د امریکا د فضايي څېړنو ادارې (ناسا) د "رومن " په نوم یوپیاوړی فضايي ټلسکوپ فضا ته واستاوه.
دغه ټلسکوپ، د یکشنبې په ورځ په فلوریډا کې له یوې اډې څخه د سپیس ایکس هیوي توغندي په وسیله فضا ته واستول شو.
دغه ټلسکوپ به د کیهان پوهنې د ځینو سترو معماوو د څېړلو لپاره ماموریت ترسره کوي.
دغه فضايي څېړنیزه وسیله د یوې جاسوسي مصنوعي سپوږمکۍ بدله شوې بڼه ده چې له فضا څخه به پراخ او پانورامیک یا خوځیدونکي انځورونه اخلي.
د "نانسي ګرېس رومن" د فضايي ټلسکوپ د پروژې لګښت شاوخوا ۴ میلیارډ ډالره ښودل شوی او د ماموریت موده یې پنځه کاله ټاکل شوې خو ناسا ویلي چې ښايي دغه ټلسکوپ د پنځو نورو کلونو لپاره هم د سونګ کافي مواد ولري.