د طالبانو حکومت د روسیې د سترې محکمې د هغه اقدام هرکلی کړی چې طالبان یې د دغه هېواد د ترهګرو له نوملړ ایستلي دي. په کابل کې د روسیې سفیر دیمیتري ژیرینوف د روسیې د سترې محکمې پرېکړه د طالبانو د بهرنیو چارو له وزیر مولوي امیرخان متقي سره په لیدنه کې هغه ته ابلاغ کړې ده.
د امریکا په فلوریدا ایالت کې یوه بریدګر په ډزو سره لږ تر لږه دوه کسان وژلي او شپږ نور یې ټپيان کړي. ولسمشر ډونالډ ټرمپ دا پېښه د شرم وړ بللې خو ویلي یې دي چې دی به د تل په څېر بیا هم د وسلو د ګرځولو د خوندیتوب ملاتړی وي.
د ملګرو ملتونو د اټومي انرژۍ د نړیوال اژانس مشر رافایل ګروسي ویلي چې ایران د څو اټومي بمونو د جوړولو لپاره اړین توکي لري خو لا تر اوسه اټومي وسلې نه لري.
د منځني ختیځ د چارو لپاره د امریکا ځانګړی استازی او له ایران سره د خبرو اترو لپاره د امریکا د پلاوي مشر سټیف ویټکوف ویلي دي چې ایران باید د یورانیمو له غني کولو او اټومي فعالیتونو لاس واخلي.
د سپینې ماڼۍ د مدیریت او بودیجې دفتر د بهرنیو چارو وزارت د بودیجې د نږدې ۵۰ سلنې کمولو لپاره یو وړاندیز کړی دی.
د ایران د بهرنیو چارو وزارت وایي چې د امریکا او ایران ترمنځ به د ا ټومي خبرو اترو دوهم پړاو هم په عمان کې ترسره شي. د ایران د بهرنیو چارو د وزارت دا بیان د ایټالیا د بهرنیو چارو د وزیر انتونیو تاجاني له وینا سره په ټکر کې دی چې ویلي یې و دا خبرې به په پلازمینه روم کې وي.
د ملګرو ملتونو سازمان، امریکا او اروپايي ټولنې د اوکراین په شمال کې پر سومي ښارګوټي د روسیې مرګونی برید غندلی. یکشنبه د روسیې په دوو توغندیزو بریدونو کې د سومي ښار شاوخوا ۳۴ اوسیدونکي ووژل شول او ۱۱۷ نور ټپيان شول.
د دغو خبرو هدف د تهران اټومي پروګرام دی چې د چټک پرمختګ په حال کې دی. دغه وزارت د خبرو فضا رغنده او د دواړو متبعو هېوادونو د دریځ ته د درناوي په اساس وبلله او زیاته یې کړه چې د شنبې ورځې خبرې د بندیزونو د لرې کولو او د ایران د اټومي پروګرام په اړه څرخېدې.
د دغو خبرو هدف د تهران اټومي پروګرام دی چې د چټک پرمختګ په حال کې دی. د ایران د بهرنیو چارو وزیر عباس عراقچي د ایراني پلاوي مشري کوي او د امریکا د متحد ایالتونو له لورې د خبرو مشري د ولسمشر ټرمپ د منځني ختیځ استازی سټیف ویټکوف کوي.
د امریکا د "لنډمهاله محافظتي استوګنې" د پروګرام د لغوه کیدو له امله زرګونه افغانان اغیزمن شوي دي. د ولسمشر ډونالډ ټرمپ ادارې د زرګونو افغانانو او کامرونیانو لپاره د "لنډمهاله محافظتي استوګنې" پروګرام لغوه کړی دی.
سټیف ویتکوف هغه څوک دی چې د شنبې په ورځ ( اپریل ۱۲) به په عمان کې له ایراني چارواکو سره د امریکا د پلاوي مشري کوي، دی عمان ته تر تګ مخکې په په سنت پیترزبورګ کې تم شوی دی.
په اوکرایین د امریکا د متحده ایالاتونو سفیرې بریجت برینک له خپلې دندې استعفا کړې کوي. د امریکا د بهرنیو چارو وزارت ویلي، برینک په داسې وخت کې له خپلې دندې استعفا کوي چې د اوکرایین او روسیې ترمنځ د سولې خبرې اترې رواني دي.
نور راوښيه
