د لاسرسۍ وړ لېنکونه

تازه خبر
سه شنبه ۸ سلواغه ۱۳۹۸ کابل ۰۴:۲۷

نړۍ

پوتین د اپوزیسون د یو فعال د زنداني کېدو د حکم قانونیت څېړل غوښتي

د روسیې ولسمشر ویلادیمیر پوتین

کرملین وايي، د روسیې ولسمشر ویلادیمیر پوتین د دې هېواد د لوی څارنوال دفتر ته امر کړی چې د اپوزیسون د یو فعال د زنداني کیدو د حکم قانونیت دې وڅېړي.

دا فعال په هغو مظاهرو کې چې اجازه نه وه ورکړل شوې په مکرر ډول د برخې اخیستو له کبله زنداني شوی دی.

کونسټانټین کوټوف د تیر کال په سیپټمبر میاشت کې د هغه لانجمن قانون پر بنسټ په څلور کلن زندان محکوم شو چې د 180 ورځو موده کې له یوې څخه په زیاتو جواز نه لرونکو مظاهرو کې ګډون جرم ګڼي.

کرملین پر خپله ویب پاڼه لیکلي، پوتین د کوټوف د محکومولو د قضیې د بیا څیړنې امر ددې لپاره کړی څو ډاډمنه شي چې د نوموړې د زنداني کیدو حکم د قانون سره سم د توجیه وړ دی.

34 کلن کوټوف چې د کمپیوټر پروګرامر دی، د تیر کال د اګست په 10 مه نیټه هغه لاریون کې د ګډون له کبله ونیول شو چې غوښتنه یې کوله د اپوزیسون او خپلواکو کاندیدانو ته دې د روسیې دوما یا پارلمان لپاره د مسکو له ښاره په ترسره کیدونکو انتخاباتو کې برخه ورکړل شي. دا انتخابات د سیپټمبر په 8 مه نیټه ترسره شول.

د احتمالي کاندیدانو مخنیوي په تیر اوړي کې په مسکو او د روسیې په نورو برخو کې د اعتراضونو یوه څپه راپورته کړه چې ځینې یې د پولیسو له خوا د تاوتریخوالي په کارولو وځپل شوې او زرګونه کسان د موقت وخت لپاره ونیول شول. د روسیې دا اقدام هغه مهال په نړیواله سطحه وغندل شو.

کوټوف یو له هغو څو فعالانو څخه دی چې تر اعتراضونو وروسته پر زندان محکوم شول.

عراق کې د فرانسې د خیریه موسسې کارکوونکي ورک شوي

دا فرانسوی سازمان د عراق د کردستان په مرکز اربیل کې فعاله دی، هلته ګڼ عیسویان شته.

د فرانسې د یوې مذهبي خیریه موسسې څلور کارکوونکي په عراق کې ورک شوې دي.

د منځني ختیځ لپاره د مسیحیانو سازمان وایي چې پرون یې درې فرانسويان او یو عراقی کارکوونکی په بغداد کې تري تم شوې دي.

د "ایس او ایس" په نوم دغه سازمان له ۲۰۱۴ میلادي کال راهیسې په عراق کې وروسته تر دې فعالیت پیل کړی دی چې داعش ډلې په موصل کې په زرګونو مسیحیان او یزیدیان مجبوره کړل چې خپل کورونه پریږدي.

دا فرانسوی سازمان د عراق د کردستان په مرکز اربیل کې فعاله دی، هلته ګڼ عیسویان شته.

له روسیې سره د یوځای کېدو لپاره پر بیلاروس د روسیې فشارونه

د بیلاروس ولسمشر الکساندر لوکاشینکا

د بیلاروس ولسمشر مسکو تورن کړ چې پر هېواد یې فشار راولي چې له روسیې سره یوځای شي.

الکساندر لوکاشینکا پرون د بیلاروس په ختیځ کې د کاغذ جوړولو په یوې فابریکې کې کارګرانو ته د خبرو پرمهال وویل، روسیه چې ارزانه تېل او ګاز چمتو کوي، له خپلې انرژي استفاده کوي چې بیلاروس له خپلې خاورې سره یوځای کړي خو دی به کله هم اجازه ورنه کړي چې داسې وشي.

لوکاشینکا له ۱۹۹۴ میلادي کال راپه دې خوا د بیلاروس ولسمشر دی له هغه وخته چې دا هېواد له روسیې د یوه خپلواک هېواد په توګه جلا شوی دی.

