په افغانستان کې د امریکایي او ناټو ځواکونو عمومي قوماندان جنرال مککرسټل له بارک اوباما غواړي چې نور عسکر افغانستان ته ولیږي خو د کانګرس دننه د حاکم ګوند او اپوزسیون ګڼ غړي له دې سره مخالفت کوي.
د کانګرس د ګڼو غړیو سربیره د ولسمشر بارک اوباما مرستیال جو بایډن هم د رویټرز اژانس په وینا په دې نظر دی چې نور عسکر افغانستان ته وانه ستول شي او د امریکا پوځي ماموریت په افغانستان کې یوازې د القاعده پر ځپلو متمرکز شي.
د امریکا د دفاع وزیر بیا وایي چې له پیله چې کله د افغانستان جګړه پیل شوه دې توجه ونه شوه چې له اړتیا سره سم شمیر عسکر دغه هیواد ته واستوو، ځکه هلته له ستونزو سره مخامخ شوو. رابرټ ګیټس د دوشنبې په ورځ د جورج واشنګتن په پوهنتون کې په خپلې وینا کې د امریکا له متحدینو هم وغوښتل چې په افغانستان کې له اړتیا سم شمیر پوځیان ولري:
(( حقیقت دا دی چې زموږ د نا توانایي او زموږ د متحدینو د نا توانایي له امله چې افغانستان ته مو کافي پوځیان وانه ستول اوس داسې ښکاري چې طالبان هلته برلاسي دي ))
د نن ورځې د غونډې په اړه بیا رابرټ ګیټس وویل چې موږ افغانستان نه پریږدو. او په غونډه کې پر دې خبرې کیږي چې مخ پر وړاندې ګامونه واخیستل شي. د رابرټ ګیټس په وینا جمهور رییس بارک اوباما به په ننۍ غونډه کې د افغانستان د مسالې په اړه یو شمیر مهمې پریکړې وکړي.
د رویټرز اژانس په وینا د کانګرس پر ننۍ غونډې به د افغانستان د ولسمشرۍ دانتخاباتو مساله هم سیوری وغوړوي یو شمیر امریکایي چارواکو رسنیو ته ویلي دي چې په انتخاباتو کې د درغلیو له امله امریکا غواړي چې د دغه هیواد لپاره پر خپلې ستراتیژۍ له سره غور وکړي.
ټاکل شوې ده چې ولسمشراوباما د چهارشنبې او جمعې په ورځو د ملي امنیت له ډلو سره هم د افغانستان اوپاکستان په اړه خبرې وکړي .
د کانګرس د ګڼو غړیو سربیره د ولسمشر بارک اوباما مرستیال جو بایډن هم د رویټرز اژانس په وینا په دې نظر دی چې نور عسکر افغانستان ته وانه ستول شي او د امریکا پوځي ماموریت په افغانستان کې یوازې د القاعده پر ځپلو متمرکز شي.
د امریکا د دفاع وزیر بیا وایي چې له پیله چې کله د افغانستان جګړه پیل شوه دې توجه ونه شوه چې له اړتیا سره سم شمیر عسکر دغه هیواد ته واستوو، ځکه هلته له ستونزو سره مخامخ شوو. رابرټ ګیټس د دوشنبې په ورځ د جورج واشنګتن په پوهنتون کې په خپلې وینا کې د امریکا له متحدینو هم وغوښتل چې په افغانستان کې له اړتیا سم شمیر پوځیان ولري:
(( حقیقت دا دی چې زموږ د نا توانایي او زموږ د متحدینو د نا توانایي له امله چې افغانستان ته مو کافي پوځیان وانه ستول اوس داسې ښکاري چې طالبان هلته برلاسي دي ))
د نن ورځې د غونډې په اړه بیا رابرټ ګیټس وویل چې موږ افغانستان نه پریږدو. او په غونډه کې پر دې خبرې کیږي چې مخ پر وړاندې ګامونه واخیستل شي. د رابرټ ګیټس په وینا جمهور رییس بارک اوباما به په ننۍ غونډه کې د افغانستان د مسالې په اړه یو شمیر مهمې پریکړې وکړي.
د رویټرز اژانس په وینا د کانګرس پر ننۍ غونډې به د افغانستان د ولسمشرۍ دانتخاباتو مساله هم سیوری وغوړوي یو شمیر امریکایي چارواکو رسنیو ته ویلي دي چې په انتخاباتو کې د درغلیو له امله امریکا غواړي چې د دغه هیواد لپاره پر خپلې ستراتیژۍ له سره غور وکړي.
ټاکل شوې ده چې ولسمشراوباما د چهارشنبې او جمعې په ورځو د ملي امنیت له ډلو سره هم د افغانستان اوپاکستان په اړه خبرې وکړي .