د افغانستان او زېمبابوې کرکټ ملي لوبډلې نن په پای‌لوبه کې سره مخامخ کېږي

ارشیف، د افغانستان د کرکټ ملي لوبډله

د افغانستان او زېمبابوې د کرکټ ملي لوبډلې نن جمعه د (لړم لومړۍ نېټه) د درې اړخیزې سیالۍ پای‌لوبه کې سره مخامخ کېږي.

لوبه د متحده عربي اماراتو په شارجه ښار کې د کابل په وخت مازیګر څلور بجې پیلېږي.

تر دې مخکې افغانستان په دغو سیالیو کې له زېمبابوې او بنګله‌دېش څخه خپلې دوه لوبې په لوی توپیر ګټلې دي.

د متحده عربي اماراتو په ابوظبي او شارجې ښارونو کې دغه سیالۍ د افغانستان په کوربه‌توب ترسره کېږي.