د پاکستان، سعودي عربستان او ترکیې لوړپوړي چارواکي په تهران کې له چارواکو سره خبرې کوي

د ایران د ملي امنیت د عالي شورا مرستیال علي باقري تایید کړې چې د پاکستان، سعودي عربستان او ترکیې لوړپوړي چارواکي نن دوشنبه تهران ته سفر کوي.

باقري د ایران دولتي ټلوېزیون ته ویلي چې د دې سفر موخه د سیمه ‌ییزې همغږۍ په اړه ګډې خبرې دي.

ټاکل شوې چې د سعودي عربستان دفاع وزیر خالد بن سلمان، د پاکستان د پوځ لوی درستیز عاصم منیر او د ترکیې د استخباراتو مشر ابراهیم کالین د ایران د ملي امنیت د عالي شورا له منشي محسن رضایي سره وګوري.

دا سفر په داسې حال کې کېږي چې سعودي عربستان د ایران له ملاتړه د برخمنو حوثي یاغیانو د توغندیو او بې‌ پیلوټه الوتکو بریدونو سره مخ دی.

پاکستان، سعودي عربستان او ترکیه د مکې د ګډ دفاعي تړون غړي دي، چې له مخې یې پر یوه غړي برید پر ټولو غړو برید ګڼل کېږي. پاکستان تېره اوونۍ دا تړون تصویب کړ، خو د ترکیې پارلمان لا نه دی تصویب کړی.