د خپلو بندي خپلوانو سره د کورنيو د بيا يوځای کېدو احساساتي شېبه؛ ولسمشر بايډن هم دوی ته هرکلی ووايه
![](https://gdb.rferl.org/4711b2ae-f20b-45c7-ac90-95cfd42f5692_w1080_r0_s.jpg)
السو کورماشیوا، د ازادي اروپا راډیو خبریاله، خپلې لوڼې، بي بي او مريم په غېږ کې نیسي. دا پهداسې حال کې ده چې د هغې خاوند پاول بوتان هم دا صحنه څاري. کورما شیوا یو له هغو ۲۴ بندیانو څخه وه چې د اګست په لومړۍ نېټه د روسیې او امریکا ترمنځ د بندیانو د تبادلې د معاملې په پایله کې خوشې شوه.
![](https://gdb.rferl.org/76f3acc8-fe34-4727-b1cb-47e4f12bca9b_w1080_r0_s.jpg)
ګریشکوویچ او د هغه کورنۍ
د روسیې د بهرنیو چارو وزارت د والسټریټ ژورنال خبریال ګریشکوویچ تورن کړی و چې پټو معلوماتو ته د لاسرسي هڅه کوي. له پخواني شوروي وروسته ګریشکوویچ لومړنی امریکايي خبریال و چې په روسیه کې د جاسوسۍ په تور نیول شوی دی.
![](https://gdb.rferl.org/b37a3cd0-1fe1-4c72-8920-21f52596bf8d_w1080_r0_s.jpg)
پاول والين چې ۵۴ کلن دی، د ۲۰۱۸ کال په ډسمبر کې په مسکو کې هغه مهال ونیول شو چې د خپل یوه ملګري د واده په مراسمو کې د ګډون لپاره روسیې ته تللی و. هغه په دې تورن شوی و چې یو کمپیوټر یې ترلاسه کړی و چې محرم معلومات پهکې وو.
![](https://gdb.rferl.org/14475a27-0c61-4b43-80a3-d70b1670a284_w1080_r0_s.jpg)
ولسمشر بایډن وروسته له هغه چې پاول والین امريکا ته ورسېد، غېږ کې يې نيولی او دا هغه شېبه ده چې کماله هریس موسکا کوي.
ولسمشر بایډن او د هغه مرستیاله کامالا هريس د کورماشیوا او د هغه د کورنۍ له غړو سره خبرې کوي.
کورماشیوا په پراګ کې د ازادې اروپا راډیو د تاتار برخې ايډېټره ده. هغه د ۲۰۲۳ کال په جنورۍ کې د روسي چارواکو لهخوا هغه مهال ونیول شو چې تاتارستان ته د خپلو خپلوانو لیدو ته تللې وه.
کورماشیوا د خپلې کورنۍ غړي په غېږ کې نيولي.
کورماشیوا د جولای په ۱۹مه د تاتارستان یوې محکمې په شپږ کاله بند محکومه کړې وه. محاکمه د تړلو دروازو تر شا ترسره شوه.
ولسمشر بایډن له خوشې شویو بندیانو سره له کتنې وروسته خبریالانو ته خبرې وکړې.
ګریشکوویچ د خبریالانو مخته پهداسې حال کې ليدل کېږي چې مسکا کوي.
پهدې انځور کې د کورما شیوا د کورنۍ غړي لیدل کېږي چې د هغه د هرکلي لپاره ګړندي ګامونه اخلي. دا پهداسې حال کې ده چې کورماشیوا له الوتکې ښکته کېږي.