بیلاروس د سون توکو او نورو مرستو په برخو کې ډير زیات پر روسیې متکي دی او دغه هېواد نورې اروپا ته د روسیې د انرژۍ د لېږد یوه عمده لار ده.

بیلاروس د تېلو د ټرانزیټ پر سر له روسیې سره اختلاف پيدا کړی او کله ناکله روسیه د تعرفوو د زیاتېدو له لارې د لوکاشینکا پر حکومت فشار زیاتوي.

دغه دوه هېوادونه د تېلو د لېږد په برخه کې د کال په سر کې موافقې ته ونه رسېدل چې تر هغې وروسته مسکو په بیلاروس کې د تېلو له چاڼخونو سره مرستې ودرولې، خو د جنوري له څلورمې وروسته د دې مرستو یوه برخه بېرته پیل شوه.

د چین "کرونا" وژونکې ناروغۍ فرانسې، امریکا او اسټرالیا ته هم خپره شوې

د دې ناروغۍ له امله په چین کې دننه تر اوسه ۴۱ کسان وژل شوي او ۱۲۸۷ کسان پرې اخته شوې دي.

په چین کې د کرونا په نوم اخیستونکې او وژونکې ناروغۍ په سرعت د خپریدو په حال کې ده او د راپورونو له مخې دا ناروغي فرانسې او اسټرالیا ته هم خپره شوې ده.

چین نن وویل چې د دې ناروغۍ له امله په چین کې دننه تر اوسه یوڅلویښت کسان وژل شوي او لږ تر لږه یوزره دوه سوه اووه اتیا کسان پرې اخته شوې دي.

دا ناروغي د چین په نهه ویشت ولایتونو کې خپره شوې ده او د دوه سوه اووه دیرش ناروغانو روغتیایي وضعیت خطرناکه بلل شوی دی.

فرانسه وایي چې درې تنه یې په دې ناروغي اخته شوې دي.

د امریکا متحد ایالتونه هم په دغه هیواد کې پر دې ناروغۍ د دو کسانو د اخته کېدو خبر ورکوي.

تر دې مخکې په اسټرالیا کې په دې ناروغي د یوه تن د اخته کېدو خبر ورکړل شوی و.

د ترکیې په زلزله کې د مړو شمېر۲۱ کسانو ته رسېدلی

په ترکیه کې د د یوې سختې زلزلې له کبله د مړو شویو کسانو شمیر لږ تر لږه 21 کسانو ته ورسید.

دا زلزله د ریښتر په کچ 6 عشاریه اته بلل شوې چې تر زلزلې وروسته ټکانونه هم ورسره مله وو. زلزلې یو شمیر ودانۍ هم نړولې دي.

د ترکیې د بیړنیو حالاتو ادارې ویلي، 17 کسان په شرقي ولایت الازیه او 4 تنه په بل ولایت ملاتیه کې وژل شوي دي.

د الازیغ ولایت یو اوسیدونکي رویټرز خبري اژانس ته وویل:​” زلزله تیر ماسخوتن پنځه کم نهه بجې وشوه. موږ په کور کې وو، لومړنی ټکان یې ډېر اوږد و. 15 ثانیې یې دوام وکړ او وروسته ټول له کورونو ووتل. “

د الازیه او ملاتیه ولایتونو چارواکو ویلي چې په زلزله کې لږ تر لږه 920 کسان ټپیان شوې هم دي چې د سیمې روغتونونو ته لیږدول شوي.

د ترکیې ولسمشر رجب طیب اردوغان پر خپل ټویټر ویلي، ټولې هڅې به ترسره شي څو الازیه کې د شوې زلزلې چې نورو ولایتونو کې هم احساس شوې تلفات او زیانونه راکم شي.

"د امریکا پر پوځي اډې د ایران د میزایلو په برید کې ۳۴ سرتېرو ته شدیده مغزي صدمه رسېدلې"

 د پنټاګون ویاند جانتن هوفمن پرون، د جنورۍ په ۲۴مه، په واشنګټن کې خبریالانو ته وویل چې ۱۷ عسکر لا هم تر درملنې لاندې دي.

د امریکا متحده ایالاتو ویلي چې په عراق کې د دوی پر پوځي اډې د ایران د راکټي حملې له امله ۳۴ عسکرو ته شدیده مغزي صدمه رسېدلې ده.

د پنټاګون ویاند جانتن هوفمن پرون، د جنورۍ په ۲۴مه، په واشنګټن کې خبریالانو ته وویل چې ۱۷ عسکر لا هم تر درملنې لاندې دي.

