امریکا کې میشت یو افغان د وسلې د ناقانونه لرلو له امله په ۲۲ میاشتو حبس محکوم شوی دی.
د اریزونا ایالت سارنوالۍ په خپل ویبسایټ لیکلي چې ۳۰ کلن سید حیدرنجیب چې امریکا کې یې ددایمي هستوګنې غوښتنلیک رد شوی دی د ۲۰۱۸ کال د مارچ میاشتې له اتمې نیټې راهیسې امریکا کې په غیرقانوني توګه اوسیده.
دامریکا فدرالي پولیسو(FBI) په یوه ټولنیزه رسنۍ کې د نوموړي عکسونه او ویډیوګانې لیدلي چې په کې وسله له ځان سره ګرځوي.
کله چې په ۲۰۲۳ کال دهغه کور او موټر پلټل شوي نو په موټر کې یې یومیل AR-15 ډوله ټوپک او ۱۷۵ مرمی میندل شوي دي.