د طالبانو تر کنټرول لاندې د افغانستان د احصائیې او معلوماتو ملي ادارې ویلي چې د روان لمریز کال په لومړیو شپږو میاشتو کې یې په ټول هېواد کې ۸۲۷ زره او ۶۰ الکترونیکي تذکرې وېشلې دي.
دې ادارې د سېشنبې په ورځ په یوه خبرپاڼه کې ویلي چې په دې موده کې ۶۰۰ زره او ۵۴۶ نارینهوو او ۲۲۶ زره او ۵۱۴ ښځو الکترونکي تذکرې ترلاسه کړې دي.
د ادارې د شمېرو له مخې، په ټول هېواد کې د الکترونیکي تذکرو د وېش د بهیر له پیل راهیسې نږدې ۱۸.۳ میلیونه الکترونکي تذکرې وېشل شوې دي.
په خبرپاڼه کې راغلي چې اوسمهال خلک په افغانستان کې د اسان خدمت له ۸۷ مرکزونو او د متحده عربي اماراتو په ابوظبي کې له یوه بل مرکز څخه د الکترونکي تذکرو اړوند خدمتونه ترلاسه کولای شي.