ایران له امریکا سره د خپل اټومي پروګرام په اړه د یوې هوکړې د ترلاسه کولو امکان مطرح کړی، خو په دې شرط، په دې شرط چې واشنګټن پر تهران بندیزونه لرې کړي.
د ایران د بهرنیو چارو مرستیال وزیر مجید تخت روانچي د یکشنبې په ورځ (د سلواغې ۲۶مه) بي بي سي ته وویل: "که دوی د بندیزونو په اړه خبرې کولو ته چمتو وي، موږ چمتو یو چې د خپل اټومي پروګرام اړوند مسلو په اړه خبرې وکړو."
هغه دا مشخصه نه کړه چې ایا هغه د ټولو او که د یوې برخې بندیزونو لرې کول غواړي.
ایراني چارواکي دا څرګندونې داسې حال کې کوي چې د متحده ایالاتو او ایران ترمنځ د خبرو اترو نوی پړاو د سه شنبې په ورځ د سویس په جینیوا کې د عمان په کوربه توب ترسره کیږي.