ایران د دې لپاره چې له امریکا د جنرال قاسم سلېماني د وژلو غچ واخلي، د جنورۍ په ۸مه نېټه، د عراق په لویدیځ کې پر عین الاسد هوايي اډه چې امریکايي پوځيان دېره دي د بالستیک میزائیلو حمله وکړه .

د حملې په وخت ۱۵۰۰ امریکايي عسکرو د عین الاسد په پوځي مرکز کې خدمت کاوه. خو د ایران له لوري د راکټي حملې خبرداری ورکړ شوی و او زیات عسکر په زېرخانو کې پټ شوي وو.

د امریکا متحده ایالاتو ولسمشر ډونالد ټرمپ مخکې ویلي و چې په عراق کې د امریکايي ځواکونو پر پوځي اډې دایران په حمله کې هېڅ امریکايي عسکر ته تاوان نه دی رسېدلی. خو د امریکا د دفاع وزارت ویاند وویل چې ۸ تنه عسکر چې د درملنې لپاره جرمني ته لېږدول شوي وو، پرون امریکا ته ور ورسېدل او نهه تنه لا هم په جرمني کې تر طبي څارنه لاندې دي.

چین کې د کرونا ویروس خپرېدو د مخنیوي لپاره ۱۳ ښارونه قرنطین شول

په چین کې تر پرونه له دې امله ۲۶ کسان مړه شوي دي.

په چین کې چارواکو د کرونا په نوم د وژونکي ویروس د خپرېدو د مخنیوي لپاره ۱۳ ښارونه قرنطین کړي چې په ټوله کې ۴۱ میلیونه انسانان په کې استوګن دي.

په چین کې په دې وېروس د اخته کسانو شمېر پرون، د جنورۍ په ۲۴مه، ۸۳۰ وګڼل شو.

د رپوټونو پر اساس، ۱۷۷ کسان په سخت حالت کې دي. تر ۱۰۰۰ زیات وګړي تر دې شک لاندې دي چې په دې وېروس به اخته وي.

په چین کې تر پرونه له دې امله ۲۶ کسان مړه شوي دي.

دا وژونکی ویروس اروپا ته هم د خپرېدو په حال کې ګڼل کېږي او په فرانسه کې یې دوه مثبتې پېښې لیدل شوې دي.

دچین په پلازمېنه پېکنګ کې چارواکو د نوي چینايي کال دپېل لپاره ټول تفریحي پروګرامونه لغو کړي دي.

د کورونا ویروس لومړۍ پېښه د چین د هوبای ولایت په مرکز ووهان ښار کې ثبت شوې وه.

د چین د رسنیوپه حواله، په ووهان کې چې یولس ملیونه وګړي لري، روغتونونه د ناروغانولپاره کافي چپرکټونه نه لري.

چینايي چارواکو پرېکړه کړې چې په لسو ورځوکې به یو ځانګړی روغتون یوازې په کرونا داخته انسانانو لپار جوړوي.

عراق کې د امریکا پوځي حضور پر خلاف زرګونو کسانو بغداد کې لاریون وکړ

وروسته له هغې چې د ايران د قدس ځواک پخوانى قوماندان قاسم سليماني په بغداد کې د امريکا د بې پېلوټه الوتکې په حمله کې ووژل شو، د عراق پارلمان د جنورۍ پر پنځمه د يوه پرېکړه ليک په تصويب سره له عراقه د امريکايي ځواکونو د وتلو غوښتنه وکړه.

زرګونه عراقيان د پلازمېنې بغداد د مرکز په دوو برخو کې نن راټول شوي دي.

دا خلک وروسته له هغې راووتل چې يوه وتلي شيعه مذهبي مشر په دغه هېواد کې د امريکا د پوځي حضور پر خلاف د "میليوني" لاريون غوښتنه وکړه.

دغه لاريون د مقتدا الصدر له خوا رابلل شوى چې په وروستيو کې يې ځان له ايران سره ډېر نږدې کړى دى.

لاريون کوونکي د تحرير ميدان پرځاى چې د حکومت ضد پراخو اعتراضونو سمبوليکه سيمه ګڼل کېږي، نن سهار د بغداد په مرکزي ميدان الحريه کې راټول شول.

يوه لاريونوال عادل جبار وويل: "خلک د اشغالګرو وتل غواړي. خلک د اشغالګر اطافت نه کوي او نه يې مني او دا د عراق د پيوستون او حاکميت لپاره يو مليوني لاريون دى."

