د نړۍ د سوکوهنې پخوانی اتل زولاني ټيټي په ډزو وژل شوی دی.
نړیوالو اژانسونو د سویلي افریقا د پولیسو په حواله پرون جمعه راپور ورکړی چې دغه پخوانی اتل په خپل موټر کې په ډزو ویشتل شوی دی.
پولیسو ویلي، له ۳۸کلن زولاني ټیټي سره یوه ۲۷کلنه ښځه هم په ډزو ویشتل شوی چې ټپي ده.
تراوسه د برید انګیزه معلومه نه ده.
زولاني ټيټي د ۲۰۰۷ او ۲۰۰۸کلونو په منځ کې د فلای ویټ په کټکورۍ کې د نړیوالې اتلولی کمربند درلوده او په ۲۰۱۷ او ۲۰۱۹ کلونو کې يې د سوکوهنې نړیوال سازمان بنټم ویټ اتلولي ګټلې وه.