ګجراټ ټایټنز لوبډلې راشدخان په کابو دوه میلیونو ډالرو له ځان سره ساتلی دی

راشدخان

د سږکال د هند غوره لیګ یا ای پي ایل سیالیو لپاره څلور افغان لوبغاړي خپلو لوبډلو ساتلي دي.

ګجراټ ټایټنز په ۱۸ کروړه هندي روپیو، چې کابو دوه میلیونه ډالره کېږي، نامتو افغان سپېنر یا ورو توپ اچوونکی راشد خان له ځان سره ساتلی دی.

همدارنګه عظمت الله عمرزی به له پنجاب کېنګر لوبډلې سره پاتي شي او نور احمد لکڼوال او محمد غضنفر به هم د خپلو لوبډلو لپاره لوبې وکړي.

تمه ده د سږکال د ای پي ایل بولۍ د را روانې ډسمبر میاشتې په ۱۶مه په ابوظبۍ کې ترسره شي.

تراوسه د هند غوره لیګ د پیل نېټه اعلان شوي نه ده.

د تیر کال د ای پي ایل اتلولي رایل چلنجرز بنګلورو ګټلې وه.