړه.
د بن لادن زوی هیله وښوده، چې د ده کورنۍ ته به له ایرانه د وتلو اجازه ورکړل شي څو د ده له مور، ورور او دوو خویندو سره، چې په سوریه کې اوسي یوځای شي او یا په قطر کې له ده او مېرمنې سره یې واوسي.
دا له هغه ځایه سیده د سعودي عربستان سفارت ته ولاړه او اوس هلته اوسېږي څو له ایران څخه د وتلو اجازه ترلاسه کړي.
د ایران د بهرنیو چارو وزیر منوچهرمتکي د ایران له دولتي ټلویزیون سره په خبرو کې وویل، د سعودي سفارت څه وخت مخکې دوی ته خبر ورکړ، چې د بن لادن لور په تهران کې د سعودي په سفارت کې ده. متکي وویل، موږ نه یو خبر، چې نوموړې څنګه د سعودي سفارت او په لومړي ګام کې ایران ته ننوتې ده.
ده زیاته کړه، د دې مېرمنې هویت تر اوسه د ایران حکومت ته نه دی روښانه، خو د هویت له روښانولو وروسته به دې ته له ایران څخه د وتلو لازم اسناد ورکړل شي.
متکي په خپلو خبرو کې په ایران کې د القاعده شبکې د مشر د نورو خپلوانو د استوګنې یادونه ونه کړه. خو ټایمز ورځپاڼې مخکې راپور ورکړی و، چې په ایران کې د بن لادن د مېشتو خپلوانو په ډله کې د ده مېرمن او ماشومان، چې د ۲۰۰۱ کال د سپټمبر د ۱۱مې له برید مخکې لادرکه شوي وو، شامل دي.
د ورځپاڼې په وینا د القاعده شبکې د مشر نور خپلوان تېره میاشت په دې خبر شول، چې د بن لادن د مېرمنې، شپږو ماشومانو او یوولسو لمسیانو په ګډون د کورنۍ د غړو یوه ډله په تېرو اتو کلونو کې، له تهرانه بهر په داسې یوه ځای کې ساتل کېدل، چې شاوخوا یې کلک امنیت ټینګ شوی و.
ټایمز د اسامه بن لادن د ۲۹ کلن زوی عمر بن لادن په حواله لیکي، چې وايي، د نومبر ترمیاشتې، چې د ده خویندو او وروڼو ټلیفوني تماس نه و ورسره نیولی، دی لاهم نه و خبر، چې هغوی ژوندي دي.
عمربن لادن وايي، خویندو، وروڼو یې کیسه ورته وکړه، چې څنګه د سپټمبر د ۱۱مې له بریدونو مخکې د ایران د سرحد خواته ولاړل او له افغانستان څخه ووتل. دوی داسې یوه مرکز ته ولېږدول شول، چې لوړ دېواله ترې چارپېر و، او امنیتي مامورینو ورته وویل، چې باید د خپل امنیت په خاطر له دې ځایه ونه وځي.
عمر زیاتوي د ده د کورنۍ غړو په تهران کې عادي ژوند تېراوه، خپله یې خواړه پخول، ټلویزیون یې کوت او مطالعه یې کوله. خو ډېر لږ او هغه هم د اړتیاوړ موادو د اخیستو لپاره له دې مرکزه د وتلو اجازه ورکول کېده. عمر وايي، د ایران حکومت نه پوهېده، چې له دومره ډېرو خلکو سره چې هېچا نه منل، څه وکړي، او ځکه یوازې یې د دوی امنیت نیولی و. ده له دې کبله د ایراني چارواکو مننه وکړه.
د بن لادن زوی هیله وښوده، چې د ده کورنۍ ته به له ایرانه د وتلو اجازه ورکړل شي څو د ده له مور، ورور او دوو خویندو سره، چې په سوریه کې اوسي یوځای شي او یا په قطر کې له ده او مېرمنې سره یې واوسي.