په كال ۱۳۴۶ لمريز كې د حقوقو پوهنځي محصل شو او خپلې لوړې زده ګړې يې په كال ۱۳۵۰ لمريز كې بشپړې كړې.
له پوهنتون څخه تر فارغېدو وروسته، د عدليې وزارت د استيناف د څارنوال په توګه تعين شو.
د ۱۳۵۴ نه تر ۱۳۵۶ پورې د حقوقو په برخه كې د لوړو زده كړې لپاره امريكا ته ولاړ، كله چې بېرته راستون شو نو د عدليې وزارت د تقنين رياست مشاور وټاكل شو.
ښاغلى ثابت په ۱۹۸۴ میلادي کال کې د امریکا غږ خبریال شو او تر څو کلونو پورې يې له دې راډیو سره کار وکړ. نوموړی وايي چې په همدې موده كې يې د اقتصاد په برخه خپله ماسټري هم ترلاسه كړې ده.
د طالبانو د ریزیم تر نسکوریدو وروسته نوموړی په ۲۰۰۴ عیسوي کال كې د كورنيو چارو وزارت د حقوقي مشاور په توګه وټاکل شو.
له ۲۰۰۶ څخه تر ۲۰۰۸ عیسوي کال پورې د افغانستان د لوی څارنوال په توګه کار وکړ.
کله چې ثابت د افغانستان لوی څارنوال و نو د اداري فساد په نوم يې د جهاد اعلان وکړ، او یو شمیر خکومتي او غېرې خکومتي مامرین يې د اداري فساد په تور زندان ته واچول، ویل کېږي چې وروسته يې د لوړو پوړو چارواکو سره ځېنې ستونزې پیدا کړې او له دې دندې لرې شو.
ښاغلي ثابت اوس د هغو یو څلوېښت کاندیدانو په ډله کې دی چې د افغانستان د ولسمشرۍ په انتخاباتو ېک يې ځانونه کاندید کړي، حمید مومند له ښاغلي ثابت سره د دده د کاندیدو او کړنلارې په اړه یوه مرکه کړې
