په کابل کې خپریدونکو ورځپاڼو نن یو ځلې بیا د تیرو دوو ورځو په مظاهرو او په دې اړه په پورته شوېو غبرګونونو بحث کړې، چې دا بحث په لاندې یوه مطلب کې حمید مومند رانغاړلی دی.
خدمتګار:
خدمتګار نا دولتي ورځپاڼې په کندهار کې له تاوتریخوالي ډکې مظاهرې ته په اشارې، چې په کې عامه تاسیساتو ته هم زیان واوښت لیکلي، چې مظاهره کوونکو د کشیش پر ځای له خپل ښوونځي غچ واخیست.
ورځپاڼه وړاندې د کندهار د زرغونې انا د لسیې د یو ساتونکي په حواله لیکي، چې دې لسیې ته د اور اچولو په پېښه کې د کلام پاک څو ټوکه هم سوځیدلي.
ورځپاڼه وړاندې د دې ساتونکي الفاظ راخلي او لیکي، چې ما مظاهره کوونکو ته د کلام پاک سوځول شوې پاڼې وښودې او ورته مې وویل، چې ستاسو او د امریکایي کشیش ترمنځ توپیر څه دې، ځکه تاسو هم کلام پاک وسوځاوه.
ورځپاڼې په یو جلا مطلب کې د داسې مظاهرو او بلواو په وړاندې د امنیتي ځواکونو وړتیاوې څیړلې او لیکلي، چې پولیسو په دې برخه کې خپل مسؤلیتونه په سمه توګه ترسره نه شوای کړای.
ورځپاڼې دا تاوتریخوالې د امنیتي مسؤلیتونو د انتقال بهیر لپاره هم زیان اړوونکي بللي او لیکلي، چې ممکن دا افغان ځواکونو ته ښی پایلې ونلري.
اراده:
ارادې خپلواکې ورځپاڼې بیا په دې مظاهرو کې د مرګ ژوبلې پېښو ته په اشارې لیکلي، چې دغو مظاهرو یو ځلې بیا د امنیتي ځواکونو د بې کفایتۍ انځور وړاندې کړ.
ورځپاڼه لیکي، چې امنیتي ځواکونو نه یوازې دا، چې د داسې پېښو په مخنیوي کې پاتې راغلي، بلکه په ځینو مواردو کې په نا سم چلند سره خپله د دې سبب ګرځیدلي، چې تاوتریخوالي رامنځ ته کړي.
ورځپاڼې افغان دولت ته دا سپارښتنه کړې، چې د داسې پېښو د مخنیوي لپاره باید سم او پر ځای تدابیر ونیسي.
هېواد:
هېواد دولتي ورځپاڼې بیا د تیرو دوو ورځو پېښو ته په اشارې دا سپارښتنه کړې، چې تاوتریخوالې خو نه له اسلامي ارزښتونو سره اړخ لګوي او نه هم د هېواد له ملي ګټو سره.
ورځپاڼې که څه هم د امریکایی کشیش د وروستي عمل په وړاندې د اسلامي نړۍ او په تیره بیا د افغانانو غصه پر ځای بللې، خو لیکلي، چې دا اعتراض باید په سوله ایز ډول شوې وای.
ورځپاڼې لیکلي، چې یو شمېر مغرضې کړۍ د افغانانو له پاکو احساساتو ناوړه ګټه پورته کوي او د اوبو په خړولو سره کبان نیسي.
ورځپاڼې د هېواد حساسو شرایطو ته په پام سره خلکو ته دا سپارښتنه کړې، چې باید ډیر هوښیار او ویښ واوسي او هیچا ته اجازه ورنه کړي، چې د دوي له پاکو احساساتو ګټه پورته کړي.
د ورځپاڼې په وینا په تاوتریخوالي لاس پورې کول پرته له دې، چې د عامو خلکو ژوند ګډوډ کړي او عامه شتمنۍ زیانمنې کړي، بله پایله نه لري.
ملي ارمان:
ملي ارمان نا دولتي ورځپاڼې هم په کندهار کې د پرونۍ مظاهرې زیانونو او مرګ ژوبلې ته په اشارې لیکلي، چې بیا هم مخالفینو د مظاهره کوونکو په لیکو کې نفوذ وکړ او بیا هم یی یو شمېر خلک ووژل.