لاريونوالو چې د عراق بيرغونه يې رپول، د امريکا پرضد يې شعارونه ورکول چې په عراق او سوريه کې د داعش د افراطي وسلوالو پرضد د پوځي ائتلاف مشري کوي.

وروسته له هغې چې د ايران د قدس ځواک پخوانى قوماندان قاسم سليماني په بغداد کې د امريکا د بې پېلوټه الوتکې په حمله کې ووژل شو، د عراق پارلمان د جنورۍ پر پنځمه د يوه پرېکړه ليک په تصويب سره له عراقه د امريکايي ځواکونو د وتلو غوښتنه وکړه.

په همدې حال کې سپينې ماڼۍ د امريکا او عراق د ولسمشرانو تر کتنې وروسته وويل، دوى په عراق کې د امريکا د پوځي حضور پر دوام موافقه کړې ده.

ډونالډ ټرمپ او برهم صالح تېره چهارشنبه د سويس په داوس ښار کې د نړيوالې اقتصادي غونډې په څنډه کې سره کتلي وو.

اسراییل د ایران رژیم "د مځکې پر سر تر ټولو سخت یهودي ضد" بولي

د اسراییل صدراعظم بینیامین نتنیاهو

د امریکا متحده ایالتونو او اسراییل د اشویتځ د اجباري کمپ د ازادۍ د 75 یمې کالیز یادون پر ایران د انتقاد د فرصت په توګه کارولی دی.

د اسراییل صدراعظم بینیامین نتنیاهو ایران رژیم "د مځکې پر سر تر ټولو سخت یهودي ضد" بللی دی.

نتنیاهو د پنجشنبې په ورځ په بیت المقدس کې د نړۍ د حکومتونو او دولتونو تر څلوېښتو زیاتو مشرانو غونډې ته وینا کې هغه څه وغندل چې نوموړي د "تهران مستبدان" وبلل او ویې ویل "بل هولوکاسټ( یا د یهودانو ډله ایزه وژنه) به نه پېښیږي."

نوموړې د هولو کاسټ نړیوال فورم ته وویل: "موږ لا هم باید د د مځکې پر سر تر ټولو سخت یهودي ضد رژیم ( ایران ) په وړاندې چې په څرګنده د اټومي وسلو د ترلاسه کولو او د یوازینې یهودي دولت د له منځه وړلو هڅه کوي، یو موټی او پریکنده دریځ خپل کړو."

د امریکا مرستیال ولسمشر مایک پینس هم پر نړیواله ټولنه غږ وکړ چې د ایران په وړاندې "پیاوړی دریځ" خپل کړي، هغه هیواد چې د نوموړي په وینا په نړۍ کې یوازینی هېواد دی چیرې چې د هولوکاسټ (د نازي جرمني له خوا د یهودانو د ډله ایزې وژنې) نه منل دولتي پالیسي ده.

تهران د اتومي وسلو د تر لاسه کولو د هڅې ادعاوې رد کړي او دا هم نه مني چې ګوندي یهودي ضد پالیسي لري.

ایران وايي، دوی د یهودي دولت مخالف او د فلسطینیانو د دریځ ملاتړ کوي او په ایران کې د یهودي اقلیت په شمول له یهودي وګړو سره کومه ستونزه نه لري.

امریکا د انرژۍ په ۴ شرکتونو اقتصادي بندیزونه لګولي

ارشیف

د امریکا متحده ایالتونو د انرژۍ په څلور هغو شرکتونو اقتصادي بندیزونه لګولي، چې د ایران د سپاه پاسداران د قدس ځواک سره د تېلو په صادراتو کې په مرسته تورن دي.

دا بندیزونه چې د پنجشنبې په ورځ اعلان شول، له هغې درې اونۍ وروسته دي چې امریکايي ځواکونو د ایران د قدس ځواک قومندان جنرال قاسم سلیماني د بغداد هوايي ډګر ته نژدې په یو هوايي ګوزار کې وواژه.

د امریکا د بهرنیو چارو وزیر مایک پمپیو د پنجشنبې په ورځ دې نویو بندیزونو ته په اشارې په یو بیان کې وویل” نن د امریکا متحده ایالتونه نوي اقدامات کوي چې د هغه تر ټولو زیات اقتصادي فشار د کمپاین برخه ده چې د بې ثباتۍ د فعالیتونو د تمویل لپاره د ایران د رژیم د عوایدو د ټولو سرچینو مخه نیسي.“

د امریکا د خزانې وزارت وايي، هغه شرکتونه چې بندیزونه پرې لګیدلي، دوه یې په هانګ کانګ، یو یې په شانګهای او بل یې هم په دوبۍ کې دی.

