د بنګلهدېش کرکټ بورډ د شنبې په ورځ د افغانستان پر وړاندې د راتلونکې میاشتې د یوې ټېسټلوبې لپاره خپله لوبډله اعلان کړه.
ټاکل شوې چې دا ټېسټلوبه د اکتوبر له ۹مې تر ۱۳مې په متحده عربي اماراتو کې ترسره شي. دا له ۲۰۲۳ کال راهیسې د افغانستان او بنګلهدېش ترمنځ لومړۍ ټېسټلوبه ده.
بنګلهدېش به له دې وروسته د افغانستان او زیمبابوې په ګډون په درې اړخیزه یو ورځنیو سیالیو کې هم ګډون وکړي.
د درې اړخیزې سیالۍ په لړ کې به بنګلهدېش د اکتوبر په ۱۷مه له زیمبابوې سره لومړۍ لوبه وکړي او د اکتوبر په ۲۱مه به له افغانستان سره مخامخ شي. د سیالیو دوه غوره لوبډلې به د اکتوبر په ۲۳مه په پایلوبه کې سره مخامخ شي.