خدمتګار نا دولتي ورځپاڼې په کندهار کې له تاوتریخوالي ډکې مظاهرې ته په اشارې، چې په کې عامه تاسیساتو ته هم زیان واوښت لیکلي، چې مظاهره کوونکو د کشیش پر ځای له خپل ښوونځي غچ واخیست.
ورځپاڼه وړاندې د کندهار د زرغونې انا د لسیې د یو ساتونکي په حواله لیکي، چې دې لسیې ته د اور اچولو په پېښه کې د کلام پاک څو ټوکه هم سوځیدلي.
ورځپاڼه وړاندې د دې ساتونکي الفاظ راخلي او لیکي، چې ما مظاهره کوونکو ته د کلام پاک سوځول شوې پاڼې وښودې او ورته مې وویل، چې ستاسو او د امریکایي کشیش ترمنځ توپیر څه دې، ځکه تاسو هم کلام پاک وسوځاوه.
ورځپاڼې په یو جلا مطلب کې د داسې مظاهرو او بلواو په وړاندې د امنیتي ځواکونو وړتیاوې څیړلې او لیکلي، چې پولیسو په دې برخه کې خپل مسؤلیتونه په سمه توګه ترسره نه شوای کړای.
ورځپاڼې دا تاوتریخوالې د امنیتي مسؤلیتونو د انتقال بهیر لپاره هم زیان اړوونکي بللي او لیکلي، چې ممکن دا افغان ځواکونو ته ښی پایلې ونلري.
اراده:
ارادې خپلواکې ورځپاڼې بیا په دې مظاهرو کې د مرګ ژوبلې پېښو ته په اشارې لیکلي، چې دغو مظاهرو یو ځلې بیا د امنیتي ځواکونو د بې کفایتۍ انځور وړاندې کړ.
ورځپاڼه لیکي، چې امنیتي ځواکونو نه یوازې دا، چې د داسې پېښو په مخنیوي کې پاتې راغلي، بلکه په ځینو مواردو کې په نا سم چلند سره خپله د دې سبب ګرځیدلي، چې تاوتریخوالي رامنځ ته کړي.
ورځپاڼې افغان دولت ته دا سپارښتنه کړې، چې د داسې پېښو د مخنیوي لپاره باید سم او پر ځای تدابیر ونیسي.
هېواد:
هېواد دولتي ورځپاڼې بیا د تیرو دوو ورځو پېښو ته په اشارې دا سپارښتنه کړې، چې تاوتریخوالې خو نه له اسلامي ارزښتونو سره اړخ لګوي او نه هم د هېواد له ملي ګټو سره.
ورځپاڼې که څه هم د امریکایی کشیش د وروستي عمل په وړاندې د اسلامي نړۍ او په تیره بیا د افغانانو غصه پر ځای بللې، خو لیکلي، چې دا اعتراض باید په سوله ایز ډول شوې وای.
ورځپاڼې لیکلي، چې یو شمېر مغرضې کړۍ د افغانانو له پاکو احساساتو ناوړه ګټه پورته کوي او د اوبو په خړولو سره کبان نیسي.
ورځپاڼې د هېواد حساسو شرایطو ته په پام سره خلکو ته دا سپارښتنه کړې، چې باید ډیر هوښیار او ویښ واوسي او هیچا ته اجازه ورنه کړي، چې د دوي له پاکو احساساتو ګټه پورته کړي.
د ورځپاڼې په وینا په تاوتریخوالي لاس پورې کول پرته له دې، چې د عامو خلکو ژوند ګډوډ کړي او عامه شتمنۍ زیانمنې کړي، بله پایله نه لري.
ملي ارمان:
ملي ارمان نا دولتي ورځپاڼې هم په کندهار کې د پرونۍ مظاهرې زیانونو او مرګ ژوبلې ته په اشارې لیکلي، چې بیا هم مخالفینو د مظاهره کوونکو په لیکو کې نفوذ وکړ او بیا هم یی یو شمېر خلک ووژل.