د تبت او نیپال پولې ته څېرمه د چهارشنبې په ورځ «د وږې پر ۴مه» د سېلابونو له امله ۱۹ کسان مړه شوي او د څه کم ۴۰۰ سیلانیانو برخلیک لا هم معلوم نهدی.
له پېښې وروسته د لټون او ژغورنې پراخ عملیات پیل شول.
د چین دولتي رسنیو د تبت په یوه تجارتي سیمه کې د ځمکې ښویېدنې له امله د «پراخو او د پام وړ ځاني تلفاتو» خبر ورکړی دی.
د چین ولسمشر شي جین پېنګ هم امر کړی چې د «ټولو امکاناتو» په کارولو سره دې د لټون او ژغورنې عملیات ترسره شي.
په همدې حال کې، د نیپال پولیسو د لږ تر لږه ۱۹ کسانو مړینه تأیید کړې او ویلي یې دي چې د پېښې له رامنځته کېدو اته ساعته وروسته لا هم د ۳۸۴ سیلانیانو د برخلیک په اړه معلومات نهشته، له دې ډلې ۲۹۱ تنه بهرني سیلانیان دي.