تمه ده د شانګهای سازمان په ناسته کې د افغانستان په اړه خبرې وشي.
د دې سازمان دارالانشا ویلي، " په ناسته کې به په افغانستان کې د ترهګرۍ، د نشه يې توکو د قاچاق او پولو ته نژدې پر امنیتي اندېښنو خبرې وشي".
دا ناسته د سپټمبر په لومړۍ نیټه د قرغیزستان په پلازمینه بشکیک کې جوړیږي.
تراوسه معلومه نه ده چې طالب چارواکي دې ناستې ته بلل شوي او که نه.
په دې ناسته د افغانستان د نژدې ګاونډيانو ایران او پاکستان سربیره د روسیه، چین، هند او منځنۍ اسیا ولسمشران ګډون کوي.
شانګهای سازمان لس غړي لري او افغانستان د دې سازمان څارونکی غړی دی.