د طالبانو حکومت تایید کړه چې دوی په کندهار کې راډیوګانې د کرکټ له خپرونو منع کړي

د افغانستان د کرکټ ملي لوبغاړي

د طالبانو حکومت په کندهار کې په راډیوګانو باندې د کرکټ د خپرونو بندیز تایید کړ.

د طالبانو د حکومت یوې معتبرې سرچینې نن دوشنبه ازادي راډیو ته ومنله چې په کندهار کې په راډیوګانو دا بندیز لګېدلی.

په کندهار کې د لږ تر لږه دریو راډیوګانو مسوولینو او یوه خبریال ازادي راډیو ته دا بندیز تایید کړ او ویلي یې دي چې په شفاهي ډول دوی ته امر شوی چې د کرکټ د هر ډول خبرونو، تبصرو او راپورونو له خپرولو ډډه وکړي.