دا وزارت وايي، دوی په شریکه د ایران د تیلو د ملي کمپنۍ څخه د ” سَوونه میلیونو ډالرو په ارزښت“ صادرات کړي، هغه څه چې د ایران له قدس ځواک سره یې مرسته کړې.

دا ځواک امریکا د بهرنیو ترهګرو سازمانونو په لیست کې شامل کړی.

چین کې نوی ویروس او د خپراوي د مخنیوي هڅې

په دې ویروس تراوسه ۶۰۰ کسان اخته شوي او اتلس کسان مړه شوي دي.

د يوه نوي وايروس د خپروېدو د کنټرول لپاره د چين د مرکزي ولايت هوبى په لږ تر لږه ١١ ښارونو کې شديد اقدامات شوي دي.

په دغه وايروس تر ٨٣٠ ډېر کسان اخته شوي او لږ تر لږه ٢٥ کسان مړه شوي دي.

دغه وايروس اول د هوبى په مرکز ووهان کې چې ١١ مليونه وګړي په کې ژوند کوي، کشف شو.

د ښار د ترانسپورت سيسټم پرون سهار وځنډول شو.

راپورونه وايي چارواکو په ووهان ښار کې د ماسکونو تړل اجباري کړي او له خلکو غوښتنه شوې، چې له ګڼه ګوڼو او غونډو دې ډډه وکړي.

د دولتي رسنيو د راپور له مخې په لسو نورو ښارونو کې هم د ترانسپورټ جريان درول شوى او په پلازمېنه پيکنګ کې د نوي چينايي کال د لمانځلو مراسم لغوه شوي دي.

د روغتيا نړيوال سازمان پرون وويل، د دې وايروس په اړه د دې وخت نه دى چې ”نړيوال اضطراري حالت“ اعلان کړي.

له تاجکستانه د خبریالانو پر وړاندې د محدویتونو د لرې کولو غوښتنه شوې

د رسنیو په چارو کې په اروپا کې د امنیت او همکارۍ د سازمان استازي هارلم دیسیر.

د رسنیو په چارو کې په اروپا کې د امنیت او همکارۍ د سازمان استازي هارلم دیسیر د تاجکستان پر حکومت غږ کړی چې د ازادې اروپا، آزادۍ راډیو د خبریالانو ټول ټیم ته د کار جوازونه ورکړي.

نوموړي پرون پنجشنبې پر ټویټر په یوه بیان کې دا غوښتنه وکړه او ویې چې خبریالانو ته باید له محدودیتونو پرته د آزاد کار اجازه ورکړل شي.

دا غوښتنه په داسې حال کې کېږي چې د تاجکستان د بهرنیو چارو وزارت د آزادۍ راډیو ۱۸ خبریالانو او کارکوونکو ته د یوکلن جواز له ورکولو ډډه کړې.

د بهرنیوچارو وزارت د تېرکال له نوامبر میاشتې راهیسې د آزادۍ راډیو ۱۱ خبریالانو ته د فعالیت داسې جوازونه ورکړي چې د اعتبار موده یې له یو کال لږه ده خو نورو اوو خبریالانو ته یې نه دي ورکړي.

د آزادې اروپا، آزادۍ راډیو مشر جیمي فلای د سه شنبې په ورځ د تاجکستان د بهرنیو چارو وزیر سراج الدین مهرالدین ته په یوه لیک کې وویل، حکومت پر خپلو ژمنو عمل ونه کړ او د دې راډیو تاجکي څانګې ته یې اجازه ورنه کړه چې له خنډ پرته کار وکړي.

د امریکا د کانګرس غړو هم د تاجکستان پر دې کار انتقاد کړی او ویلي یې دي چې دا ستونزه ښايي له تاجکستان سره د امریکا د متحدایالاتو پر اړیکو ناوړه اغیز وکړي.

د سربیا پارلمان مخې ته یو کس ځان وژنه کړې

د پېښې په اړه نور جزییات نه دي ورکړل شوي.

د سربیا چارواکي وايي چې یو سړي د پلازمېنې بلګراد په مرکز کې د پارلمان مخې ته په تومانچه خپل ځان وواژه.

د سربیا د کورنیو چارو وزارت پرون د جنوري په ۲۳ نېټه وویل، دا سړی چې شاوخوا پنځوس کلن و، په خپله خوله کې د مرمۍ ډز وکړ او ځای پرځای يې سا ورکړه.

