پر ایران د تازه بریدونو د چمتووالي په اړه له راپورونو سره هممهاله په هرمز تنګي کې پر کښتیو برید شوی

هرمز تنګي کې هدف ګرځېدلې کښتۍ

په ایران باندې د امریکا او اسراییلو د تازه بریدونو د چمتووالي په اړه د راپورونو له خپرېدو سره هممهاله د ایران د سپاه پاسداران ځواکونو خبر ورکړی چې په هرمز تنګي کې یې په څو کښتیو بریدونه کړي.

د امریکا ولسمشر ډونالډ اعلان کړی چې واشنګتن له تهران سره د خبرو په حال کې نه دی او د جزییاتو له ورکولو پرته یې وویل چې «ډېر ژر به یو څه پېښ شي»

سپاه پاسداران د پنجشنبې په ورځ په یوه اعلامیه کې ادعا کړې چې تېر ماښام یې څلور تېل وړونکې بېړۍ هدف ګرځولي او سوځولي دي. دغو ځواکونو همداراز ادعا کړې چې دری نورې کښتۍ له سمندري ماینونو سره لګېدلي دي.

تر اوسه کومې خپلواکې سرچینې د دغو اوه کښتیو د ډوبېدو خبر نه دی تایید کړی.

د ایران او امریکا د جګړې له پيله ایران هغه کښتۍ چې د دوی له اجازې پرته عمان ته له نږدې لارې له هرمز تنګي تیریږي متخلفې کښتۍ وایي او برید پرې کوي.