د افغانستان د رسنیو د ملاتړ سازمان؛ طالبان دې د خبریالانو نیول ودروي

عمران دانش او منصور نیازی د طلوع نیوز خبریالان

د افغانستان د رسنیو د ملاتړ سازمان امسو په کابل کې د طلوع نیوز د دوو خبریالانو له نیول کیدو وروسته ویلي چې طالبان دې د افغان خبریالانو نیول ودروي.

دغه سازمان د یکشنبې په ورځ د (ثورشلمه) په یوې اعلامیه کې ویلي،"د دقیقو معلومات له مخې منصور نیازی د تیرې پنجشنبې په ورځ د (ثور۱۷مه) او عمران دانش وړمه شپه د (ثور۱۹مه) په کابل کې د طالبانو له خوا نیول شوي دي".

د طالبانو په حکومت کې یوې باخبره سرچینې بیا ازادي راډيو ته د دغو دوو خبریالانو د نیولو کیدو په اړه بې خبره څرګنده کړه.

د امسو په ټکو، تراوسه د دغو دوو خبریالانو د نیول کیدو د لامل او ساتنې د ځای په اړه معلومات نه لري.

اوسمهال د عمران دانش او منصور نیازي په ګډون شپږ نور خبریالان د طالبانو په بند کې دي.