د پېښې په اړه نور جزییات نه دي ورکړل شوي.

له ۲۰۰۲ میلادي کال راهیسې دا دوهم ځل دی چې داسې پېښه کېږي.

په هغه کال د کورنیو چارو پخواني وزیر ولایکو ستوییلیوکوویچ وروسته له هغه پرځان ډزې وکړې چې د پارلمان غړو هغه قانون تصویب کړ چې له مخې یې په په جنګي جرمونو تورن کسان په هاګ کې د ملګرو ملتونو د جنګي جرمونو محکمې ته سپارل کېدل.

نوموړی تورن و، چې په ۱۹۹۸ او ۱۹۹۹ میلادي کلونو کې د کاسوو د جګړې په ترڅ کې یې په جنګي جرمونو لاس پورې کړی.

د یهودانو د قتل عام قربانیانو ته د نړۍ د لسګونه مشرانو درناوی

د روسیې ولسمشر ولادیمیر پوتین او د اسرائیل صدراعظم بنیامین نتانیاهو

د نړۍ د څه باندې ۴۰ هېوادونو مشران نن د جنورۍ په ۲۳مه د دوهمې نړیوالې جګړې پر مهال، د پولند په اشویتز ښارګوټي کې د یهودانو د قتل عام لپاره د ځانګړي کمپ د ازادۍ د ۷۵مې کلیزې په مناسبت په بیت‌المقدس کې راغونډ شول.

دا مراسم په یادواشیم کې چې د یهودانو د قتل عام د قربانیانو د درناوي لپاره جوړ شوی ځای دی، روان دي.

په یادواشیم کې غونډې ته د روسیې ولسمشر ولادیمیر پوتین وویل: "ما او زما همکارانو ته دا ډېره مهمه ده چې نن دلته په اسرائيل کې یو. موږ د اسرائیلي رهبرانو هلو ځلو ته متوجې یوو چې د دوهمې نړیوالې جګړې د خواشینوونکو پېښو د په یاد ساتلو لپاره‌یې کوي. تاسو وویل دا نه‌ده معلومه چې یهودي ضد احساسات چېرته ختمېږي. متأسفانه موږ هم پوهېږو او خاتمه‌یې په اشویتز کې ده، نو باید احتیاط وشي چې هېڅکله په راتلونکي کې د داسې پېښې د تکرار اجازه ورنه‌کړل شي."

په دوهمه نړیواله جګړه کې ۶ میلیونه یهودان ووژل شول چې هلوکاست ورته ویل کېږي. کله چې د جرمني نازیانو د دوهمې نړیوالې جګړې په وخت کې پولنډ اشغال کړ، یوازې په اشویتز کې د شکنجې په کمپ کې تر یو میلیون زیات وګړي چې اکثر یهودان وو، وژل شول.

ډیموکراتانو له جمهوري غوښتونکو غوښتي د ټرمپ محاکمه کې یولاسي شي

د امریکا سنا مجلس له سې شنبې راهیسې د ټرمپ د محاکمې بهیر پیل کړی دی.

د امریکا د استازو جرګې ډیموکراتانو له جمهوري غوښتونکو سناتورانو غوښتي چې ورسره د ډیموکراسۍ په ساتنه کې مرسته وکړي او د ولسمشر ډونالد ټرمپ د محاکمه کولو او له قدرته د هغه د لیرې کولو لپاره ورسره په هڅو کې یوځای شي.

ادم شیف چې په سنا کې د ټرمپ د استیضاح د محاکمې لپاره د استازو جرګې له‌خوا د ټاکل شوي پلاوي مشري کوي، پرون په ښکاره د بیانونو د خپرولو لړۍ پیل کړه چې په ترڅ کې یې د ډیموکرات ګوند له‌خوا د ټرمپ د فاسدې طرحې په نوم دا غوښتنه کوي چې ټرمپ له قدرته د ناوړه استفادې او د کانګرس په لاره کې د خنډونو ایجادولو په خاطر باید محاکمه او له قدرته لیرې شي.

هغه له سناتورانو وغوښتل چې د سیاست په اړه بدبین ونه‌اوسي او پر ځای یې د امریکا د مؤسس چې استیضاح ته‌یې زمینه برابره کړې، درناوی وکړي.

سنا جرګې له سې شنبې راهیسې د ټرمپ د محاکمې بهیر پیل کړی دی.

نور راوښيه

XS
SM
MD
LG