د امریکا ولسمشر ډونالډ ټرمپ د ناټو په سرمشریزه کې د ګډون په موخه د ترکیې پلازمینې انقرې ته ورسید.
فرانس پریس خبري اژانس لیکلي،" د اروپا امنیت او د غړو هېوادونو د امنیتي بودیجې لوړول د اجنډا مهمه برخه ده".
له دې مخکې امریکايي چارواکو ویلي وو،"پنټاګون په دې غور کوي چې په اروپا کې د خپلو ځواکونو شمیر را کم کړي".
د ناټو سرمنشي مارک روته وايي،" اروپا په امنیتي برخو کې د بودیجې د لوړولو په برخه کې پر خپلو ژمنو عمل کوي".
بل پلو، د اروپايي ټولنې غړي هېوادونه هڅه کوي چې د وسلو د اخیستلو په نویو قراردادونو سره ټرمپ قانع کړې چې د ناټو غړو هېوادونو د امنیت په برخه کې خپل مسولیت ادا کړي.
تمه ده د اوکرایین ولسمشر ولادیمیر زلنسکي د ناټو سرمشریزې په حاشیه کې له ولسمشر ټرمپ سره وګوري.